ប៉ូលិសចាប់ខ្លួនអ្នកចែកចាយព័ត៌មានថា លោក ពូទីន មានជំងឺមហារីក
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ប៉ូលិសចាប់ខ្លួនអ្នកចែកចាយព័ត៌មានថា លោក ពូទីន មានជំងឺមហារីក

បានផុស

នៅ

កាលពីថ្ងៃអាទិត្យកាសែតក្នុងស្រុក Fontanka បានរាយការណ៍ថា អ្នកវិទ្យាសាស្ត្រនយោបាយលោក Valery Solovey ត្រូវបានឃុំខ្លួនពីបទល្មើសច្បាប់រឹតបន្តឹងបញ្ហាកូវីដ ១៩ ក្នុងតំបន់ជាពិសេសអ្នកដែលតម្រូវឲ្យពាក់ម៉ាស អំឡុងការប្រមូលផ្ដុំមួយសម្រាប់ចលនាប្រឆាំងដែលមានឈ្មោះថា “Peremen” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍បានឲ្យដឹងថា ព្រឹត្តិការណ៍នេះត្រូវបានរំខានដោយក្រុមអ្នកតវ៉ាប្រឆាំងជាមួយនឹងការគប់គ្រាប់បែកផ្សែង និងពង្រាយខិត្តប័ណ្ណជាដើម ហើយក្រោយមកលោក Solovey ត្រូវបានឃុំខ្លួន និងនាំទៅប៉ុស្តិ៍ប៉ូលិសក្បែរនោះ ។

ចំពោះប្រព័ន្ធផ្សព្វផ្សាយលោកខាងលិច លោក Valery Solovey ជាបង្អួចចូលទៅកាន់ពិភពដ៏អាថ៌កំបាំងនៃវិមានក្រឹមឡាំង ។ ចំពោះជនជាតិរុស្ស៊ីជាច្រើន គាត់ជាអ្នកសមគំនិតដ៏ល្បីល្បាញ ។ ប៉ុន្តែសម្រាប់ប៉ូលិសវិញលោក Valery Solovey គឺជាបុរសគោលដៅ បន្ទាប់ពីគាត់ត្រូវបានចាប់ខ្លួននៅឯបាតុកម្មមួយនៅទីក្រុង St. Petersburg ។

អ្នកអត្ថាធិប្បាយជើងចាស់រូបនេះបានប្រាប់កាសែត Novaya Gazeta នៅទីក្រុងមូស្គូថា គាត់កំពុងដើរកាត់ការប្រមូលផ្ដុំ ហើយក្រុមសកម្មជនបានចូលទៅជិតគាត់ដើម្បីសួរសំណួរ ។ លោក Solovey គឺជាប្រភពនៃការអះអាងដែលមិនចេះរីងស្ងួតកាន់តែខ្លាំងឡើងៗនៅក្នុងប៉ុន្មានខែថ្មីៗនេះអំពីលោក វ្ល៉ាឌីមៀពូទីន ដោយលោកបានចោទប្រកាន់នៅដើមឆ្នាំ ២០១៦ ថា ប្រធានាធិបតីនឹងចុះចេញពីតំណែងដោយសារតែបញ្ហាសុខភាពធ្ងន់ធ្ងរ ។

ទោះយ៉ាងណាវាមិនបានរារាំងគាត់ពីការអុជអាលនៅក្នុងប្រព័ន្ធផ្សព្វផ្សាយលោកខាងលិចនោះទេដោយមានការចុះផ្សាយពីបញ្ហានេះរួមទាំងកាសែត Daily Mail របស់ចក្រភពអង់គ្លេស និងកាសែត New York Post របស់អាមេរិកដោយបានផ្សព្វផ្សាយថា លោកប្រធានាធិបតីមានបញ្ហាខួរក្បាលធ្ងន់ធ្ងរ (ជំងឺ Parkinson) ហើយបន្ទាប់មកលោក ពូទីន បានទទួលការវះកាត់ជាសម្ងាត់សម្រាប់ជំងឺមហារីក ។ កាលពីអតីតកាលលោក Solovey បាននិយាយថា គាត់គឺជាសមាជិកនៃអង្គការអន្តរជាតិដែលមានអំណាចជាងរដ្ឋាភិបាលជាតិទៅទៀត ។

នៅក្នុងបទសម្ភាសន៍ជាមួយអ្នកកាសែតអ៊ុយក្រែនលោកបានពណ៌នាថា ក្រុមនេះខ្លាំងជាងទីភ្នាក់ងារសន្តិសុខកំពូលរបស់រុស្ស៊ី (FSB) ខ្លាំងជាងទីភ្នាក់ងារស៊ើបការណ៍សម្ងាត់បរទេសរបស់រុស្ស៊ី (SVR) និងខ្លាំងជាងការស៊ើបការណ៍យោធារបស់រុស្ស៊ី (GRU) ទៅទៀត ។ ទោះយ៉ាងណាក៏ដោយគាត់បានកត់សម្គាល់ថា វាមិនមែនជាអង្គការអាបធ្មប់អ្វីនោះទេ ហើយមិនមានអ្វីដែលត្រូវធ្វើជាមួយអង្គការ Templars និងអង្គការ Freemasons នោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ លោក Putin បញ្ជាឲ្យចាប់ផ្តើមយុទ្ធនាការចាក់វ៉ាក់សាំងកូវីដ ១៩ ទ្រង់ទ្រាយធំដល់ពលរដ្ឋ

ចុចអាន ៖ រុស្ស៊ី ចាប់ផ្តើមយុទ្ធនាការចាក់វ៉ាក់សាំងកូវីដក្នុងទីក្រុង មូស្គូ ហើយ!

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ នាទី មុន

ចៅ​ហ្វាយ​ស្រុក​បន្ទាយ​ស្រី​បញ្ជាក់​ពី​កា​រភាន់​ច្រឡំថា​ អ្នក ឧកញ៉ា ឡេង ណាវ៉ាត្រាទិញ​ដី​មិន​ស្រប​ច្បាប់​

ព័ត៌មានជាតិ១ ម៉ោង មុន

ចៅ​អធិការ​វត្ត​មួយ​ក្នុង​ស្រុក​បាទី​​ឆ្លងកូវីដ១៩ ​គ្រូពេទ្យ​ចុះ​​តេស្ត​ព្រះសង្ឃ​​តា​ជី​យាយ​ជី​​ ៥១​ អង្គ/នាក់​​​​​

ព័ត៌មានជាតិ២ ម៉ោង មុន

កងរាជអាវុធហត្ថ ស្ទាក់ចាប់រថយន្តសាំយ៉ុង២គ្រឿង ដឹកធ្យូង និងឈើគ្រញូង

ជីវិតកម្សាន្ដ២ ម៉ោង មុន

ទោះបីបាត់បង់ជីវិត តែតារាកំប្លែង ៥ដួងនេះបានបន្សល់ទុកកេរ្តិ៍ឈ្មោះល្បីរន្ធឺសម្រាប់អ្នកគាំទ្រ

ព័ត៌មានជាតិ២ ម៉ោង មុន

ឧត្តមសេនីយ៍ទោ សិទ្ធិ ឡោះ បានចាត់តាំងស្នងការរង៣រូប ចុះពិនិត្យបទល្មើសតាមព្រំដែន និងស្ថានភាពទឹកជំនន់

Sokha Hotels

ព័ត៌មានពេញនិយម

Helistar Cambodia - Helicopter Charter Services