ព័ត៌មានអន្ដរជាតិ
កងទ័ពចិនដាក់ពង្រាយរថក្រោះប្រយុទ្ធតាមដងផ្លូវ ត្រៀមធ្វើសង្គ្រាមជាមួយតៃវ៉ាន់
កងទ័ពរំដោះប្រជាជនចិន (PLA) នឹងដាក់ពង្រាយរថក្រោះប្រយុទ្ធដ៏សំខាន់របស់ខ្លួនចំនួនពីរគ្រឿងត្រៀមសម្រាប់ការប្រយុទ្ធតាមដងផ្លូវនៅក្នុងលទ្ធភាពដែលថា សង្គ្រាមអាចកើតឡើងជាមួយកោះតៃវ៉ាន់។ នេះបើយោងតាមសេចក្តីរាយការណ៍ពីទូរទស្សន៍រដ្ឋចិនដីគោកស្តីពីសមយុទ្ធយោធានាពេលថ្មីៗនេះ។
នៅក្នុងខ្សែភាពយន្តឯកសារមួយដែលចាក់ផ្សាយដោយទូរទស្សន៍ CCTV កាលពីសប្តាហ៍មុន រថក្រោះប្រយុទ្ធសំខាន់ប្រភេទ 96A និង 04 ត្រូវបានបង្ហាញនៅក្នុងសមយុទ្ធសង្គ្រាម។
អាវុធទាំងនេះត្រូវបានរចនាឡើងដើម្បីប្រយុទ្ធនៅក្នុងតំបន់ដែលមានភាពស្មុគស្មាញនៃទីក្រុងនិងស្រុករបស់កោះតៃវ៉ាន់ពោលគឺវាបង្ហាញពីភាពជឿជាក់របស់ PLA ថា ការប្រយុទ្ធតាមផ្លូវនឹងមិនអាចចៀសផុតឡើយនៅពេលកងទ័ពទៅដល់កោះដែលគ្រប់គ្រងដោយខ្លួនឯងមួយនេះ។
សមយុទ្ធនេះមានការចូលរួមពីកងពលតូចប្រយុទ្ធមកពីក្រុមកងទ័ពទី៧២នៃ PLA ដែលមានមូលដ្ឋានក្នុងទីក្រុង ហ៊ួចូ ខេត្ត ហ្សេជាំង និងត្រូវបានត្រួតពិនិត្យដោយបញ្ជាការដ្ឋានភាគខាងកើត។
យោងតាមរបាយការណ៍បានឲ្យដឹងថា កងទ័ពចំនួន២៣០នាក់ជាមួយរថក្រោះ៣០គ្រឿងបានបង្កើតជាក្រុមពណ៌ក្រហមដើម្បីតំណាងឲ្យ PLA ដែលព្យាយាមវាយប្រហារតំបន់ទីក្រុងមួយដែលមានការការពារដោយក្រុមខៀវ មានទាហាន៧០នាក់និងរថក្រោះ៦គ្រឿង។
សេចក្តីរាយការណ៍បន្តថា ដោយមានការគាំទ្រពីរថក្រោះនិងរថពាសដែកធុនធំ កងទ័ពក្រហមបានដណ្ដើមយកទីក្រុងក្នុងរយៈពេលត្រឹមតែ៣ម៉ោងប៉ុណ្ណោះបន្ទាប់ពីបានដោះមីន, រនាំងបិទផ្លូវនិងឧបសគ្គផ្សេងទៀតដែលបង្កើតឡើងដោយកងទ័ពពណ៌ខៀវ។
ទីក្រុងប៉េកាំងបានចាត់ទុកតៃវ៉ាន់ថាជាខេត្តរឹងចចេសដែលត្រូវតែបង្រួបបង្រួមជាមួយដីគោកវិញដោយប្រើកម្លាំងបើសិនជាចាំបាច់។ កោះនេះនៅតែជាគោលដៅសំខាន់សម្រាប់ PLA ហើយជាចំណុចផ្តោតនៃការធ្វើសមយុទ្ធ។
ទំនាក់ទំនងឆ្លងសមុទ្របានឈានដល់កម្រិតទាបបំផុតចាប់តាំងពីលោកស្រី Tsai Ing-wen មកពីគណបក្សចម្រើនប្រជាធិបតេយ្យទំនោរឯករាជ្យត្រូវបានបោះឆ្នោតជ្រើសរើសជាប្រធានាធិបតីនៅឆ្នាំ២០១៦និងបានបដិសេធទទួលយកគោលការណ៍ចិនតែមួយ៕
ប្រែសម្រួលដោយ៖ Vann Vann
ប្រភព៖ SCMP
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?