ព័ត៌មានអន្ដរជាតិ
សម្រាប់ប្រទេសក្រីក្រ WHO រៀបគម្រោងទិញថ្នាំ Molnupiravir តម្លៃតែ១០ដុល្លារក្នុង១សិត
អង្គការសុខភាពពិភពលោក (WHO) នឹងរៀបចំកម្មវិធីមួយដើម្បីទទួលបានស្មើភាពទាំងវ៉ាក់សាំងបង្ការកូវីដ-១៩ ការធ្វើតេស្ត និងការព្យាបាលដែលមានគោលដៅធានាបាននូវថ្នាំគ្រាប់ព្យាបាលអ្នកជំងឺកម្រិតស្រាល និងមធ្យមក្នុង១សិតតម្លៃត្រឹមតែ១០ដុល្លារប៉ុណ្ណោះ។ នេះបើយោងតាមឯកសារដែល Reuters ទទួលបាន។
ក្រុមហ៊ុន Merck & Co បានកំពុងដំណើរការផលិតថ្នាំគ្រាប់ Molnupiravir ដែលទំនងក្លាយជាថ្នាំគ្រាប់មួយប្រភេទ និងថ្នាំផ្សេងទៀតសម្រាប់ព្យាបាលអ្នកជំងឺកូវីដ-១៩កម្រិតមធ្យម។
ឯកសារដែលបង្ហាញពីគោលបំណងនៃឧបករណ៍បង្កើនល្បឿនកូវីដ-១៩ (ACT-A) រហូតដល់ខែកញ្ញា ឆ្នាំក្រោយ បាននិយាយថា កម្មវិធីចង់នាំមកនូវការធ្វើតេស្តកូវីដ-១៩ប្រហែល១ប៊ីលានទៅប្រទេសក្រីក្រ និងទិញថ្នាំគ្រាប់សម្រាប់ព្យាបាលអ្នកជំងឺ១២០លាននាក់ទូទាំងពិភពលោក ដែលអាចដល់២០០លាននាក់ត្រូវបានគេប៉ាន់ស្មានក្នុងរយៈពេល១២ខែខាងមុខ។
ផែនការទាំងនេះបង្ហាញពីរបៀបដែលអង្គការសុខភាពពិភពលោកចង់ផ្គត់ផ្គង់ថ្នាំ និងការធ្វើតេស្តដែលមានតម្លៃទាប បន្ទាប់ពីបរាជ័យរឿងវ៉ាក់សាំងជាមួយប្រទេសអ្នកមានដែលមានចំណែកផ្គត់ផ្គង់យ៉ាងច្រើន ហើយទុកឲ្យប្រទេសក្រីក្រខ្វះខាត។
អ្នកនាំពាក្យសម្រាប់ ACT-A បាននិយាយថា ឯកសារដែលចុះថ្ងៃទី១៣ ខែតុលាស្ថិតនៅក្នុងសេចក្តីព្រាងក្រោមការពិគ្រោះយោបល់នៅឡើយ និងបដិសេធធ្វើអត្ថាធិប្បាយពីខ្លឹមសារមុនពេលវាត្រូវបានបញ្ចប់។ ឯកសារក៏នឹងត្រូវបានបញ្ជូនទៅកាន់មេដឹកនាំពិភពលោកមុនពេលកិច្ចប្រជុំកំពូល G20 នៅទីក្រុងរ៉ូម ប្រទេសអ៉ីតាលី ចុងខែនេះ។
ACT-A បានស្នើសុំមេដឹកនាំ G20 និងម្ចាស់ជំនួយផ្សេងទៀតសម្រាប់ថវិកាចំនួន២២.៨ប៊ីលានដុល្លារអាមេរិករហូតដល់ខែកញ្ញា ឆ្នាំ២០២២ ដែលនឹងប្រើប្រាស់សម្រាប់ទិញ និងចែកចាយវ៉ាក់សាំង ថ្នាំព្យាបាល និងការធ្វើតេស្តដល់ប្រទេសក្រីក្រ ហើយបង្រួមគម្លាតដ៏ធំឲ្យតូចនៅក្នុងការផ្គត់ផ្គង់រវាងប្រទេសអ្នកមាន និងប្រទេសអ្នកក្រ។ រហូតដល់ពេលនេះ ម្ចាស់ជំនួយបានសន្យានូវកញ្ចប់ថវិកា១៨.៥ប៊ីលានដុល្លារហើយដល់កម្មវិធីនេះ។
ការស្នើសុំហិរញ្ញវត្ថុត្រូវបានផ្អែកលើការប៉ាន់ស្មានលំអិតអំពីតម្លៃថ្នាំគ្រាប់ ការព្យាបាល និងការធ្វើតេស្ត ដែលនឹងគណនាចូលសម្រាប់ការចំណាយដ៏ធំបំផុតរបស់កម្មវិធីជាមួយនឹងតម្លៃចែកចាយវ៉ាក់សាំងដែរ។
ទោះបីជាមិនបានបញ្ជាក់ច្បាស់ពីថ្នាំគ្រាប់ Molnupiravir ក៏ឯកសារ ACT-A ត្រូវបានគេរំពឹងថា នឹងចំណាយ១០ដុល្លារក្នុងមួយសិតសម្រាប់ថ្នាំគ្រាប់ព្យាបាលដល់អ្នកជំងឺស្រាល និងមធ្យម។
ថ្នាំផ្សេងទៀតសម្រាប់ព្យាបាលអ្នកជំងឺកូវីដកម្រិតស្រាលកំពុងត្រូវបានផលិត ប៉ុន្តែ Molnupiravir ជាថ្នាំតែមួយគត់ដែលរហូតដល់ពេលនេះបានបង្ហាញពីលទ្ធផលវិជ្ជមានល្អក្នុងការសាកល្បងចុងក្រោយបំផុត។ ACT-A ស្ថិតក្នុងការពិភាក្សាជាមួយក្រុមហ៊ុន Merck & Co ដើម្បីទិញថ្នាំនេះ។
សូមបញ្ជាក់ថា តម្លៃតាមគម្រោងខាងលើ១០ដុល្លារក្នុង១សិតគឺទាបខ្លាំងមែនទែន បើប្រៀបធៀបជាមួយតម្លៃ៧០០ដុល្លារក្នុងមួយសិតដែលសហរដ្ឋអាមេរិកបានយល់ព្រមទិញចំនួន១.៧លានសិត៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ