អាមេរិក អួតថា ២ ខែទៀតចំនួនអ្នកស្លាប់ដោយកូវីដក្នុងប្រទេស នឹងថយចុះ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អាមេរិក អួតថា ២ ខែទៀតចំនួនអ្នកស្លាប់ដោយកូវីដក្នុងប្រទេស នឹងថយចុះ

បានផុស

នៅ

អ្នកជំនាញកំពូលខាងជំងឺឆ្លងរបស់អាមេរិកលោក Anthony Fauci រំពឹងថា ចំនួនអ្នកស្លាប់ដោយសារជំងឺកូវីដ ១៩ នឹងថយចុះនៅខែធ្នូ ពោលនៅរដូវរងានេះតែម្ដង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយដកស្រង់សម្ដីពីសារព័ត៌មាន The Hill លោក Fauci បាននិយាយនៅក្នុងបទសម្ភាសន៍ជាមួយពិធីការិនីអាមេរិក Greta Van Susteren ថា “អ្នកនឹងចាប់ផ្តើមឃើញការស្លាប់ ដោយសារជំងឺកូវីដ ១៩ ធ្លាក់ចុះដូចគ្នាទៅនឹងការចូលសម្រាកព្យាបាលនៅមន្ទីរពេទ្យ ហើយការធ្លាក់ចុះលឿនប៉ុណ្ណានោះ នឹងអាស្រ័យលើកាលៈទេសៈមួយចំនួន ដូចជាមនុស្សនឹងធ្វើអ្វីគ្រប់យ៉ាងក្នុងទីតាំងបិទជិត អំឡុងរដូវរងា ក៏ដូចជា ថាតើពួកគេដើរតាមគោលការណ៍ណែនាំរបស់មជ្ឈមណ្ឌលគ្រប់គ្រង និងបង្ការជំងឺ CDC យ៉ាងដូចម្តេច” ។

លោក Fauci ដែលជាទីប្រឹក្សាវេជ្ជសាស្រ្តរបស់ប្រធានាធិបតីអាមេរិកក៏បានណែនាំប្រជាជនឲ្យពាក់ម៉ាស់ ក្នុងអំឡុងពេលជួបជុំគ្នានៅទីតាំងបើកចំហរ មិនថាបុគ្គលនោះត្រូវបានចាក់វ៉ាក់សាំង ឬអត់នោះទេ ព្រោះសហគមន៍ទាំងនោះមានអត្រាឆ្លងកូវីដខ្ពស់ ។

នៅខែកញ្ញា អ្នកជំនាញខាងជំងឺឆ្លងបានព្រមានថា វីរុសបំប្លែងខ្លួនឥណ្ឌា Delta នៅតែជាកង្វល់ចម្បងនៅសហរដ្ឋអាមេរិក ដោយបានបង្កើនចំណែកនៃករណីឆ្លងថ្មីនៅសហរដ្ឋអាមេរិកដល់ជាង ៩៨ ភាគរយពី ១៣.៥ ភាគរយនៅក្នុងខែមិថុនា ។

បច្ចុប្បន្ន សហរដ្ឋអាមេរិកទាំងចំនួនករណីឆ្លង និងចំនួនអ្នកស្លាប់ដោយសារជំងឺកូវីដ ១៩ គឺខ្ពស់បំផុតក្នុងចំណោមប្រទេសទាំងអស់នៅលើពិភពលោក ។ យោងតាមទិន្នន័យចុងក្រោយពីសាកលវិទ្យាល័យ Johns Hopkins បានឲ្យដឹងថា សហរដ្ឋអាមេរិកបានចុះបញ្ជីករណីឆ្លងជាង ៤៤.៣ លានករណី ចាប់តាំងពីការផ្ទុះឡើងនៃជំងឺរាតត្បាត ហើយចំនួនអ្នកស្លាប់បានកើនលើស ៧១២,០០០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចិន ផ្ទុះកំហឹងលើ អាមេរិក ក្រោយដាក់ពង្រាយកងទ័ពដោយសម្ងាត់នៅ តៃវ៉ាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

ឃុំខ្សាយខ មានកុមារអាយុក្រោម ២ ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដ-១៩ បន្តទទួលសាច់ប្រាក់រាជរដ្ឋាភិបាល

ព័ត៌មានជាតិ១២ ម៉ោង មុន

ចាប់ខ្លួនស្រ្តីម្នាក់ តាមដីកាបង្គាប់របស់តុលាការ ហើយនៅតេស្ដរកឃើញ វិជ្ជមានកូវីដ-១៩

ព័ត៌មានអន្ដរជាតិ១២ ម៉ោង មុន

កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ

ព័ត៌មានជាតិ១២ ម៉ោង មុន

ក្រសួងសុខាភិបាល បង្ហាញបញ្ជីឈ្មោះសណ្ឋាគារចំនួន ៥ សម្រាប់អ្នកដំណើរកក់ធ្វើចត្តាឡីស័ក

ចរាចរណ៍១៣ ម៉ោង មុន

សមត្ថកិច្ច បញ្ជូនបុរសម្នាក់ទៅតុលាការ ក្រោយបើករថយន្តបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស

Sokha Hotels

ព័ត៌មានពេញនិយម

Helistar Cambodia - Helicopter Charter Services