ព័ត៌មានអន្ដរជាតិ

ក្រុមហ៊ុន Pfizer ចាប់ផ្តើមសិក្សាថ្នាំការពារកូវីដមិនឲ្យឆ្លងតាមមាត់

បានផុស

៤ years មុន

នៅ

ថ្ងៃអង្គារ ២៨ កញ្ញា ២០២១

ដោយ

ក្រុមហ៊ុនផលិតឱសថ Pfizer Inc បានឲ្យដឹងកាលពីថ្ងៃចន្ទម្សិលមិញថា ខ្លួនបានចាប់ផ្តើមសាកល្បងលើការសិក្សាដំណាក់កាលពាក់កណ្តាលឈានចូលចុងក្រោយអំពីថ្នាំការពារឆ្លងជំងឺកូវីដតាមរយៈមាត់។

ក្រុមហ៊ុន និងដៃគូប្រជែងរបស់ខ្លួនមានក្រុមហ៊ុន Merck & Co Inc ស្ថិតនៅសហរដ្ឋអាមេរិក និងក្រុមហ៊ុឱសថស្វីស Roche Holding បានកំពុងប្រជែងគ្នាដើម្បីផលិតថ្នាំប្រឆាំងនឹងកូវីដ-១៩ជាលើកដំបូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន Pfizer បាននិយាយថា ខ្លួនបានសិក្សាថ្នាំ PF-07321332 លើអ្នកចូលរួមដែលមានសុខភាពល្អចំនួន២៦៦០នាក់អាយុ១៨ឆ្នាំឡើងដែលរស់នៅជាមួយគ្រួសារដែលមានអ្នកឆ្លងកូវីដ-១៩មានរោគសញ្ញាត្រូវបានបញ្ជាក់ម្នាក់។

ការសាកល្បងថ្នាំ PF-07321332 ដែលមួយដូស Ritonavir កម្រិតទាបជាថ្នាំចាស់ត្រូវបានប្រើយ៉ាងទូលំទូលាយក្នុងការព្យាបាលរួមគ្នាសម្រាប់ការឆ្លងមេរោគអេដស៍។

ចំណែក ក្រុមហ៊ុន Merck និងដៃគូ Ridgeback Biotherapeutics បាននិយាយថា កាលពីដើមខែនេះ ពួកគាត់បានចាប់ផ្តើមចុះឈ្មោះអ្នកជំងឺនៅក្នុងការសាកល្បងដំណាក់កាលចុងក្រោយនៃការធ្វើពិសោធថ្នាំ molnupiravir សម្រាប់ការពារពីការឆ្លងកូវីដ-១៩។

ក្រុមហ៊ុន Pfizer ក៏បាននិយាយដែរថា កាលពីដើមខែនេះ ខ្លួនបានចាប់ផ្តើមសាកល្បងដំណាក់ជិតឈានចូលចុងក្រោយពីថ្នាំ PF-07321332 សម្រាប់ព្យាបាលអ្នកជំងឺកូវីដ-១៩ដែលជាមនុស្សធំដែលមានរោគសញ្ញា តែមិនចូលមន្ទីរពេទ្យ៕

ប្រែសម្រួល៖ វីរបុត្រ
ប្រភព៖ reuters

Related Topics:កូវីដ-១៩