Connect with us

ព័ត៌មានអន្ដរជាតិ

ចិន​ព្រមាន​វីរុស​ Delta​ ជា​កម្លាំង​ជំរុញ​ខ្លាំង​ក្នុង​ការ​ផ្ទុះ​ឆ្លងជាថ្មី

បានផុស

នៅ

មន្ត្រី​សុខាភិបាល​បាន​ឲ្យ​ដឹង​កាល​ពី​ថ្ងៃ​អាទិត្យ​ថា ការ​​ផ្ទុះ​កូវីដ​-១៩​ថ្មី​បំផុត​នៅ​ប្រទេស​ចិន​​ទំនង​ជា​កំពុង​រាល​ដាល​ខ្លាំង​​ឡើង​​​ថែម​ទៀត ខណៈ​អាជ្ញាធរ​បាន​ជំរុញ​គ្រប់​តំបន់​ទាំង​អស់​ចាត់​វិធាន​ការ​តាម​ដាន​ និង​ឲ្យ​កាត់​បន្ថយ​ការ​ធ្វើ​ដំណើរ​ឆ្លង​ខេត្ត។

ប្រទេស​ចិន​បាន​កំពុង​ផ្ទុះកូវីដសាជា​ថ្មី ប៉ុន្តែ​បាន​ប្តេជ្ញា​លុប​បំបាត់​ឲ្យ​ខាង​តែ​បាន​ ជា​ពិសេសទប់​ស្កាត់​ឲ្យ​ទាន់​ពេល​វេលា​មុន​ព្រឹត្តិការណ៍​កីឡា​អូឡាំពិក​រដូវ​ត្រជាក់​ឆ្នាំ​២០២២​ចាប់ដំណើរ​ការ​នា​ខែ​កុម្ភៈ។​

ករណី​ឆ្លង​ក្នុង​ស្រុក​ជាង​១០០​នាក់​បាន​រក​ឃើញ​កាល​ពី​សប្តាហ៍​មុន​ទូទាំង​ខេត្ត​១១​របស់​ប្រទេស​ចិន ដែល​ភាគ​ច្រើន​នៅ​ក្រុម​ទេសចរណ៍​១៣​​ផ្សេង​គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mi Feng អ្នក​នាំពាក្យ​គណកម្មការ​សុខភាព​ជាតិ​បាន​ប្រាប់​អ្នក​កាសែត​កាល​ពី​ថ្ងៃ​​អាទិត្យ​ថា មាន​ហានិភ័យ​កំពុង​កើនឡើង​​​ដែល​ការ​​ផ្ទុះ​ប្រហែល​ជា​រាល​ដាល​ថែម​ទៀត​តាម​​កត្តា​រដូវកាល។

លោក Wu Liangyou នាយក​រង​គណកម្មការ​សុខភាព​ជាតិ​បញ្ជាក់​ថា វីរុស​បំប្លែង​ខ្លួន Delta កំពុង​រាត​ត្បាត​ដែល​​ធ្វើ​ឲ្យ​មាន​ការ​ឆ្លង​ខ្ពស់​នេះ។ លោក​ថា វា​ខុស​ពី​ប្រភព​ឆ្លង​លើក​មុន​និង​បាន​ប​ញ្ជាក់​​ថា ករណី​ឆ្លង​ថ្មី​មាន​ប្រភពមួយ​​មក​ពី​ក្រៅ​ប្រទេស​។

អាជ្ញាធរ​បាន​ហាម​ឃាត​ទី​ភ្នាក់​ងារ​ទេសចរណ៍​ពី​កា​ររៀប​ចំ​ដំណើរ​កម្សាន្ត​ឆ្លង​ខេត្ត​ដែល​ពាក់ព័ន្ធ​នឹង​តំបន់​​មាន​ហានិភ័យ​ខ្ពស់ និង​បានដាក់​បំរាម​ផ្អាក​ទូទាំង​ប្រទេស​លើ​សេវាកម្ម​ទេសចរណ៍​មួយ​ចំនួន​ដែល​ពាក់​ព័ន្ធ​នឹង​តំបន់​ទេសចរណ៍​ច្រើន។

ទី​ក្រុង​ប៉េកាំង​បាន​និយាយ​ថា ខ្លួន​នឹង​ដាក់​បំរាម​រឹត​ត្បិត​លើ​ការ​ធ្វើ​ដំណើរ​​ចូល​ទី​ក្រុង​ចំពោះ​មនុស្ស​ដែល​​មក​ពី​តំបន់​ឆ្លង។

អាជ្ញាធរ​សុខាភិបាល​​ក៏​បាន​និយាយ​កាល​ពី​ថ្ងៃ​អាទិត្យ​ថា ប្រហែល​ជា​៧៥.៦​%​នៃ​ប្រជា​ជន​ចិន​បាន​ចាក់​វ៉ាក់សាំង​​គ្រប់​ដូស​គិត​​ត្រឹម​ថ្ងៃ​ទី​២៣ ខែ​តុលា ឬ​ស្មើ​នឹង​ប្រជា​ជន​១.០៦៨​ប៊ីលាន​នាក់។

ចិន​បាន​កំពុង​ចាក់​វ៉ាក់សាំង​ដូស​ជំរុញ​​ដល់​មនុស្ស​ដែល​បាន​ចាក់​ដូស​ចុង​ក្រោយ​កាល​ពី​៦​ខែ​មុន ដោយ​អាទិភាព​លើ​កម្មករ​សំខាន់​ៗ មនុស្ស​វ័យ​ចំណាស់ និង​អ្នក​ដែល​មាន​ប្រព័ន្ធ​​ការពារ​រាង​កាយ​ខ្សោយ។

ទិន្នន័យ​បាន​បង្ហាញ​​ថា អង់ទីគ័រ​ដែល​បាន​មក​ពី​វ៉ាក់សាំង​ក្នុង​នោះ​ភាគ​ច្រើន​វ៉ាក់សាំង Sinovacនិង​ Sinopharm បាន​​ថយ​​ចុះ​ប៉ុន្មាន​ខែ​ចុង​ក្រោយ​នេះ។

លោក Wang Huaqing ប្រធាន​អ្នកជំនាញ​កម្មវិធី​ចាក់​ថ្នាំ​បង្ការ​នៅ​មជ្ឈមណ្ឌល​គ្រប់​គ្រង និង​បង្ការ​ជំងឺ​បាន​និយាយ​ថា ចិន​នឹង​មិន​ចាក់​ដូស​បន្ថែម​ដល់​ប្រជា​ជន​ដោយ​គ្មាន​កំណត់​នោះ​ទេ។

លោក​បាន​និយាយ​ថា ៖«បើ​ទោះ​ជា​វា​ត្រូវ​ការ​ពង្រឹងពេល​ក្រោយ​ទៀត ក៏​ការ​ចាក់ដូស​បន្ថែម​មាន​ចំនួន​កំណត់។ យើង​សង្ឃឹម​ នា​ពេល​អនាគត​នឹង​មាន​វ៉ាក់សាំង​កាន់​តែ​ល្អ ហើយ​ដំពណើរ​ការ​ផលិត​វ៉ាក់សាំង​កាន់​តែ​ប្រសើរ​ដើម្បី​ទទួល​បាន​ការពារ​ដ៏​រឹង​មាំ​ដល់​សាធារណជន»៕

ប្រែ​សម្រួល៖ វីរបុត្រ
ប្រភព៖ reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៥ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានអន្ដរជាតិ៩ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ៣ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម