ព័ត៌មានអន្ដរជាតិ

ហេតុការណ៍បំផ្ទុះគ្រាប់បែកអត្តឃាតកក្រើកឡើងជាថ្មីនៅអាហ្វហ្គានីស្ថាន

បានផុស

១ year មុន

នៅ

ថ្ងៃពុធ ១២ កុម្ភៈ ២០២៥

ដោយ

យោងតាមការចេញផ្សាយរបស់សារព័ត៌មាន Al Jazeera កាលពីថ្ងៃទី១១ខែកុម្ភៈ បានឲ្យថា ហេតុការណ៍បំផ្ទុះគ្រាប់បែកអត្តឃាតមួយបានសម្លាប់មនុស្សយ៉ាងតិច៥នាក់ និងរបួស៧នាក់នៅភាគឦសានប្រទេសអាហ្វហ្គានីស្ថាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសក្នុងតំបន់ បានរាយការណ៍ថា ការបំផ្ទុះនេះបានកើតឡើងនៅម៉ោង ៨:៣៥ព្រឹកកាលពីថ្ងៃអង្គារនៅជិតសាខាធនាគារ Kabul ក្នុងខេត្ត Kunduz។ មិនទាន់មានក្រុមណាមួយអះអាងទទួលខុសត្រូវចំពោះការបំផ្ទុះនេះនៅឡើយទេ។
សន្តិសុខរបស់ធនាគារ និងមនុស្សបួននាក់ផ្សេងទៀត រួមទាំងជនស៊ីវិល និងសមាជិកនៃក្រុមតាលីបង់ ស្ថិតក្នុងចំណោមអ្នកដែលត្រូវបានសម្លាប់ដោយអំពើអត្តឃាតនោះ។

អ្នកនាំពាក្យប៉ូលិសខេត្ត Kunduz បានឲ្យដឹងថា មានអ្នកបំផ្ទុះគ្រាប់បែកម្នាក់បានបំផ្ទុះគ្រាប់បែកអត្តឃាតដោយចេតនា។ ប៉ូលិសកំពុងធ្វើការជាមួយអង្គការពាក់ព័ន្ធដើម្បីស្វែងរកអ្នកនៅពីក្រោយហេតុការណ៍នេះ។

ចំនួននៃការបំផ្ទុះគ្រាប់បែក និងការវាយប្រហារអត្តឃាតនៅក្នុងប្រទេសអាហ្វហ្គានីស្ថានបានធ្លាក់ចុះគួរឱ្យកត់សម្គាល់ចាប់តាំងពីសហរដ្ឋអាមេរិកបានដកកងកម្លាំងចេញ និងរដ្ឋាភិបាលអាហ្វហ្គានីស្ថានត្រូវបានបណ្តេញចេញដោយពួកតាលីបង់ក្នុងខែសីហាឆ្នាំ២០២១។ ទោះយ៉ាងណាក៏ដោយ ក្រុមប្រដាប់អាវុធជាច្រើនរួមទាំង ISIL (ISIS) នៅតែជាក្រុមដែលបង្កការគំរាមកំហែងដល់សន្តិសុខ។

កាលពីខែតុលាឆ្នាំ២០២១ មនុស្សរាប់សិបនាក់ត្រូវបានសម្លាប់នៅក្នុងការបំផ្ទុះគ្រាប់បែកអត្តឃាតនៅឯវិហារអ៊ីស្លាម Shia ក្នុងខេត្ត Kunduz ដោយក្រុម ISIL។

កាលពីខែមីនាឆ្នាំមុន អ្នកបំផ្ទុះគ្រាប់បែកអត្តឃាតម្នាក់ក៏បានសម្លាប់មនុស្សយ៉ាងហោចណាស់៣នាក់ នៅខាងក្រៅធនាគារក្នុងទីក្រុង Kandahar ភាគខាងត្បូងដែលត្រូវបានអះអាងទទួលខុសត្រូវដោយក្រុម ISIL ផងដែរ។ ទោះបីជាមានការវាយប្រហារជាបន្តបន្ទាប់ក៏ដោយ អាជ្ញាធរតាលីបង់ បាននិយាយថា ពួកគេភាគច្រើនបានកម្ទេចក្រុមនេះ៕

អត្ថបទ៖ ប៊ុន សុភាព

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា