ក្រុមហ៊ុន JPMorgan ត្រូវពិន័យ ៤ លានដុលា្លរ​ ដោយសារច្រឡំលុបអ៊ីម៉ែល

គណៈកម្មការមូលបត្រ ពិន័យ JPMorgan Chase ចំនួន ៤ លានដុល្លារ ដោយសារច្រឡំលុបអ៊ីមែលចំនួន ៤៧ លានសារ ដែលភាគច្រើននៃសារ រួមមានរបស់និយតករផ្ញើរមកដែលជាផ្នែកមួយនៃការសុំស៊ើបអង្កេត។

គណកម្មការមូលបត្រប្រាប់ថា ក្នុងដីការដ្ឋបាលដែលបានចេញផ្សាយកាលពីថ្ងៃព្រហស្បតិ៍ ខ្លឹមសារនៃអ៊ីមែលមួយចំនួនដែលមិនអាចយកមកវិញបានចាប់តាំងពីត្រូវបានលុបជាអចិន្ត្រៃយ៍ ត្រូវបានស្នើសុំសម្រាប់ការស៊ើបអង្កេតបទប្បញ្ញត្តិទាក់ទងនឹងមូលបត្រស៊ីវិលយ៉ាងហោចណាស់រាប់សិបសារ។

គេដឹងថា អ៊ីមែលចាប់ពីខែមករាដល់ខែមេសាឆ្នាំ ២០១៨ ត្រូវបានលុបក្នុងឆ្នាំ ២០១៩ ដែលមាន ៨,៧០០ សារ ក្នុងនោះជាកម្មសិទ្ធិរបស់បុគ្គលិករហូតដល់ ៧,៥០០ នាក់នៅក្នុងផ្នែកធនាគារលក់រាយនៃធនាគារធំជាងគេរបស់ប្រទេសនេះ។

ចំពោះបញ្ហានេះ JPMorgan បានអះអាងថា ការប្រាស្រ័យទាក់ទងមិនត្រឹមត្រូវរវាងផ្នែកបច្ចេកវិទ្យា អនុលោមភាពសាជីវកម្មរបស់ធនាគារ និងអ្នកលក់ខាងក្រៅដែលមានភារកិច្ចរក្សាទុក និងលុបទំនាក់ទំនងដែលមានអាយុកាលតាំងពីទសវត្សរ៍ឆ្នាំ ១៩៧០ និងឆ្នាំ ១៩៨០ នាំឱ្យមានការលុបអ៊ីមែលច្រឡំឆ្នាំ ២០១៨។​ បើតាមបទប្បញ្ញត្តិ SEC គឺតម្រូវឱ្យ JPMorgan រក្សាអ៊ីមែលក្នុងរយៈពេល ៣ឆ្នាំ។

សម្រាប់កំហុសឆ្គងមួយនេះ JPMorgan គឺបានទទួលស្គាល់កំហុស ហើយយល់ព្រមតាមការផាកពិន័យរបស់គណកម្មការមូលបត្រអាមេរិក ព្រមទាំងសន្យា​ថា មិនឱ្យមានកំហុសឆ្គងបែបនេះទៀតឡើយនាពេលអនាគត៕​

ប្រែសម្រួល៖ នាង​ រតនៈ

ប្រភព៖ CNN

ចុចអាន៖ រុមហ៊ុនអាមេរិក ប្រមូលប្រដាប់ប្រដាក្មេងលេងផលិតដោយចិនមកវិញ ដោយសារបង្ករបួស