ព័ត៌មានអន្ដរជាតិ
ក្រោយករណីឆ្លងលើស ១ ពាន់ករណី ៨៣ ថ្ងៃជាប់ៗគ្នា កូរ៉េខាងត្បូង ប្រកាសចាក់វ៉ាក់សាំងដល់ស្ត្រីមានផ្ទៃពោះ និងក្មេងៗ
អាជ្ញាធរសុខាភិបាលកូរ៉េខាងត្បូងបាននិយាយនៅថ្ងៃចន្ទនេះថា ខ្លួននឹងចាក់វ៉ាក់សាំងការពារជំងឺកូវីដ ១៩ ដល់ស្ត្រីមានផ្ទៃពោះ និងក្មេងៗដែលមានអាយុពី ១២ ដល់ ១៧ ឆ្នាំ ចាប់ពីខែក្រោយនេះក្នុងគោលបំណងចាក់វ៉ាក់សាំងដល់មនុស្សបន្ថែមទៀត ចំពេលមានការផ្ទុះឆ្លងថ្មី ។
យោងតាមទីភ្នាក់ងារគ្រប់គ្រង និងបង្ការជំងឺកូរ៉េ (KDCA) បានឲ្យដឹងថា ក្មេងៗប្រមាណ ២.៧៧ លាននាក់ដែលមានអាយុចន្លោះពី ១២ ទៅ ១៧ ឆ្នាំនឹងទទួលការចាក់វ៉ាក់សាំងដូសដំបូង ចាប់ពីថ្ងៃទី ១៨ ខែតុលានេះ ។
ផែនការចាក់វ៉ាក់សាំងដល់ក្មេងជំទង់នេះត្រូវបានប្រកាស ខណៈចំនួននៃករណីឆ្លង ក្នុងចំណោមក្មេងៗបានកើនឡើងយ៉ាងឆាប់រហ័ស ចាប់តាំងពីការផ្ទុះឡើងនៃជំងឺកូវីដ ១៩ នៅដើមខែកក្កដា ខណៈគ្រាន់តែក្នុងខែសីហា ក្មេងៗចំនួន ៣,០៥០ នាក់ដែលមានអាយុពី ១២ ដល់ ១៧ ឆ្នាំបានធ្វើតេស្តវិជ្ជមានវីរុសនេះ ។
ចំណែកស្ត្រីមានផ្ទៃពោះប្រហែល ១៣៦,០០០ នាក់នឹងត្រូវបានណែនាំឲ្យទទួលការចាក់វ៉ាក់សាំង ចាប់ពីថ្ងៃទី ១៨ ខែតុលា ខណៈអត្រានៃការឆ្លងវីរុសលើស្ត្រីមានផ្ទៃពោះ គឺខ្ពស់ជាងស្ត្រីដែលកំពុងសម្រាលកូនដទៃទៀតដល់ទៅ ៦ ដង ។
ទន្ទឹមនោះ អាជ្ញាធរសុខាភិបាលក៏មានគម្រោងចាក់វ៉ាក់សាំងដូសជំរុញ ឬដូសទី ៣ ដល់បុគ្គលិកពេទ្យ និងក្រុមដែលងាយរងគ្រោះដោយវីរុសនេះ ដូចជាអ្នកដែលមានអាយុ ៦០ ឆ្នាំ ឬចាស់ជាងនេះ និងអ្នកដែលមានជំងឺពីកំណើត ចាប់ផ្តើមពីថ្ងៃទី ២៥ ខែតុលា ។
ចាប់តាំងពីយុទ្ធនាការចាក់វ៉ាក់សាំងទ្រង់ទ្រាយធំត្រូវបានចាប់ផ្តើមនៅថ្ងៃទី ២៦ ខែកុម្ភៈ ប្រទេសនេះបានចាក់វ៉ាក់សាំងការពារជំងឺកូវីដ ១៩ ដល់មនុស្សសរុប ៣៨,០៩១,៩៥៣ នាក់ ឬស្មើនឹង ៧៤.២ ភាគរយនៃប្រជាជនសរុប ខណៈអ្នកដែលបានចាក់ពេញ ២ ដូសគឺ ២៣,២៣៧,៩១៧ នាក់ ឬ ៤៥.៣ ភាគរយនៃប្រជាជន ។
គួរបញ្ជាក់ថា នៅក្នុងរយៈពេលចុងក្រោយនេះប្រទេសកូរ៉េខាងត្បូងបានរាយការណ៍ពីករណីឆ្លងជំងឺកូវីដ ១៩ ចំនួន ២,៣៨៣ ករណីបន្ថែមទៀតក្នុងរយៈពេល ២៤ ម៉ោងចុងក្រោយ ដែលធ្វើឲ្យចំនួនអ្នកឆ្លងសរុបកើនឡើងដល់ ៣០៣,៥៥៣ ករណី ខណៈចំនួនករណីឆ្លងប្រចាំថ្ងៃមានចំនួនលើសពី ១,០០០ ករណីក្នុងរយៈពេល ៨៣ ថ្ងៃជាប់ៗគ្នា ចាប់តាំងពីថ្ងៃទី ៧ ខែកក្កដាមក ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
ចុចអាន ៖ បើកដៃឲ្យឈប់សម្រាក ៣ ថ្ងៃ កូរ៉េខាងត្បូង ផ្ទុះកូវីដខ្លាំងបំផុតមិនធ្លាប់មាន
-
ចរាចរណ៍៤ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ជីវិតកម្សាន្ដ១ សប្តាហ៍ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៧ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា១១ ម៉ោង ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៥ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៦ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៥ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?