ព័ត៌មានអន្ដរជាតិ
ទីក្រុងអ្នកមាន “ឌូបៃ” ជួបព្យុះភ្លៀង បង្កការជន់លិច និងជាប់គាំង
ភ្លៀងធ្លាក់ឥតឈប់និងព្យុះផ្គររន្ទះដ៏សាហាវ បានវាយប្រហារទីក្រុងអ្នកមាន “ឌូបៃ” ស្របពេលផ្នែកខ្លះនៃប្រទេសអារ៉ាប់រួម ត្រូវជាប់គាំងដោយសារតែទឹកជំនន់ដ៏ធ្ងន់ធ្ងរ។
តាមរយៈវីដេអូបង្ហោះលើប្រព័ន្ធផ្សព្វផ្សាយសង្គម គេបានឃើញរថយន្តស៊េរីទំនើប ត្រូវលិចទឹក ខណៈអាជ្ញាធរទីក្រុង បានចេញសេចក្តីណែនាំ ឲ្យប្រជាជនស្នាក់នៅក្នុងផ្ទះ កុំចេញទៅណាផ្តេសផ្តាស។
សម្រាប់ទឹកភ្លៀងវិញ មានសេចក្តីរាយការណ៍ថា ត្រឹមមួយថ្ងៃ មានទឹកភ្លៀងកម្រិតរហូតដល់១២០មិល្លីម៉ែត្របានធ្លាក់ចុះ ពោលគឺកម្រិតនេះ សឹងតែស្មើនឹងកម្រិតភ្លៀងធ្លាក់ប្រចាំឆ្នាំទៅហើយ។
ទន្ទឹមនោះ ជើងហោះហើរជិត៥០ជើង ចេញនិងចូលទីក្រុងឌូបៃ គឺត្រូវបានលុបចោល ព្រោះថា មានយន្តហោះជាច្រើនគ្រឿង ត្រូវត្រាំក្នុងទឹកនៅអាកាសយានដ្ឋានអន្តរជាតិឌូបៃ ដែលជាកន្លែងមមាញឹកបំផុតសម្រាប់ការធ្វើដំណើរអន្តរជាតិ។
មិនត្រឹមតែអារ៉ាប់រួមទេ ព្យុះដ៏សាហាវនេះ ក៏វាយប្រហារប្រទេសបារ៉ែន និងកាតា ក៏ដូចជាអារ៉ាប៊ីសាអូឌីតផងដែរ បន្ទាប់ពីឆ្លងកាត់អូម៉ង់ ដែលបង្កជាទឹកជំនន់ដ៏សាហាវ។
ទោះបីជាយ៉ាងណាក៏ដោយ មជ្ឈមណ្ឌលជាតិឧតុនិយមអារ៉ាប់រួម បានចេញការព្រមានថា លក្ខខណ្ឌអាកាសធាតុនឹងមិនទាន់ធូរស្បើយឡើយ ពោលគឺអាចអូសបន្លាយពេញមួយសប្តាហ៍នេះតែម្តង។
យោងតាមប្រព័ន្ធផ្សព្វផ្សាយរដ្ឋ, ប៉ូលិសនិងយោធា ត្រូវបានដាក់ពង្រាយដើម្បីជួយជម្លៀសពលរដ្ឋនៅក្នុងខេត្ត Ash Sharqiyah North ដែលរងគ្រោះខ្លាំងជាងគេ។
សូមជម្រាបថា ភ្លៀងធ្លាក់មិនមែនជារឿងធម្មតាទេនៅក្នុងប្រទេសអារ៉ាប់រួម ប៉ុន្តែជាទូទៅវាកើតឡើងក្នុងអំឡុងរដូវរងា ខណៈផ្លូវជាច្រើននិងតំបន់មួយចំនួន មិនសូវមានប្រព័ន្ធលូគ្រប់គ្រាន់សម្រាប់គ្រប់គ្រងទឹកជំនន់៕
សូមទស្សនាវីដេអូ៖
អត្ថបទ៖ សុខ សុវណ្ណ
-
ព័ត៌មានជាតិ១ សប្តាហ៍ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
ចរាចរណ៍១៥ ម៉ោង ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
សន្តិសុខសង្គម៧ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានជាតិ១៨ ម៉ោង ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ជីវិតកម្សាន្ដ៧ ថ្ងៃ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានជាតិ១ សប្តាហ៍ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានអន្ដរជាតិ៦ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
ជីវិតកម្សាន្ដ១ សប្តាហ៍ ago
កូនប្រុសតារាហុងកុង Cecilia Cheung វ័យ១៧ ឆ្នាំ ណាត់ជួបជាមួយគ្រូអាយុ ៤៦ ឆ្នាំ