ព័ត៌មានអន្ដរជាតិ
កិច្ចប្រជុំកំពូល G7 ចាប់ផ្តើមថ្ងៃនេះ ខណៈ ចិន និងរុស្ស៊ី ជារបៀបវារៈសំខាន់
កិច្ចប្រជុំកំពូល G7 បានចាប់ផ្តើមនៅថ្ងៃសុក្រទី១៩ខែឧសភា ក្នុងទីក្រុង ហ៊ីរ៉ូស៊ីម៉ា នៃប្រទេសជប៉ុន ខណៈរុស្ស៊ី និងចិន គឺជារបៀបវារៈសំខាន់ ថ្វីបើប្រទេសទាំងពីរនេះ មិនត្រូវបានអញ្ជើញឲ្យចូលរួមក្នុងជំនួបកំពូលនេះក៏ដោយ។

យោងតាមក្រុមមន្ត្រីបានឲ្យដឹងថា ស្របពេលដែលប្រមុខនៃប្រទេសលទ្ធិប្រជាធិបតេយ្យជឿនលឿនរបស់ពិភពលោក ជួបប្រជុំគ្នារយៈពេលបីថ្ងៃនៅក្នុងទីក្រុងភាគខាងលិចប្រទេសជប៉ុន, មេដឹកនាំទាំងអស់ត្រូវព្យាយាមធ្វើយ៉ាងណា ដើម្បីបញ្ចប់ភាពខ្វែងគំនិតគ្នា ហើយត្រូវរួបរួមប្រឆាំងនឹងបញ្ហាប្រឈមដែលបង្កឡើងដោយទីក្រុងប៉េកាំង និងមូស្គូ។
ការខ្វែងគំនិតគ្នាខ្លាំងបំផុតនៅក្នុង G7 គឺពាក់ព័ន្ធនឹងចិន ព្រោះប្រទេសនានា កំពុងរិះរកវិធីដើម្បីព្រមានប្រឆាំងនឹងអ្វីដែលពួកគេមើលឃើញថា ជាការគំរាមកំហែងរបស់ចិនចំពោះខ្សែសង្វាក់ផ្គត់ផ្គង់ពិភពលោក និងសន្តិសុខសេដ្ឋកិច្ច។
យ៉ាងណាក្តី G7 ដែលមានដូចជាសហរដ្ឋអាមេរិក ជប៉ុន អាល្លឺម៉ង់ ចក្រភពអង់គ្លេស បារាំង កាណាដា និងអ៊ីតាលី សុទ្ធតែមានទំនាក់ទំនងផ្នែកសេដ្ឋកិច្ចយ៉ាងជិតស្និទ្ធជាមួយចិន ដែលជាមហាអំណាចសេដ្ឋកិច្ចធំលំដាប់ទីពីររបស់ពិភពលោក និងជាមូលដ្ឋានផលិតកម្ម និងទីផ្សារសកលដ៏សំខាន់។

ភាពខ្វែងគំនិតគ្នារបស់ G7 លើប្រទេសចិន ត្រូវបានគេយកចិត្តទុកដាក់យ៉ាងខ្លាំងបន្ទាប់ពីប្រធានាធិបតីបារាំងលោក Emmanuel Macron ធ្វើទស្សនកិច្ចទីក្រុងប៉េកាំងកាលពីខែមុន ហើយបានអំពាវនាវឲ្យសហភាពអឺរ៉ុប កាត់បន្ថយការពឹងផ្អែករបស់ខ្លួនលើសហរដ្ឋអាមេរិក។
លើសពីនេះ មេដឹកនាំទាំងអស់ ក៏នឹងពិភាក្សាអំពីគម្រោងរឹតបន្តឹងទណ្ឌកម្មលើប្រទេសរុស្ស៊ី និងបង្ហាញក្តីព្រួយបារម្ភថា សកម្មភាពរុស្ស៊ីប្រឆាំងអ៊ុយក្រែន អាចជំរុញសកម្មភាពចិនប្រឆាំងតៃវ៉ាន់ផងដែរ។
គួរបញ្ជាក់ថា ក្រៅពីប្រទេសខាងលើ មេដឹកនាំមកពីប្រទេសមួយចំនួនទៀត រួមទាំងឥណ្ឌា និងវៀតណាមផងដែរ គឺស្ថិតក្នុងចំណោមភាគីចូលរួមជាអ្នកសង្កេតការណ៍៕
ប្រែសម្រួល៖ Vann Vann
ប្រភព៖ Reuters
-
ព័ត៌មានអន្ដរជាតិ១ សប្តាហ៍ មុន
សារព័ត៌មានវៀតណាម ៖ រាជបុត្រ Mateen នឹងព្រះរាជទានស្បែកជើងតម្លៃ ១៧ លានដុល្លារ ដល់អ្នកអភិសេកជាមួយទ្រង់
-
កីឡា២ ថ្ងៃ មុន
Thiago បង្ហោះសារមួយ ក្រោយខ្សែការពារថៃ Jonathan គប់មេដាយទៅអ្នកគាំទ្រ
-
ជីវិតកម្សាន្ដ៤ ថ្ងៃ មុន
James Ma សារភាពស្នេហ៍ Rinrada ចំពោះមុខឪពុកម្ដាយ
-
ជីវិតកម្សាន្ដ៣ ថ្ងៃ មុន
១៤ ឆ្នាំមុន លោកភីថាធ្លាប់និយាយថា ពេញចិត្តអត្តចរិតតារាសម្ដែង Aff Taksaorn ខ្លាំង
-
ជីវិតកម្សាន្ដ៤ ថ្ងៃ មុន
រកឃើញសាកសពតារាចម្រៀងកូរ៉េ Haesoo នៅក្នុងបន្ទប់សណ្ឋាគារ មិនទាន់ដឹងមូលហេតុស្លាប់
-
វប្បធម៌ ជំនឿ៣ ថ្ងៃ មុន
ប្រវត្តិជីវិតពិត៖ តួអង្គនាងនាគ ក្នុងព្រឹត្តិការណ៍ស៊ីហ្គេមកម្ពុជា លើកទី១
-
កីឡា១ សប្តាហ៍ មុន
បួខាវ និងក្រុមកីឡាឃីកបុកស៊ីងរបស់ខ្លួន នឹងមកដល់កម្ពុជានៅថ្ងៃនេះ
-
ជីវិតកម្សាន្ដ៧ ថ្ងៃ មុន
ព្រឹត្តិការណ៍ “Jennie for Calvin Klein” រងពាក្យរិះគន់ចាស់ដៃពីអ្នកកាសែត