ព័ត៌មានអន្ដរជាតិ
រំភើប! វ៉ាក់សាំងកូវីដ របស់ក្រុមហ៊ុន Pfizer-BioNTech ទៅដល់កាណាដា ហើយ
នាយករដ្ឋមន្រ្តីកាណាដាលោក Justin Trudeau បាននិយាយថា វ៉ាក់សាំងការពារជំងឺកូវីដ ១៩ ដំបូងបានទៅដល់ប្រទេសកាណាដាកាលពីថ្ងៃអាទិត្យ ហើយពលរដ្ឋកាណាដាមួយចំនួនត្រូវបានគេរំពឹងថានឹងទទួលបានការចាក់វ៉ាក់សាំងនៅថ្ងៃចន្ទនេះ ។
លោក Trudeau បាននិយាយលើបណ្ដាញ Twitter ខាងលើរូបភាពនៃយន្តហោះដឹកជញ្ជូនដែលត្រូវបានប្រើដើម្បីដឹកវ៉ាក់សាំងដែលបង្កើតដោយក្រុមហ៊ុនយក្ស Pfizer-BioNTech ថា “វ៉ាក់សាំងកូវីដ ១៩ ជាច្រើនដូសរបស់ក្រុមហ៊ុន Pfizer-BioNTech បានមកដល់ប្រទេសកាណាដាហើយ” ។
ប្រទេសកាណាដា និងសហរដ្ឋអាមេរិកក្លាយជាប្រទេសលោកខាងលិចដំបូងបង្អស់ បន្ទាប់ពីចក្រភពអង់គ្លេសចាប់ផ្តើមការចាក់វ៉ាក់សាំង ។
វ៉ាក់សាំងដំបូងចំនួន ៣០,០០០ ដូសនឹងត្រូវដាក់ប្រើប្រាស់ទៅកាន់ ១៤ កន្លែងទូទាំងប្រទេសកាណាដា ។ អ្នកដែលងាយរងគ្រោះបំផុតរួមទាំងមនុស្សចាស់ជរានៅក្នុងមណ្ឌលថែទាំ និងបុគ្គលិកថែទាំសុខភាពនឹងក្លាយជាមនុស្សដំបូងគេដែលនឹងត្រូវចាក់វ៉ាក់សាំងនេះ ។
វ៉ាក់សាំងទាំងនេះបានចាកចេញពីប្រទេសប៊ែលហ្សិកកាលពីថ្ងៃសុក្រជាកន្លែងដែលវ៉ាក់សាំងត្រូវបានផលិត និងបានធ្វើដំណើរទៅប្រទេសអាល្លឺម៉ង់ និងសហរដ្ឋអាមេរិក មុនពេលត្រូវបានចែកចាយ និងបញ្ជូនទៅកន្លែងចាក់ថ្នាំបង្ការនៅប្រទេសកាណាដា ។
គួរបញ្ជាក់ថា គិតត្រឹមពេលនេះប្រទេសកាណាដាមានករណីឆ្លងជំងឺកូវីដ ១៩ ចំនួន ៤៦០,៧៤៣ នាក់ និងមានអ្នកស្លាប់ចំនួន ១៣,៤៣១ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ សហរដ្ឋអាមេរិកនឹងចាក់វ៉ាក់សាំងមន្ត្រីជាន់ខ្ពស់សេតវិមានមុនសាធារណជន
ចុចអាន ៖ អ្នកមានបញ្ហាតម្រងនោមប្រឈមហានិភ័យស្លាប់ដោយសារកូវីដខ្លាំងជាងមនុស្សអាយុលើស ៨០ ឆ្នាំ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)