ព័ត៌មានអន្ដរជាតិ
ត្រាំ ផ្អាកអនុវត្តពន្ធជាថ្មី លើទំនិញក្រោមកិច្ចព្រមព្រៀងអាមេរិកខាងជើង
ប្រធានាធិបតីសហរដ្ឋអាមេរិក លោក ដូណាល់ ត្រាំ បានផ្អាកជាថ្មីនូវការអនុវត្តវិធានការពន្ធ ២៥ ភាគរយ លើទំនិញម៉ិកស៊ិក និងកាណាដា ដែលចូលជាធរមានកាលពីថ្ងៃអង្គារ ដែលជាវិវត្តន៍ចុងក្រោយ ចំពេលមានការព្រួយបារម្ភអំពីអតិផរណា និងភាពយឺតយ៉ាវនៃកំណើនសេដ្ឋកិច្ចអាមេរិក។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ការពន្យាពេលនេះ នឹងមានរហូតទៅដល់ថ្ងៃទី ២ មេសា ពោលគឺចំថ្ងៃដែលលោក ត្រាំ គ្រោងអនុវត្តលើពន្ធឆ្លើយតបឱ្យស្មើភាពគ្នា លើបណ្ដាប្រទេសផ្សេងៗទូទាំងពិភពលោក រួមទាំងដៃគូពាណិជ្ជកម្ម ដែលដាក់ពន្ធលើទំនិញអាមេរិក ខ្ពស់ជាងអាមេរិកដាក់ពន្ធលើទំនិញរបស់ពួកគេ។
ដើមឡើយ លោក ត្រាំ បានលើកឡើងពីការលើកលែងអនុវត្តពន្ធ ២៥ ភាគរយ តែលើទំនិញម៉ិកស៊ិកប៉ុណ្ណោះកាលពីព្រឹកថ្ងៃព្រហស្បតិ៍ ប៉ុន្តែក្រោយមក ការកែសម្រួលបទបញ្ជាដែលលោកបានចុះហត្ថលេខានារសៀលថ្ងៃដដែល ក៏គ្របដណ្តប់លើទំនិញកាណាដាផងដែរ។
ប្រទេសទាំង ៣ គឺជាដៃគូនៅក្នុងកិច្ចព្រមព្រៀងពាណិជ្ជកម្មសេរីសហរដ្ឋអាមេរិក-កាណាដា-ម៉ិកស៊ិក (USMCA) ខណៈមន្រ្តីសេតវិមានគូសបញ្ជាក់ថា ការលើកលែងពន្ធមានលើទំនិញដែលស្ថិតនៅក្រោមកិច្ចព្រមព្រៀងនេះ។ ប្រហែល ៥០ ភាគរយ នៃទំនិញនាំចូលពីម៉ិកស៊ិក និង ៣៨ ភាគរយ នៃទំនិញនាំចូលពីកាណាដា ស្ថិតនៅក្រោមកិច្ចព្រមព្រៀងពាណិជ្ជកម្មដដែល។
ជាការឆ្លើយតប រដ្ឋមន្រ្តីក្រសួងហិរញ្ញវត្ថុកាណាដា លោក Dominic LeBlanc បានឱ្យដឹងថា កាណាដានឹងលើកលែងពន្ធសងសឹក ២៥ ភាគរយ ក្នុងជុំទី២ លើទំនិញអាមេរិក តម្លៃប្រមាណ ១២៥ ប៊ីលានដុល្លារកាណាដា រហូតដល់ថ្ងៃទី ២ មេសា ដែរ។
គួរគូសបញ្ជាក់ថា លោក ត្រាំ បានដាក់ពន្ធគយបន្ទាប់ពីការប្រកាសភាពអាសន្នជាតិនៅថ្ងៃទី ២០ ខែមករា ដែលជាថ្ងៃលោកឡើងកាន់អំណាចនៅអាណត្តិទី២នេះ ជុំវិញបញ្ហាថ្នាំញៀនហ្វេនតានីល ដែលសម្លាប់ពលរដ្ឋអាមេរិកជាច្រើននាក់ក្នុងមួយឆ្នាំៗ។ លោកអះអាងថា ថ្នាំនេះមានប្រភពពីចិន និងចូលអាមេរិកតាមរយៈម៉ិកស៊ិក និងកាណាដា។
ពន្ធ ២៥ ភាគរយ ត្រូវបានប្រកាសឡើងតាំងតែពីដើមខែកុម្ភៈ ប៉ុន្តែត្រូវពន្យាពេលវិញ ៣០ ថ្ងៃ ក្រោយមានការចរចាគ្នា ហើយចូលជាធរមានជាថ្មីនៅថ្ងៃអង្គារកន្លងទៅ។ ដោយឡែកពន្ធ ២០ ភាគរយ លើទំនិញចិន មិនមានការផ្អាកការអនុវត្តនោះទេ។
ចិន និងកាណាដា សុទ្ធតែប្រកាសពន្ធសងសឹក ខណៈម៉ិកស៊ិក ក៏បានប្ដេជ្ញាថានឹងធ្វើដូចគ្នា ប៉ុន្តែមិនទាន់ឃើញមានជាផ្លូវការនៅឡើយទេ៕
អ្នកនាំពាក្យ៖ថ្ងៃចូលឆ្នាំថ្មី ក្មេងទំនើង១០នាក់ចូលពន្ធនាគារ
រដ្ឋាភិបាលគ្រោងបង្កេីតតំបន់គ្រប់គ្រងជលផលសមុទ្រថ្មី ៣ ទីតាំងនៅតំបន់ឆ្នេរ
កម្មវិធីនុយក្លេអ៊ែរអ៊ីរ៉ង់៖ ពីការចាប់ផ្តើមសម្រាប់សន្តិភាព ឈានដល់ភាពចម្រូងចម្រាសជាសកល
រដ្ឋមន្ត្រីអប់រំ ដឹកនាំប្រតិភូទៅទស្សនកិច្ចនៅសិង្ហបុរី ដើម្បីស្វែងយល់ពីប្រព័ន្ធអប់រំនៅទីនោះ និងយកមកអនុវត្តនៅកម្ពុជា
ឆ្លងចរន្តអគ្គិសនីឆេះសាលាអន្តរជាតិមួយកន្លែង នៅខណ្ឌជ្រោយចង្វារ
ស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
ឆេះរថយន្តក្រុងនៅថៃ ស្លាប់មនុស្ស៧នាក់ របួស៤០នាក់
សមត្ថកិច្ចឃាត់ខ្លួន ស្ថាបនិកក្រុមហ៊ុនឌីបេសហ្រ្គីនឡងឡាយហ៍(ខេមបូឌា)ឯ.ក ករណីឆបោក ប្រាស់លុយជិត១៦លានដុល្លារ
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី២៤មេសា
ពូទីន ថា រុស្ស៊ីវាយប្រហារទីតាំងស៊ីវិល ព្រោះមានទ័ពអ៊ុយក្រែននិងបរទេស លាក់ខ្លួននៅទីនោះ
-
សន្តិសុខសង្គម៦ ថ្ងៃ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
ព័ត៌មានអន្ដរជាតិ៥ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ចរាចរណ៍៣ ម៉ោង agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoមិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ៥ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព១ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ៣ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក
-
ព័ត៌មានអន្ដរជាតិ៥ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា