ព័ត៌មានអន្ដរជាតិ
បញ្ជីឈ្មោះចំណាប់ខ្មាំងក្រុមទី ៥ ដែលត្រៀមដោះលែង ធ្លាក់ទៅដល់ដៃ អ៊ីស្រាអែល ហើយ
ការិយាល័យនាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយនៅថ្ងៃអង្គារនេះថា ក្រុមការងាររបស់លោកនាយករដ្ឋមន្ត្រីទទួលបានបញ្ជីឈ្មោះចំណាប់ខ្មាំងក្រុមទី ៥ ដែលរំពឹងនឹងត្រូវដោះលែងក្រោមកិច្ចព្រមព្រៀងដោះដូរឈ្លើយសឹករវាងអ៊ីស្រាអែល និងក្រុមប្រដាប់អាវុធប៉ាឡេស្ទីនហាម៉ាស ។
![](https://www.kampucheathmey.com/wp-content/uploads/2023/11/Netanyahu-21-scaled.jpg)
ការិយាល័យបាននិយាយនៅក្នុងសេចក្តីថ្លែងការណ៍មួយថា “អ៊ីស្រាអែលបានទទួលបញ្ជីឈ្មោះចំណាប់ខ្មាំងចំនួន ១០ នាក់ដែលរំពឹងនឹងត្រូវដោះលែងនៅល្ងាចថ្ងៃអង្គារនេះ ហើយបញ្ជីនេះកំពុងស្ថិតក្រោមការត្រួតពិនិត្យ ប៉ុន្តែសារជូនដំណឹងគឺបានប្រាប់ទៅដល់ក្រុមគ្រួសារនៃចំណាប់ខ្មាំងរួចរាល់អស់ហើយ” ។
ទន្ទឹមនោះ បញ្ជីឈ្មោះចំណាប់ខ្មាំងដែលអ៊ីស្រាអែលទទួលបាននៅពេលនេះគឺកើតមានឡើង បន្ទាប់ពីមេដឹកនាំបានឈានដល់កិច្ចព្រមព្រៀងថ្មីបន្ថែមក្នុងការបន្តការផ្អាកបាញ់មនុស្សធម៌នៅតំបន់ហ្គាហ្សាស្ទ្រីបរយៈពេល ២ ថ្ងៃទៀត ក្រោយកិច្ចព្រមព្រៀងគ្នាលើកដំបូងរយៈពេល ៤ ថ្ងៃដែលបានចាប់ផ្តើមកាលពីថ្ងៃសុក្រ ទី២៤ ខែវិច្ឆិកា អស់សុពលភាពកាលពីថ្ងៃចន្ទ ។
![](https://www.kampucheathmey.com/wp-content/uploads/2023/11/hostage-8.jpg)
នៅក្នុងកិច្ចព្រមព្រៀងនោះទៀតសោត ក្រុមហាម៉ាសបានទាមទារឲ្យមានការដោះលែងអ្នកទោសប៉ាឡេស្ទីន ៣ នាក់ជាថ្នូរនឹងចំណាប៉ខ្មាំងអ៊ីស្រាអែលម្នាក់ ហើយក្រុមប្រដាប់អាវុធមួយនេះក៏បានអំពាវនាវឲ្យមានការអនុញ្ញាត ឬជួយសម្រួលទៅដល់រថយន្តដឹកជំនួយមនុស្សធម៌ចំនួន ២០០ គ្រឿង ចូលទៅក្នុងតំបន់ហ្គាហ្សាជារៀងរាល់ថ្ងៃផងដែរ ។
គួរបញ្ជាក់ថា ក្នុងអំឡុងពេលកិច្ចព្រមព្រៀងបទឈប់បាញ់រយៈពេល ៤ ថ្ងៃកន្លងមកនេះ ក្រុមប្រដាប់អាវុធប៉ាឡេស្ទីនហាម៉ាស់បានដោះលែងជនជាតិអ៊ីស្រាអែល ៥១ នាក់ និងជនបរទេស ១៨ នាក់ ខណៈដែលខាងអ៊ីស្រាអែលវិញបានដោះលែងជនជាតិប៉ាឡេស្ទីនចំនួន ១១៧ នាក់ ៕
![](https://www.kampucheathmey.com/wp-content/uploads/2023/11/Gaza-47-1.jpg)
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ កាតា ជួយសម្រួលឲ្យមានការផ្អាកបាញ់នៅតំបន់ហ្គាហ្សាបាន ២ ថ្ងៃទៀត
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ