ព័ត៌មានអន្ដរជាតិ
ទីក្រុងតូក្យូ ធ្វើលំហាត់សម ជម្លៀសប្រជាជន ករណីកូរ៉េខាងជើង វាយប្រហារមីស៊ីល
ជាលើកដំបូងក្នុងរយៈពេលប៉ុន្មានឆ្នាំចុងក្រោយនៅរាជធានីតូក្យូ, អ្នកក្រុង បានរត់រកកន្លែងលាក់ខ្លួន នៅក្នុងស្ថានីយ៍រថភ្លើង ជាផ្នែកនៃលំហាត់សមជម្លៀសករណីមានការវាយប្រហារដោយមីស៊ីល ខណៈប្រទេសជប៉ុន ព្រួយបារម្ភកាន់តែខ្លាំងចំពោះការគំរាមកំហែង ពីសំណាក់កូរ៉េខាងជើង។
![](https://www.kampucheathmey.com/wp-content/uploads/2023/11/image-517-1024x576.png)
កាលពីថ្ងៃចន្ទទី៦ខែវិច្ឆិកា អ្នកក្រុងប្រហែល៦០នាក់ បានចូលរួមក្នុងលំហាត់សមនៅបរិវេណ Nerima នៃទីក្រុងតូក្យូ ហើយលំហាត់នេះកើតឡើង បន្ទាប់ពីទីក្រុងព្យុងយ៉ាង បានបាញ់សាកល្បងអាវុធថ្មីជាច្រើនប្រភេទ រាប់ចាប់ពីមីស៊ីលរយៈចម្ងាយខ្លី ទៅដល់មីស៊ីលផ្លោងអន្តរទ្វីប ដែលមានសមត្ថភាពអាចវាយប្រហារដល់ទឹកដីសហរដ្ឋអាមេរិក។
ការបាញ់បង្ហោះទាំងនេះ មានមីស៊ីលខ្លះបានហោះពីលើកោះភាគខាងត្បូងប្រទេសជប៉ុន កាលពីថ្ងៃទី២៤ខែសីហា ជាហេតុនាំឲ្យអាជ្ញាធរបើកប្រព័ន្ធ J-Alert ចេញសារព្រមានភ្លាមៗដល់ប្រជាជនតាមរយៈទូរទស្សន៍ អ៊ីម៉ែល និងទូរស័ព្ទដៃ។
![](https://www.kampucheathmey.com/wp-content/uploads/2023/11/image-518-1024x692.png)
ទោះបីជាយ៉ាងណាក៏ដោយ លោក Mutsumi Takahashi មន្ត្រីការពារគ្រោះមហន្តរាយដែលជួយធ្វើលំហាត់សមកាលពីថ្ងៃចន្ទ បាននិយាយថា មនុស្សមួយចំនួននៅតែមិនដឹងថាត្រូវធ្វើអ្វី នៅពេល J-Alert រលត់ទៅវិញ។ លោកបន្ថែមថា “ខ្ញុំគិតថា យើងត្រូវបន្តការបណ្តុះបណ្តាល ដើម្បីជូនដំណឹងដល់ពលរដ្ឋ អំពីសកម្មភាពត្រឹមត្រូវ ដើម្បីចាត់វិធានការក្នុងករណីដែលមីស៊ីលធ្លាក់ ឬឆ្លងផុត”។
គួរបញ្ជាក់ថា ប្រទេសជប៉ុនបានធ្វើលំហាត់សមបែបនេះ ជាងដប់លើកនៅទូទាំងប្រទេសក្នុងឆ្នាំ២០២៣ ថ្វីបើលំហាត់សមកាលពីថ្ងៃចន្ទ គឺជាលើកទីមួយនៅក្នុងទីក្រុងតូក្យូ គិតចាប់តាំងពីឆ្នាំ២០១៨មកក៏ដោយ៕
ប្រែសម្រួល៖ Vann Vann
ប្រភព៖ Straits Times
ចុចអាន៖ ជប៉ុន ប្រកាសចាប់ផ្តើមឡើងវិញ នូវសមយុទ្ធជម្លៀសប្រជាជន ករណីផ្ទុះមីស៊ីល
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក