ប្រជាជនក្រុងតូក្យូប្រមូលផ្ដុំគ្នារិះគន់លោក Biden ថាមក ជប៉ុន ដើម្បីត្រៀម ខ្លួនធ្វើសង្គ្រាមលើ ចិន

ក្រុមអ្នកតវ៉ាបានប្រមូលផ្តុំគ្នានៅទីក្រុងតូក្យូដើម្បីរិះគន់ដំណើរទស្សនកិច្ចរបស់ប្រធានាធិបតីអាមេរិកលោក Joe Biden ដែលបានជួបពិភាក្សាជាមួយនាយករដ្ឋមន្ត្រីជប៉ុន Fumio Kishida និងចូលរួមក្នុងកិច្ចប្រជុំកំពូល Quad ជាមួយមេដឹកនាំជប៉ុន អូស្ត្រាលី និងឥណ្ឌា ។

អ្នកតវ៉ាម្នាក់ឈ្មោះ Nagae បាននិយាយថា “ការពិត ប្រធានាធិបតីអាមេរិកលោក Biden មកប្រទេសជប៉ុនសម្រាប់កិច្ចប្រជុំកំពូលរវាងសហរដ្ឋអាមេរិក និងជប៉ុន ក៏ដូចជាចូលរួមក្នុងកិច្ចប្រជុំ Quad គឺជាការត្រៀមខ្លួនសម្រាប់សង្គ្រាមលុកលុយលើប្រទេសចិន” ។

អ្នកតវ៉ាបាននិយាយទៀតថា “ដូច្នេះនេះគឺជាបាតុកម្មដែលយើងខ្ញុំត្រូវបញ្ឈប់ និងកម្ទេចសកម្មភាពទាំងនេះ ហើយយើងនឹងដើរតាមផ្លូវដើម្បីបន្តអំពាវនាវកុំឲ្យមានហេតុការណ៍បែបនេះកើតឡើងផងដែរ” ។

គួរបញ្ជាក់ថា ក្នុងកិច្ចប្រជុំកំពូល Quad លោក Biden និង​សម្ព័ន្ធមិត្តបាន​ចេញ​សេចក្តី​ថ្លែង​ការណ៍​រួម​គ្នា​មួយ​អំពី​តួនាទី​របស់​ពួក​គេ​ក្នុង​ពេល​អនាគត​សម្រាប់​តំបន់​ដែល​អាមេរិក​ហៅ​ឈ្មោះ​​ថា ឥណ្ឌូ-ប៉ាស៊ីហ្វិក ៕

ប្រែសម្រួលដោយ ៖ ជីវ័ន្ត

ប្រភព ៖ Ruptly

ចុចអាន ៖ ពិភពលោកកំពុងល្វីងមុខនឹងបញ្ហាធំៗចំនួន ៣