ព័ត៌មានអន្ដរជាតិ
អ៉ីតាលីរកឃើញថា ចាក់វ៉ាក់សាំងរួច មានតែមនុស្សចាស់ និងមានជំងឺអាចស្លាប់ដោយកូវីដ
មនុស្សដែលបានចាក់វ៉ាក់សាំងរួចទំនងជាមិនស្លាប់ដោយជំងឺកូវីដ-១៩ឡើយ លើកលែងតែមនុស្សចាស់ជរា និងមានជំងឺប្រចាំកាយស្រាប់។ នេះបើតាមការសិក្សាមួយនៅប្រទេសអ៉ីតាលីបានបង្ហាញកាលពីថ្ងៃពុធ។
ការសិក្សារបស់វិទ្យាស្ថានសុខភាពជាតិ (ISS) ដែលមាននៅក្នុងរបាយការណ៍ទៀងទាត់ស្តីពីមរណភាពដោយកូវីដ-១៩បានបង្ហាញថា មធ្យមភាគអាយុអ្នកស្លាប់ដោយកូវីដ ទោះចាក់វ៉ាក់សាំងរួចរាល់គឺ៨៥ឆ្នាំ។ ជាមធ្យមភាគអ្នកដែលមានជំងឺប្រចាំកាយកម្រិត៥។
ចំណែកមធ្យមភាគអាយុនៃការស្លាប់ក្នុងចំណោមអ្នកអត់ចាក់វ៉ាក់សាំងគឺអាយុ៧៨ឆ្នាំដែលមានជំងឺស្រាប់កម្រិត៤។
ករណីនៃជំងឺបេះដូង ជំងឺវង្វែង និងមហារីកត្រូវបានគេរកឃើញទាំងអស់ស្ថិតនៅក្នុងហានិភ័យខ្ពស់នៃការស្លាប់ក្នុងចំណោមអ្នកដែលបានចាក់វ៉ាក់សាំងរួច។
ការវិភាគដែលត្រូវបានធ្វើឡើងពីថ្ងៃទី១ ខែកុម្ភៈ ដល់ថ្ងៃទី៥ ខែតុលា ឆ្នាំនេះបានសិក្សាលើកំណត់ហេតុវេជ្ជសាស្ត្ររបស់អ្នកស្លាប់ដោយកូវីដមិនទាន់ចាក់វ៉ាក់សាំងចំនួន៦៧១នាក់ និងអ្នកចាក់វ៉ាក់សាំងរួចចំនួន១៧១នាក់។
អ្នកស្លាប់ដោយកូវីដ៣៨០៩៦នាក់នៅប្រទេសអ៉ីតាលីកំឡុងរយៈពេលស្ថិតក្រោមការត្រូតពិនិត្យ។
ក្នុងចំណោមទាំងអ្នកស្លាប់ទាំងអស់នោះ ចំនួន៣៣៦២០នាក់មិនទាន់ចាក់វ៉ាក់សាំង និង២១៣០នាក់បានចាក់វ៉ាក់សាំង១ដូស ឬឆ្លងភ្លាមៗ បន្ទាប់ពីចាក់វ៉ាក់សាំងមុនពេលបង្កើតអង់ទីគ័រ ហើយមានតែ១៤៤០នាក់បានចាក់វ៉ាក់សាំងពេញដូស។
កាលពីដើមខែនេះ ប្រទេសអ៉ឺតាលីបានឈានដល់គោលដៅចាក់វ៉ាក់សាំងដល់ប្រជាជនរបស់ខ្លួន៨០%ចាប់ពីអាយុ១២ឆ្នាំឡើងដែលរដ្ឋាភិបាលបានបង្ហាញពីកម្រិតប្រសិទ្ធភាពដ៏សំខាន់ក្នុងការទប់ស្កាត់កូវីដ។
ទោះបីជាឈានដល់គោលដៅនេះក៏ដោយ ក៏ចាប់ពីថ្ងៃទី១៥ ខែតុលាមក រដ្ឋាភិបាលអ៉ឺតាលីបានអនុម័តប័ណ្ណសុខភាពកូវីដ-១៩សម្រាប់កម្មករទាំងអស់ ដែលស្ថិតក្នុងករណីតេស្តសម្រាប់អឺរ៉ុប។ ពេលខ្លះ ចំណាត់ការនេះបានបណ្តាលឲ្យមានការតវ៉ាក្លាយជាហឹង្សាជាច្រើននៅតាមទីក្រុងនានាមានទាំងទីក្រុងរ៉ូមផង៕
ប្រែសម្រួល៖ វីរបុត្រ
ប្រភព៖ reuters
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង