ព័ត៌មានអន្ដរជាតិ
ជាង១០០ប្រទេសចាប់ដៃគ្នាសង្គ្រោះមហាសមុទ្រពីគ្រោះថ្នាក់របស់មនុស្ស
តំណាងពីប្រទេសជាង១០០ទូទាំងពិភពលោកបានប្តេជ្ញាចាត់វិធានការដើម្បីការពារ និងសង្គ្រោះមហាសមុទ្រពីគ្រោះមហន្តរាយរបស់មនុស្ស ក្នុងនោះទប់ស្កាត់នេសាទខុសច្បាប់ កាត់បន្ថយការបំពុលប្លាស្ទិក និងថែរក្សាឲ្យផ្ទៃទឹកអន្តរជាតិស្អាត។
ប្រធានាធិបតីបារាំង លោក អេម៉ាណូអែល ម៉ាក្រុង ដែលទទួលធ្វើម្ចាស់ផ្ទះកិច្ចប្រជុំស្តីពីមហាសមុទ្រកំពូលកាលពីថ្ងៃសុក្រមានប្រសាសន៍ថា ៖«ឆ្នាំ២០២២គឺជាឆ្នាំសម្រេចចិត្តមួយ ហើយយើងយកទីនេះ ទីក្រុង Brest គឺនៅក្នុងការសម្រេចចិត្តច្បាស់លាស់ និងរឹងមាំ»។
ប្រេសិតអាកាសធាតុអាសធាតុអាមេរិក លោក ចន ឃើរី មានប្រសាសន៍ថា ៖«វាជាមហាសមុទ្រដែលធ្វើឲ្យជីវិតលើផែនដីអាចផលិតអ៊ុកស៊ីសែនបានជាងពាក់កណ្តាលដែលយើងដកដង្ហើម ហើយសូម្បីតែវាស្ថិតក្នុងហានិភ័យ។ មហាសមុទ្រ និងអាកាសធាតុពាក់ព័ន្ធគ្នាមិនដាច់។ ពួកគេតែមួយ និងដូចគ្នា»។
រដ្ឋជាសមាជិកសហភាពអឺរ៉ុប២៧ប្រទេស និង១៦ផ្សេងទៀតបានឯកភាពគ្នាដើម្បីបន្តកិច្ចព្រមព្រៀងសកលមួយត្រឹមបំណាចឆ្នាំនេះដើម្បីគ្រប់គ្រងការប្រើប្រាស់សមុទ្រកម្រិតខ្ពស់ប្រកបដោយនិរន្តរភាព ទឹកដែលស្ថិតនៅក្រៅដែនសមត្ថកិច្ចរបស់ប្រទេសណាមួយ និងរក្សាជីវចម្រុះរបស់ពួកគេ។
ប្រធានគណកម្មការអឺរ៉ុប លោក Ursula von der Leyen បានប្រាប់កិច្ចប្រជុំកំពូលថា ៖«យើងជិតមែនទែន តែយើងត្រូវការជំរុញដើម្បីឲ្យសន្ធិសញ្ញាត្រូវបានចុះហត្ថលេខាត្រឹមឆ្នាំ២០២២នេះ»។ សេចក្តីសង្ឃឹមគឺស្ថិតនៅជុំទី៤ និងជាជុំចុងក្រោយនៃកិច្ចពិភាក្សាអង្គការសហប្រជាជាតិ (UN) ដើម្បីឈានដល់កិច្ចព្រមព្រៀងនៅទីក្រុងញ៉ូវយ៉កនាខែមីនាខាងមុខ។
លោក Peggy Kalas មកពីសម្ព័ន្ធសមុទ្រជាន់ខ្ពស់ បាននិយាយថា ៖«សេចក្តីប្រកាសគឺជាការប្តេជ្ញាចិត្តទាន់ពេលវេលា និងសំខាន់ដើម្បីការពារសហគមន៍សកលរបស់យើង»។ ប៉ុន្តែលោក François Chartier មកពីសន្តិភាពបៃតងបារាំង (Greenpeace France) បានលើកឡើងថា ៖«សកម្មជនរំពឹងមានចំណាត់ការរឹងមាំជាក់លាក់ស្តីពីយន្តការ និងអភិបាលកិច្ចអភិរក្ស»។
ខណៈពេលប្រទេស៣០ផ្សេងទៀតក៏បានចុះហត្ថលេខាលើអ្វីដែលហៅថា «សម្ព័ន្ធ 30×30» ដែលបានចាប់ផ្តើមកាលពីខែមករា ឆ្នាំ២០២១ និងមានគោលបំណងការពារ៣០%នៃដី និងសមុទ្រក្នុងពិភពលោកត្រឹមឆ្នាំ២០៣០ លោក Chartier បាននិយាយថា ៖«ការបញ្ជាក់កំពុងខ្វះខាតលើការការពារកម្រិតខ្ពស់សម្រាប់ដែនសមុទ្រដែលគ្របដណ្តប់»។
អាមេរិកបាននិយាយថា ខ្លួនគាំទ្រកិច្ចពិភាក្សាបើកចំហរនៅ UN សម្រាប់កិច្ចព្រមព្រៀងអន្តរជាតិស្តីពីការបំពុលប្លាស្ទិក ដែលធ្វើឲ្យបន្ធូរបន្ថយទម្ងន់ខ្លួនពីក្រោយសហភាពអឺរ៉ុប២៧ប្រទេស និងប្រទេសប្រហែល១០ទៀត។
ធនាគារអឺរ៉ុបសម្រាប់ការស្ថាបនា និងអភិវឌ្ឍ (EBRD) ចូលរួមជាមួយធនាគារវិនិយោគអឺរ៉ុប (EIB) ហើយធនាគារអាភិវឌ្ឍរបស់បារាំង អាល្លឺម៉ង់ អ៉ីតាលី និងអេស្ប៉ាញក៏ស្ថិតក្នុងគម្រោង«គំនិតផ្តួចផ្តើមមហាសមុទ្រស្អាត»នេះដែរដើម្បីកាត់បន្ថយប្លាស្ទិក៩លានដតោននៅក្នុងបំណាចឆ្នាំនីមួយៗ ដោយបានសន្យាផ្តល់ហិរញ្ញប្បទាន៤.៥៤ប៊ីលានដុល្លារអាមេរិកត្រឹមឆ្នាំ២០២៥៕
ប្រែសម្រួល៖ វីរបុត្រ
ប្រភព៖ theguardian
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)