ព័ត៌មានអន្ដរជាតិ
អាមេរិក ពន្យារពេលអនុម័តវ៉ាក់សាំង Moderna សម្រាប់ក្មេងជំទង់
ក្រុមហ៊ុនជីវបច្ចេកវិទ្យាអាមេរិក Moderna បាននិយាយកាលពីថ្ងៃអាទិត្យទី៣១ខែតុលាថា មន្ត្រីអាមេរិកបានពន្យារពេលអនុម័តវ៉ាក់សាំងកូវីដ របស់ខ្លួនសម្រាប់ក្មេងជំទង់ ដើម្បីទុកពេលបន្ថែមទៀត វាយតម្លៃលើហានិភ័យនៃជំងឺ រលាកសាច់ដុំបេះដូង។
នៅក្នុងសេចក្តីថ្លែងការណ៍មួយ ក្រុមហ៊ុនជីវបច្ចេកវិទ្យានេះនិយាយថា រដ្ឋបាលចំណីអាហារ និងឱសថសហរដ្ឋអាមេរិក (FDA) កាលពីថ្ងៃសុក្រ បានជូនដំណឹងដល់ក្រុមហ៊ុន Moderna ថា ទីភ្នាក់ងារនេះត្រូវការពេលវេលាបន្ថែមទៀត ដើម្បីវាយតម្លៃការវិភាគអន្តរជាតិថ្មីៗអំពីហានិភ័យនៃជំងឺរលាកសាច់ដុំបេះដូងបន្ទាប់ពីការចាក់វ៉ាក់សាំង។
ការវាយតម្លៃថាតើត្រូវណែនាំវ៉ាក់សាំង Moderna សម្រាប់ក្មេងអាយុពី ១២ទៅ ១៧ឆ្នាំដែរឬអត់ អាចអូសបន្លាយពេលរហូតដល់ខែមករាឆ្នាំ២០២២។
ជំងឺរលាកសាច់ដុំបេះដូង និងហានិភ័យដែលពាក់ព័ន្ធ ធ្លាប់ត្រូវបានផ្សារភ្ជាប់ទៅនឹងវ៉ាក់សាំង Pfizer និង Moderna ជាពិសេសក្នុងចំណោមក្មេងប្រុសជំទង់ និងបុរសវ័យក្មេង។
ទោះបីជាយ៉ាងណាក៏ដោយ CDC រកឃើញថា “ជំងឺរលាកសាច់ដុំបេះដូង បន្ទាប់ពីការចាក់វ៉ាក់សាំងប្រភេទ mRNA គឺកម្រណាស់និង ជាទូទៅមានកម្រិតស្រាល”៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ ក្រុមហ៊ុន Moderna គ្រោងផ្តល់វ៉ាក់សាំង ១ពាន់លានដូសទៀត ដល់ប្រទេសមានប្រាក់ចំណូលទាបនៅឆ្នាំ ២០២២
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន