Connect with us

ព័ត៌មានអន្ដរជាតិ

អាមេរិក ពន្យារពេលអនុម័តវ៉ាក់សាំង Moderna សម្រាប់ក្មេងជំទង់

បានផុស

នៅ

ក្រុមហ៊ុនជីវបច្ចេកវិទ្យាអាមេរិក Moderna បាននិយាយកាលពីថ្ងៃអាទិត្យទី៣១ខែតុលាថា មន្ត្រីអាមេរិកបានពន្យារពេលអនុម័តវ៉ាក់សាំងកូវីដ របស់ខ្លួនសម្រាប់ក្មេងជំទង់ ដើម្បីទុកពេលបន្ថែមទៀត វាយតម្លៃលើហានិភ័យនៃជំងឺ រលាកសាច់ដុំបេះដូង។

នៅក្នុងសេចក្តីថ្លែងការណ៍មួយ ក្រុមហ៊ុនជីវបច្ចេកវិទ្យានេះនិយាយថា រដ្ឋបាលចំណីអាហារ និងឱសថសហរដ្ឋអាមេរិក (FDA) កាលពីថ្ងៃសុក្រ បានជូនដំណឹងដល់ក្រុមហ៊ុន Moderna ថា ទីភ្នាក់ងារនេះត្រូវការពេលវេលាបន្ថែមទៀត ដើម្បីវាយតម្លៃការវិភាគអន្តរជាតិថ្មីៗអំពីហានិភ័យនៃជំងឺរលាកសាច់ដុំបេះដូងបន្ទាប់ពីការចាក់វ៉ាក់សាំង។

ការវាយតម្លៃថាតើត្រូវណែនាំវ៉ាក់សាំង Moderna សម្រាប់ក្មេងអាយុពី ១២ទៅ ១៧ឆ្នាំដែរឬអត់ អាចអូសបន្លាយពេលរហូតដល់ខែមករាឆ្នាំ២០២២។

ជំងឺរលាកសាច់ដុំបេះដូង និងហានិភ័យដែលពាក់ព័ន្ធ ធ្លាប់ត្រូវបានផ្សារភ្ជាប់ទៅនឹងវ៉ាក់សាំង Pfizer និង Moderna ជាពិសេសក្នុងចំណោមក្មេងប្រុសជំទង់ និងបុរសវ័យក្មេង។

ទោះបីជាយ៉ាងណាក៏ដោយ CDC រកឃើញថា “ជំងឺរលាកសាច់ដុំបេះដូង បន្ទាប់ពីការចាក់វ៉ាក់សាំងប្រភេទ mRNA គឺកម្រណាស់និង ជាទូទៅមានកម្រិតស្រាល”៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ក្រុមហ៊ុន Moderna គ្រោងផ្តល់វ៉ាក់សាំង ១ពាន់លានដូសទៀត ដល់ប្រទេសមានប្រាក់ចំណូលទាបនៅឆ្នាំ ២០២២

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម