ព័ត៌មានអន្ដរជាតិ

លោក ចូ បៃដិន ថា ដើម្បីឈ្នះ Omicron ត្រូវបិទទូទាំងពិភពលោក ខណៈអាមេរិករាលដាល១១រដ្ឋ

បានផុស

៣ years មុន

នៅ

ថ្ងៃសៅរ៍ ៤ ធ្នូ ២០២១

ដោយ

សហរដ្ឋអាមេរិកបានរាលដាលឆ្លងវីរុសកូវីដ-១៩បំប្លែងខ្លួនថ្មី Omicron រហូតដល់១១រដ្ឋ បន្ទាប់ពីឆ្លងដំបូងត្រឹមតែ៤រដ្ឋប៉ុណ្ណោះ ហើយករណីឆ្លងសហគមន៍ក៏ទើបរកឃើញដំបូងកាលពីថ្ងៃព្រហស្បតិ៍ដែរ។

តាមការផ្សាយផ្ទាល់របស់ Theguardian នៅព្រឹកថ្ងៃសៅរ៍ ទី៤ ខែធ្នូនេះ លោកប្រធានាធិបតីសហរដ្ឋអាមេរិក ចូ បៃដិន បាននិយាយថា ៖«ដើម្បីយកឈ្នះវីរុសបំប្លែងខ្លួនថ្មី Omicron យើងត្រូវតែបិទប្រទេសទូទាំងពិភពលោក»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីរុសបំប្លែងខ្លួនថ្មីនេះដែលអ្នកវិទ្យាសាស្ត្រមួយចំនួនបាននិយាយថា ឆ្លងរាលដាលលឿនជាងវីរុស Delta ពីរដង បានរាយការណ៍ឆ្លងចូលរដ្ឋអាមេរិកចំនួន១១ហើយ។ ករណីឆ្លងថ្មីត្រូវបានរកឃើញនៅរដ្ឋ ញ៉ូវចេស៊ី, មីសសួរី, យូថាហ៍, នេប្រាស្កា, ម៉ារីលែន និងផេនស៊ីលវ៉ានៀ កាលពីថ្ងៃសុក្រ។

កាលពីថ្ងៃព្រហស្បតិ៍ សហរដ្ឋអាមេរិកបានរកឃើញអ្នកឆ្លង Omicron នៅរដ្ឋកាលីហ្វ័រញ៉ា ខូឡូរ៉ាដូ មីនីសូតា និងញ៉ូវយ៉ក។

អភិបាលរដ្ឋញ៉ូវចេស៊ី លោក Phil Murphy បាននិយាយថា ៖«វីរុសបំប្លែងខ្លួន Omicron ស្ថិតក្នុងចំណោមពួកយើង ហើយយើងត្រូវចាត់វិធានការទប់ស្កាត់ការរាលដាល»។ នៅរដ្ឋរបស់លោកជាករណីរកឃើញដំបូងដែលស្ត្រីម្នាក់ទើបធ្វើដំណើរមកពីអាហ្វ្រិកខាងត្បូង។

ទោះបីជាយ៉ាងណា វីរុសបំប្លែងខ្លួន Delta នៅតែគ្រប់ដណ្តប់ខ្លាំងដដែលក្នុងចំណោមអ្នកឆ្លងកូវីដទូទាំងសហរដ្ឋអាមេរិក ប៉ុន្តែមន្ត្រីសុខាភិបាលនិយាយថា វីរុសបំប្លែងខ្លួននៅតែកង្វល់ចម្បងដដែល។

វីរុស Omicron បានរាលដាលឆ្លងយ៉ាងឆាប់រហ័សនៅអាហ្វ្រិកខាងត្បូងដែលជាកន្លែងរកឃើញដំបូងដោយអ្នកវិទ្យាសាស្ត្រ ហើយក៏បានបន្តឆ្លងពីប្រទេសមួយទៅប្រទេសមួយដែលភាគច្រើនតាមរយៈអ្នកធ្វើដំណើរ៕

ប្រែសម្រួល៖ វីរបុត្រ
ប្រភព៖ theguardian