ថ្ងៃនេះ គ្រាន់តែទីក្រុងតូក្យូមួយរកឃើញករណីឆ្លងកូវីដ ១,៥៩១ ករណី

រដ្ឋាភិបាលទីក្រុងតូក្យូបានរាយការណ៍អំពីករណីឆ្លងថ្មីជាកំណត់ត្រានៃជំងឺកូវីដ ១៩ ចំនួន ១,៥៩១ ករណីនៅថ្ងៃពុធ ទី៦ ខែមករា នេះ ខណៈរដ្ឋាភិបាលជប៉ុនត្រៀមប្រកាសដាក់ទីក្រុងនេះក្នុងស្ថានភាពអាសន្នថ្មី ។

តួលេខចុងក្រោយនេះបង្ហាញពីការកើនឡើងជាង ២៥០ ករណីពីកំណត់ត្រាចាស់ដែលមានចំនួន ១,៣៣៧ ករណីដែលបានរាយការណ៍នៅថ្ងៃទី ៣១ ខែធ្នូ ឆ្នាំ ២០២០ ។

ទន្ទឹមនោះចំនួនឆ្លងសរុបប្រចាំថ្ងៃបានកើនលើស ១,០០០ ករណីសម្រាប់ថ្ងៃទីពីរជាប់គ្នា បន្ទាប់ពីមានករណីឆ្លងចំនួន ១,២៧៨ ករណីកាលពីថ្ងៃអង្គារ ខណៈចំនួនករណីឆ្លងសរុបនៅទីក្រុងតូក្យូមានចំនួន ៦៦,៣៤៣ ករណី ។

គួរបញ្ជាក់ថា គិតត្រឹមពេលនេះនៅទូទាំងប្រទេសជប៉ុនមានករណីឆ្លងជំងឺកូវីដ ១៩ ចំនួន ២៤៧,៩៦០ ករណី និងមានអ្នកស្លាប់ចំនួន ៣,៦៥៥ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ជប៉ុនត្រៀមដាក់ក្រុងតូក្យូក្នុងស្ថានភាពអាសន្ន ក្រោយរកឃើញកូវីដបម្លែងខ្លួនថ្មី និងករណីឆ្លងកូវីដ ១៩ កើនឡើង

ចុចអាន ៖ លោកយាយចំណាស់ជាងគេបំផុតនៅលើពិភពលោកចង់រស់នៅ ២ ឆ្នាំទៀត ក្រោយប្រារព្ធពិធីខួបកំណើត