Connect with us

ព័ត៌មានអន្ដរជាតិ

ឥណ្ឌា​ត្រូវ​​​​បាន​​ចោទ​​ពី​​ការ​​ប៉ុន​​ប៉ង​​​​ពន្យារ​​ពេល​ការ​ពិនិត្យ​​តួ​លេខ​​ស្លាប់​​ដោយ​​​កូវីដ​របស់​ WHO

បានផុស

នៅ

ប្រទេស​ឥណ្ឌា​ត្រូវ​បាន​ចោទ​ប្រកាន់​ពី​ការ​ប៉ុនប៉ង​ពន្យារ​ពេល​លើ​កិច្ច​ប្រឹង​ប្រែង​របស់​អង្គការ​សុខភាព​ពិភព​លោក (WHO) ​ដើម្បីពិនិត្យ​ឡើង​វិញ​នូវ​តួលេខអ្នក​​ស្លាប់​​ទូទាំង​ពិភព​លោក​​ដោយ​ជំងឺ​កូវីដ-១៩ ​បន្ទាប់​ពីការគណនា​របស់​ខ្លួន​ថា ​ឥណ្ឌា​មាន​អ្នក​ស្លាប់​តាម​ការ​ប៉ាន់​ស្មាន​៣.៥​លាន​នាក់។

ចំនួន​​អ្នក​ស្លាប់​​ដោយ​កូវីដ​-១៩​ជា​​ផ្លូវ​ការ​របស់​ឥណ្ឌា​គឺ ៥២០ ០០០​នាក់។ ប៉ុន្តែ​បើ​យោង​តាម​ការ​វិភាគ និង​ស៊ើប​អង្កេត​​​​ស៊ី​ជម្រៅ​​ក្នុង​ទិន្នន័យ​របស់ WHO តួលេខ​ស្លាប់​សរុប​ជាង​៤​លាន​នាក់​​ដែល​អាច​ជា​​ប្រទេស​​មាន​អ្នក​ស្លាប់​ច្រើន​ជាង​គេ​បំផុត​​ក្នុង​ពិភព​លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួលេខ​នេះ​បាន​កើន​ឡើង​ជា​មួយ​នឹង​ការ​ប៉ាន់​ស្មាន​មុន​ៗ​របស់​អ្នក​វិទ្យាសាស្ត្រ អ្នក​វិភាគ​ទិន្នន័យ និង​​​កាសែត​វេជ្ជសាស្ត្រ​​ថា ចំនួន​ស្លាប់​ពិត​ប្រាកដ​ដោយ​កូវីដ​នៅ​ឥណ្ឌា​គឺ​ច្រើន​ជាង​តួលេខ​ផ្លូវ​ការ​ដល់​ទៅ​១០​ដង។

បន្ទាប់​ពី​ប្រទេស​នេះ​ត្រូវ​បាន​វាយ​ប្រហារ​ខ្លាំង​ក្នុង​រលក​ទី​២​កាល​ពី​ខែ​មេសា ឆ្នាំ​២០២១ រដ្ឋាភិបាល និង​អាជ្ញាធរ​រដ្ឋ​​នានា​របស់​ឥណ្ឌា​ត្រូវ​បាន​ចោទ​ប្រកាន់​ពី​ការ​បិទ​បាំង​​តួលេខ​​ពិត​ប្រាកដ​នៃ​អ្នក​ស្លាប់​ដោយ​កូវីដ​ដើម្បី​បង្វែរ​ការ​ចាប់​អារម្មណ៍​ពី​ការអនុវត្ត​មិន​ពេញ​លេញ​របស់​ខ្លួន​​ក្នុង​ការ​ទប់​ស្កាត់​​ ឬវិធានការ​សុខាភិបាល និង​បរិក្ខា​ពេទ្យ។

យោង​តាម​របាយការណ៍ អង្គការ​សុខភាព​ពិភព​លោក​ចង់​បញ្ចេញ​ទិន្នន័យ​នៅ​ក្នុង​ខែ​មករា ប៉ុន្តែ​ទទួល​បាន​ការ​ជំរុញ​ឲ្យ​ពិចារណា​យ៉ាង​ខ្លាំង​ពី​រដ្ឋាភិបាល​ឥណ្ឌា​ដែល​បដិសេធ​ទទួល​យក​​​តួលេខ និង​វិធី​សាស្ត្រ​។

អង្គការ WHO បាន​បញ្ជាក់​ថា ឥឡូវ​នេះ​ខ្លួន​មាន​បំណង​ចេញ​​​​ទិន្នន័យ​ដែល​បាន​ត្រួត​ពិនិត្យ​ឡើង​វិញ​ក្នុង​ខែ​នេះ​ដែល​តាម​ការ​ប៉ាន់​ស្មាន​មនុស្ស​១៥​លាន​នាក់​បាន​ស្លាប់​ដោយ​កូវីដ​ទូទាំង​ពិភព​លោក​​ដែល​ច្រើន​ជាង​២​ដង​នៃ​ការ​ស្លាប់​​ដែល​គេ​ដឹងបច្ចុប្បន្ន​នេះ​​ថា ជាង​​៦​លាន​នាក់។

ថ្លែង​ទៅ​កាន់​កាសែត New York Times ​ដែល​ការ​ចោទ​ប្រកាន់​ត្រូវ​បាន​ធ្វើ​ឡើង រដ្ឋាភិបាល​ឥណ្ឌា​បាន​និយាយ​ថា ខ្លួន​ស្ថិត​ក្នុង​ការ​ពិភាក្សា​ជា​មួយ WHO។ និយាយ​ក្នុង​សេចក្តី​ថ្លែង​ការណ៍​មួយដែល​បាន​ចោទ​ប្រកាន់​ពីការ​ធ្វើ​គំរូ​គណិត​វិទ្យា​គឺ “មាន​ចម្ងល់​” និងតាម​ស្ថិតិ​ “មិន​អាច​បញ្ជាក់​បាន​”​ថា ៖«ការ​ជំទាស់​ជា​មូលដ្ឋាន​របស់​ឥណ្ឌា​​មិន​ទទួល​យក​​លទ្ធផល (​អ្វី​ក៏​ដោយ ពួក​គេ​អាច​មាន) ប៉ុន្តែ​វិធី​សាស្ត្រ​អាច​មាន​ដូច​គ្នា»។

ទោះ​បី​ជា​យ៉ាង​ណា លោក Jon Wakefield សាស្ត្រាចារ្យ​ស្ថិតិ និង​ជីវស្ថិតិ​នៅ​សាកល​វិទ្យាល័យ​វ៉ាស៊ីនតោន​ដែល​​ជា​អ្នក​ពាក់​ព័ន្ធ​នឹង​​ការ​ធ្វើ​គំរូ​សម្រាប់ WHO បាន​ចេញ​សេចក្តី​ថ្លែង​ការណ៍​មួយ​​ដែល​ពន្យល់​ពី​វិធី​សាស្ត្រ​យ៉ាង​លំអិត និង​បាន​បដិសេធ​ពី​ការ​អះ​អាង​របស់​រដ្ឋាភិបាល​ឥណ្ឌា​អំពី​ភាព​ត្រឹម​ត្រូវ​នៃ​ការ​ធ្វើ​គំរូ។​

មានការភ័យខ្លាចថា ឥណ្ឌាអាច​ប្រឈម​នឹងរលកនៃមេរោគឆ្លងដែលជិតមកដល់មួយទៀត បន្ទាប់ពីករណីប្រចាំថ្ងៃបានកើនឡើង ៩០​% ក្នុងសប្តាហ៍នេះ ហើយអត្រានៃលទ្ធផលតេស្តវិជ្ជមានបានកើនឡើងពី ០.៣% ទៅ ០.៨% ដែល​ភាគ​ច្រើន​កើនឡើង​នៅទីក្រុងដេលី៕

ប្រែ​សម្រួល៖ វីរបុត្រ
ប្រភព៖ Theguardia

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៣ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៤ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៤ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៥ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម