ព្រះនាងរបស់ អង់គ្លេស Sarah Ferguson ទ្រង់មានជំងឺមហារីកស្បែក

ព្រះនាង Sarah Ferguson ត្រូវបានក្រុមគ្រូពេទ្រធ្វើរោគវិនិច្ឆ័យឃើញមានរោគសញ្ញានៃជំងឺមហារីកស្បែក ។ នេះបើយោងតាមបណ្ដាសារព័ត៌មានអង់គ្លេសបានរាយការណ៍កាលពីថ្ងៃអាទិត្យ ទី២១ ខែមករាកន្លងទៅ ។

ព្រះនាង Ferguson ព្រះជន្ម ៦៤ ព្រះវស្សា ដែលបានអភិសេកជាមួយព្រះអង្គម្ចាស់ Andrew និងធ្លាប់ត្រូវបានព្យាបាលជំងឺមហារីកសុដន់កាលពីឆ្នាំមុន បច្ចុប្បន្ននេះទ្រង់ក៏ត្រូវបានក្រុមគ្រូពេទ្យធ្វើរោគវិនិច្ឆ័យថាមានជំងឺមហារីកស្បែកមួយមុខទៀត បន្ទាប់ពីទ្រង់បានកាត់ប្រជ្រុយជាច្រើនចេញ ។

Sky News បានដកស្រង់សម្តីអ្នកនាំពាក្យរបស់ព្រះនាងថា “ទ្រង់កំពុងស្ថិតនៅក្រោមការធ្វើតេស្តវិនិច្ឆ័យបន្ថែមទៀតដើម្បីឲ្យដឹងច្បាស់ថា ជំងឹនេះ ស្ថិតនៅក្នុងដំណាក់កាលដំបូងឬយ៉ាងណា” ខណៈការធ្វើរោគវិនិច្ឆ័យនេះគឹកើតឡើងភ្លាមៗ បន្ទាប់ពីទ្រង់ធ្វើការវះកាត់មហារីកសុដន់លើកដំបូងរបស់ទ្រង់ ។

គួរបញ្ជាក់ថា ការ​ធ្វើ​រោគវិនិច្ឆ័យ​របស់ព្រះ​នាងកើតមានឡើងដំណាលគ្នាឡើង​ទៅនឹង​ព្រះអង្គម្ចាស់ Charles ព្រះជន្ម ៧៥ ព្រះវស្សា ​រៀបចំ​ការវះកាត់​ក្រពេញ​ប្រូស្តាត​រីក​ធំ​ក្នុង​សប្តាហ៍​នេះ ។ មួយវិញទៀត មន្ត្រីរាជវង្សក៏បានប្រកាសដែរថា ខ្សែរាជវង្សមួយទៀតគឹ Catherine ព្រះមហេសីរបស់ព្រះអង្គម្ចាស់ William ដែលជាអ្នកស្នងរាជសម្បត្តិរបស់ព្រះអង្គម្ចាស់ Charles ទ្រង់ក៏វះកាត់ពោះដោយជោគជ័យផងដែរ ហើយទ្រង់កំពុងស្ថិតនៅក្នុងមន្ទីរពេទ្យរយៈពេលពីរសប្តាហ៍ ៕

អត្ថបទ៖ ប៊ុន សុភាព