ព័ត៌មានអន្ដរជាតិ

ចិន ប្តូរតួនាទីអ្នកនាំពាក្យក្រសួងការបរទេស ដែលនិយាយមិនសំចៃមាត់

បានផុស

៣ years មុន

នៅ

ថ្ងៃអង្គារ ១០ មករា ២០២៣

ដោយ

អ្នកនាំពាក្យក្រសួងការបរទេសចិនលោក Zhao Lijian ដែលគេដាក់រហស្សនាមឲ្យថាជា “អ្នកចម្បាំងចចក” ដោយសារតែការនិយាយមិនសំចៃមាត់របស់លោក ត្រូវបានផ្ទេរទៅកាន់តួនាទីថ្មីនៅក្នុងក្រសួង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងនិយាយថា លោក Zhao បានផ្លាស់ទៅនាយកដ្ឋានគ្រប់គ្រងព្រំដែនគោក និងសមុទ្រ ហើយបច្ចុប្បន្ននេះលោកមានតួនាទីជាអនុប្រធាននៃនាយកដ្ឋានកិច្ចការព្រំដែន និងសមុទ្ររបស់ក្រសួងការបរទេស ។

លោក Zhao ត្រូវបានគេមើលឃើញថាជា អ្នកនាំពាក្យដែលនិយាយមិនចេះសំចៃមាត់ ជាពិសេសគឺការថ្លែង ក៏ដូចជាការអះអាងរបស់លោកនៅក្នុងសន្និសីទសារព័ត៌មាន និងការបង្ហោះតាមប្រព័ន្ធផ្សព្វផ្សាយសង្គម ដែលជាញឹកញាប់បានបង្កឲ្យមានភាពចម្រូងចម្រាស ។

នៅឆ្នាំ ២០២០ លោកបានបង្ហោះសារថា យោធាអាមេរិកប្រហែលជាបាននាំជំងឺកូវីដ ១៩ ចូលមកប្រទេសចិន ។ ប៉ុន្តែបន្ទាប់មកប្រធានាធិបតីអាមេរិកលោក ដូណាល់ ត្រាំ បានបញ្ចេញប្រតិកម្មតបទៅវិញយ៉ាងខ្លាំង ដោយហៅមេរោគនេះថាជា “វីរុសចិន” ។

គួរបញ្ជាក់ថា លោក Zhao Lijian បានក្លាយជាអនុប្រធាននៃនាយកដ្ឋានព័ត៌មានរបស់ក្រសួងការបរទេសចិនក្នុងឆ្នាំ ២០១៩ ហើយចំពោះតំណែងជាអ្នកនាំពាក្យរបស់ក្រសួងបរទេសវិញ លោក Zhao ចូលបម្រើការងារមួយនេះតាំងពីឆ្នាំ ២០២០ មកម្ល៉េះ ៕