ព័ត៌មានអន្ដរជាតិ
តើទឹកជំនន់ធ្ងន់ធ្ងរនៅឌូបៃ ពិតជាបង្កឡើងដោយ ភ្លៀងសិប្បនិម្មិត មែនទេ?
ទីក្រុងឌូបៃ ត្រូវរងគ្រោះដោយទឹកជំនន់ធ្ងន់កជាប្រវត្តិសាស្រ្តត្រឹមរយៈពេល២៤ម៉ោងចុងក្រោយ ជាហេតុនាំឲ្យមានមន្ទិលសង្ស័យពាក់ព័ន្ធការបង្កើតភ្លៀងសិប្បនិមិ្មត។
ដូច្នេះ តើនេះជាការពិតមែនឬ?
ទីក្រុងឌូបៃ ស្ថិតនៅលើឆ្នេរសមុទ្រនៃប្រទេសអារ៉ាប់រួម (UAE) ដោយជាធម្មតា មានអាកាសធាតុស្ងួតខ្លាំង ហើយទីក្រុងនេះ កម្រនឹងមានភ្លៀងធ្លាក់ខ្លាំងណាស់។ ចំណែកនៅទីក្រុង Al-Ain ឯណោះវិញដែលមានចម្ងាយត្រឹមតែជាង១០០គីឡូម៉ែត្រពី ឌូបៃ, ទឹកភ្លៀងកម្រិតប្រហែល២៥៦មិល្លីម៉ែត្រ ត្រូវបានកត់ត្រាក្នុងរយៈពេលត្រឹមតែ២៤ម៉ោង។
តាមការបញ្ជាក់ពីសាស្ត្រាចារ្យ Maarten Ambaum ជាអ្នកជំនាញឧតុនិយមនៅសាកលវិទ្យាល័យ Reading ចក្រភពអង់គ្លេស ដែលសិក្សាពីគំរូទឹកភ្លៀង បានពន្យល់ថា ពិភពលោកមួយចំហៀងមានរបបទឹកភ្លៀងមិនទៀងទាត់ ឬគ្មានភ្លៀងធ្លាក់យូរមកហើយ ដូច្នេះវាបានទាញឲ្យមានព្រឹត្តិការណ៍ភ្លៀងធ្លាក់ធ្ងន់ធ្ងរដ៏កម្រនៅតំបន់ឈូងសមុទ្រ។
ស្របពេលជាមួយគ្នានោះ លោកបានបដិសេធចំពោះការបណ្តុះពពកបង្កើតជាភ្លៀងសិប្បនិម្មិត ដែលជាដើមចមនៃព្យុះដ៏សាហាវ វាយប្រហារប្រទេសអារ៉ាប់រួមនេះ។
តើគេបង្កើតភ្លៀងសិប្បនិម្មិតដោយរបៀបណា?
ចម្លើយគឺគេត្រូវបណ្ដុះពពក ដើម្បីជួយបង្កើតទឹកភ្លៀង។ វិធីសាស្រ្តគឺគេប្រើយន្តហោះដើម្បីទម្លាក់ភាគល្អិតតូចៗ (ដូចជាអ៊ីយ៉ូតប្រាក់) ចូលទៅក្នុងពពក។ បន្ទាប់មក ចំហាយទឹកអាចបង្រួមបានកាន់តែងាយស្រួល ហើយប្រែទៅជាគ្រាប់ភ្លៀង។
បច្ចេកទេសនេះ ត្រូវគេប្រើរាប់ទសវត្សរ៍មកហើយ ហើយអារ៉ាប់រួម បានប្រើវាក្នុងរយៈពេលប៉ុន្មានឆ្នាំថ្មីៗនេះ ដើម្បីជួយដោះស្រាយកង្វះខាតទឹក។
តាមសេចក្តីរាយការណ៍របស់ Bloomberg មុននេះបានបង្ហាញថា យន្តហោះបណ្តុះពពក ត្រូវបានដាក់ពង្រាយនៅថ្ងៃអាទិត្យនិងថ្ងៃចន្ទ ពោលគឺមិនមែនថ្ងៃអង្គារ ជាពេលដែលទឹកជំនន់កើតឡើងទេ។ ដូចនេះ ការចោទប្រកាន់ពាក់ព័ន្ធភ្លៀងសិប្បនិម្មិតបង្កជាគ្រោះទឹកជំនន់ គឺមិនត្រឹមត្រូវឡើយ។
ស្របពេលជាមួយគ្នានោះ មជ្ឈមណ្ឌលជាតិឧតុនិយម (NCM) ដែលជាក្រុមការងាររបស់រាជរដ្ឋាភិបាល ទទួលខុសត្រូវលើបេសកកម្មបណ្ដុះពពកក្នុងប្រទេសអារ៉ាប់រួម បានចេញមុខបដិសេធរបាយការណ៍ដែលថា ខ្លួនប្រើបច្ចេកទេសកែប្រែអាកាសធាតុនៅពេលមានព្យុះខ្លាំង ទូទាំងប្រទេស។
ស្ថាប័ននេះប្រាប់ CNBC ថា ខ្លួនមិនបានបញ្ជូនយន្តហោះទៅធ្វើប្រតិបត្តិការបង្កើតភ្លៀងសិប្បនិម្មិតមុនពេល ឬក្នុងអំឡុងពេលព្យុះឡើយ។
លោក Omar AlYazedi អគ្គនាយករង NCM បាននិយាយថា “ទីភ្នាក់ងារមិនបានធ្វើប្រតិបត្តិការបណ្តុះពពកណាមួយឡើយ ក្នុងអំឡុងពេលកើតមានព្រឹត្តិការណ៍នេះ។ គោលការណ៍ជាមូលដ្ឋានមួយនៃការបណ្តុះពពក គឺអ្នកត្រូវកំណត់គោលដៅលើពពកនៅដំណាក់កាលដំបូងរបស់វា មុនពេលមានភ្លៀងធ្លាក់ ប្រសិនបើអ្នកឃើញមានស្ថានភាពព្យុះផ្គររន្ទះខ្លាំងហើយ នោះអ្នកមិនចាំបាច់ទៅបង្កើតភ្លៀងសិប្បនិម្មិតអីទៀតទេ”។
ដូចនេះ មានន័យថា ព្យុះនៅអារ៉ាប់រួម បណ្តាលមកពីកត្តាតែមួយគត់ នោះគឺ អាកាសធាតុតាមធម្មជាតិ៕
អត្ថបទ៖ សុខ សុវណ្ណ
ចុចអាន៖ ទីក្រុងអ្នកមាន “ឌូបៃ” ជួបព្យុះភ្លៀង បង្កការជន់លិច និងជាប់គាំង
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ជីវិតកម្សាន្ដ២៤ ម៉ោង ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១៩ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២០ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល