Connect with us

ព័ត៌មានអន្ដរជាតិ

ចិន កោះហៅឯកអគ្គរាជទូតជប៉ុន មកតវ៉ា ពាក់ព័ន្ធ សេចក្តីថ្លែងការណ៍នៅ G7

បានផុស

នៅ

កាលពីថ្ងៃអាទិត្យទី២១ខែឧសភា អនុរដ្ឋមន្ត្រីការបរទេសចិនលោក Sun Weidong បានកោះហៅឯកអគ្គរាជទូតជប៉ុនលោក Hideo Tarumi ដើម្បីបំភ្លឺការចោទប្រកាន់ប្រឆាំងទីក្រុងប៉េកាំង នៅឯកិច្ចប្រជុំកំពូល G7 ក្នុងទីក្រុងហ៊ីរ៉ូស៊ីម៉ា។

លោក Sun Weidong (រូបថត៖ Tribune)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sun និយាយថា ប្រទេសជប៉ុន ដែលបច្ចុប្បន្នកាន់តំណែងជាប្រធានប្តូរវេននៃក្រុមប្រទេសទាំង៧ បានចូលដៃជាមួយបណ្តាប្រទេសលោកខាងលិចក្នុងការលាបពណ៌ និងវាយប្រហារប្រទេសចិន ក៏ដូចជាជ្រៀតជ្រែកកិច្ចការផ្ទៃក្នុងរបស់ខ្លួនដែរ។

អ្នកការទូតខាងលើបន្តថា “ភាគីចិន មិនពេញចិត្តទាល់តែសោះ និងសូមប្រឆាំងដាច់ខាត ដោយជំរុញឲ្យសមាជិក G7 បញ្ឈប់ការបង្កើត និងបង្កការប្រឈមមុខដាក់គ្នាក្នុងប្លុក”។

គួរបញ្ជាក់ជាថ្មី នៅក្នុងសេចក្តីថ្លែងការណ៍រួមមួយដែលចេញផ្សាយកាលពីថ្ងៃអាទិត្យ, G7 បានចោទប្រកាន់ប្រទេសចិនពីការបង្ខិតបង្ខំសេដ្ឋកិច្ច ការរំលោភសិទ្ធិមនុស្ស និងញុះញង់ឲ្យមានភាពតានតឹងនៅច្រកសមុទ្រតៃវ៉ាន់។

បន្ទាប់មក ស្ថានទូតជប៉ុនប្រចាំនៅប្រទេសចិន​ បានចេញសេចក្តីថ្លែងការណ៍មួយ ដោយនិយាយថា លោក Tarumi បានប្រាប់លោក Sun ថា កង្វល់ដែលលើកឡើងដោយ G7 គឺ សមហេតុផល ហើយនឹងបង្ហាញក្តីព្រួយបារម្ភជាថ្មីម្តងទៀត ប្រសិនបើចិន មិនផ្លាស់ប្តូរអាកប្បកិរិយារបស់ខ្លួនទេនោះ។

គួរបញ្ជាក់ថា ក្រុមប្រទេស G7 រួមមាន សហរដ្ឋអាមេរិក កាណាដា អង់គ្លេស បារាំង អាល្លឺម៉ង់ អ៊ីតាលី និងជប៉ុន៕

ប្រែសម្រួល៖ Vann Vann

ប្រភព៖ RT

ចុចអាន៖ កិច្ចប្រជុំកំពូល G7 ចាប់ផ្តើមថ្ងៃនេះ ខណៈ ចិន និងរុស្ស៊ី ជារបៀបវារៈសំខាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ

ព័ត៌មានជាតិ២០ ម៉ោង មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

សន្តិសុខសង្គម៨ ម៉ោង មុន

ស្ដ្រីបង្ហោះវីដេអូ ភ្ជាប់សំឡេងផ្ទុះអាវុធ ត្រូវបាននគរបាលខេត្តសៀមរាប ហៅមកសួរនាំ

ព័ត៌មានជាតិ២៣ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

ព័ត៌មានអន្ដរជាតិ៧ ម៉ោង មុន

ក្មេងស្រី អាមេរិក ស្លាប់យ៉ាងអាណោចអាធ័ម បន្ទាប់ពីឪពុកភ្លេចក្នុងរថយន្ត ៣ ម៉ោង

Sokha Hotels

ព័ត៌មានពេញនិយម