ព័ត៌មានអន្ដរជាតិ
ព្រះអង្គម្ចាស់អង់គ្លេស Charles យកប្រាក់ ១.២ លានដុល្លារពីគ្រួសារត្រកូល Bin Laden
ព្រះអង្គម្ចាស់ Charles របស់ចក្រភពអង់គ្លេសកំពុងប្រឈមមុខនឹងការរិះគន់ជាថ្មីម្តងទៀត បន្ទាប់ពីកាសែត Sunday Times បានចុះផ្សាយថា ព្រះអង្គបានទទួលអំណោយសប្បុរសធម៌ចំនួន ១.២ លានដុល្លារពីក្រុមគ្រួសាររបស់លោក Osama bin Laden ក្នុងឆ្នាំ ២០១៣ ។
ការបរិច្ចាកពីសំណាក់លោក Bakr Bin Laden និង Shafiq Bin Laden ជាបងប្អូនបង្កើតរបស់អតីតមេដឹកនាំអាល់កៃដាលោក Osama Bin Laden ដែលត្រូវបានសម្លាប់ដោយកងកម្លាំងពិសេសរបស់សហរដ្ឋអាមេរិកក្នុងប្រទេសប៉ាគីស្ថានឆ្នាំ ២០១១ តាមសេចក្តីរាយការណ៍បានកើតឡើង បន្ទាប់ពីកិច្ចប្រជុំរវាងព្រះអង្គម្ចាស់ Charles និងលោក Bakr នៅឯវិមាន Clarence House នៅទីក្រុងឡុងដ៍ក្នុងខែតុលា ឆ្នាំ ២០១៣ ។
យោងតាមកាសែត Sunday Times បានឲ្យដឹងទៀតថា ព្រះអង្គម្ចាស់ Charles បានយល់ព្រមទទួលយកការបរិច្ចាគនេះ ទោះបីជាមានការជំទាស់ពីក្រុមការងារ និងមូលនិធិសប្បុរសធម៌ Prince of Wales (PWCF) របស់ព្រះអង្គក៏ដោយ ។
ទន្ទឹមនោះ ព្រះអង្គម្ចាស់ Charles ក៏ត្រូវបានគេរាយការណ៍ផងដែរថា បានបដិសេធមិនប្រគល់ប្រាក់នោះមកវិញ ដោយសារតែគិតពីមុខមាត់របស់គ្រួសារត្រកូល Bin Laden ប្រសិនបើព្រះអង្គម្ចាស់ធ្វើដូច្នេះ ។
គួរបញ្ជាក់ថា ដំណឹងនេះកើតឡើងត្រឹមតែមួយខែប៉ុណ្ណោះ បន្ទាប់ពីព្រះអង្កម្ចាស់ Charles បានទទួលកាបូបពេញដោយសាច់ប្រាក់ជិត ៣ លានដុល្លារ អំឡុងពេលជួបជាមួយព្រះអង្គម្ចាស់ Sheikh Hamad bin Jasseim bin Jaber Al Thani អតីតនាយករដ្ឋមន្ត្រីនៃប្រទេសកាតា ចន្លោះឆ្នាំ ២០០៧ និងឆ្នាំ ២០១៣ ៕
ប្រែសម្រួលដោយ ៖ ជីវ័ន្ត
ប្រភព ៖ People
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត