Connect with us

ព័ត៌មានអន្ដរជាតិ

រ៉ុកកែតមួយគ្រាប់របស់ ជប៉ុន ផ្ទុះឆេះ ក្រោយបាញ់មិនបានប៉ុន្មានវិនាទីផង

បានផុស

នៅ

គ្រាប់រ៉ុកកែត Kairos របស់​ក្រុមហ៊ុន​វិនិយោគ​ជប៉ុន Space One បានផ្ទុះឆេះក្នុងរយៈពេលប៉ុន្មានវិនាទី បន្ទាប់ពីបាញ់បង្ហោះនៅថ្ងៃពុធប៉ុណ្ណោះ ។ នេះបើយោងតាមសេចក្ដីរាយការណ៍ពីទូរទស្សន៍ NHK នាថ្ងៃទី១៣ ខែមីនានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រាប់រ៉ុកកែតដែលមានប្រវែង ១៨ ម៉ែត្របានផ្ទុះឆេះភ្លាមៗចេញពីកន្លែងបាញ់បង្ហោះនៅក្នុងខេត្ត Wakayama ភាគខាងលិចប្រទេសជប៉ុន ​ខណៈគេរំពឹងថា រ៉ុកកែតនេះនឹងដាក់ផ្កាយរណបចូលទៅក្នុងគន្លងជុំវិញផែនដីក្នុងរយៈកម្ពស់ ៥០០ គីឡូម៉ែត្រ និងប្រើពេលប្រហែល ៥០ នាទី បន្ទាប់ពីការបាញ់បង្ហោះ ។ ទោះយ៉ាងណា មិនមានអ្នករងរបួសនៅជិតកន្លែងបាញ់បង្ហោះទេ ហើយភ្លើងក៏ត្រូវបានពន្លត់ផងដែរ ។

ពាក់ព័ន្ធនឹងបញ្ហានេះដែរ ក្រុមហ៊ុន SpaceOne ដែលមានមូលដ្ឋាននៅទីក្រុងតូក្យូ និងមានមហិច្ឆតាចង់ក្លាយជាក្រុមហ៊ុនជោគជ័យនៅគន្លងតារាវិថីបាននិយាយនៅក្នុងសេចក្តីថ្លែងការណ៍មួយថា “គួរឲ្យសោកស្ដាយ! ការបាញ់បង្ហោះរ៉ុកកែត Kairos លើកដំបូងត្រូវបានបរាជ័យ ខណៈព័ត៌មានលម្អិតកំពុងត្រូវបានស៊ើបអង្កេត” ។

Space One ត្រូវបានបង្កើតឡើងក្នុងឆ្នាំ ២០១៨ ដោយសម្ព័ន្ធក្រុមហ៊ុនជប៉ុនរួមមាន ក្រុមហ៊ុន Canon Electronics អង្គភាពវិស្វកម្មអវកាសរបស់ IHI ក្រុមហ៊ុនសំណង់ Shimizu និងធនាគារអភិវឌ្ឍន៍ដែលគាំទ្រដោយរដ្ឋាភិបាលប្រទេសជប៉ុន ខណៈធនាគារធំៗចំនួន ២ របស់ជប៉ុនដូចជា Mitsubishi UFJ និង Mizuho ក៏មានភាគហ៊ុនផងដែរ ។

គួរបញ្ជាក់ថា ការបរាជ័យនេះបានធ្វើឲ្យភាគហ៊ុននៅក្នុងក្រុមហ៊ុន Canon Electronics ធ្លាក់ចុះដល់ទៅ ១៣ ភាគរយ ខណៈដែលភាគហ៊ុន IHI បានធ្លាក់ចុះដល់ ២ ភាគរយ ខណៈការបរាជ័យនេះបានបង្ហាញពីការខកចិត្តដល់កិច្ចខិតខំប្រឹងប្រែងរបស់ប្រទេសជប៉ុនក្នុងការចូលទៅក្នុងទីផ្សារការបាញ់បង្ហោះផ្កាយរណបជាមួយប្រទេសប្រកួតប្រជែងផ្សេងទៀត ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ១ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ១ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

Sokha Hotels

ព័ត៌មានពេញនិយម