សូមប្រុងប្រយ័ត្ន! វៀតណាម ប្រកាសរកឃើញវីរុសបំប្លែងខ្លួន ៥ប្រភេទផ្សេងគ្នានៅក្នុងប្រទេស

លោក Nguyen Thanh Long រដ្ឋមន្រ្តីក្រសួងសុខាភិបាលវៀតណាម បានអះអាងថា ជនជាតិជប៉ុនម្នាក់ ដែលស្លាប់ក្នុងសណ្ឋាគារមួយនៅទីក្រុងហាណូយកាលពីពាក់កណ្តាលខែកុម្ភៈ គឺពិតជាឆ្លងវីរុសកូរ៉ូណាបំប្លែងខ្លួនថ្មីមែន។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមលទ្ធផលតេស្តហ្សែន បានបង្ហាញថា វីរុសបំប្លែងខ្លួនថ្មីនេះត្រូវបានគេហៅថា 20C ដែលជាទម្រង់នៃវីរុសដែលកំពុងសាយភាយនៅក្នុងប្រទេសកូរ៉េខាងត្បូង ស្រីលង្កា ឥណ្ឌានិងតៃវ៉ាន់។

វាជាលើកទីមួយហើយ ដែលមេរោគនេះត្រូវបានគេរកឃើញនៅក្នុងប្រទេសវៀតណាម ហើយវាគឺជាវីរុសបំប្លែងខ្លួនទី៥ ដែលត្រូវបានរកឃើញនៅក្នុងប្រទេសអាស៊ីអាគ្នេយ៍មួយនេះ។

វីរុស៤ប្រភេទផ្សេងទៀតរួមមាន B.1.1.7 មកពីចក្រភពអង់គ្លេស, B.1.351 ត្រូវបានរកឃើញដំបូងនៅអាហ្វ្រិកខាងត្បូង, A.23.1 ដែលលេចចេញជាលើកដំបូងនៅក្នុងប្រទេសរ្វ៉ាន់ដាកាលពីខែតុលាឆ្នាំ២០២០ និង D614G ដែលក្រុមអ្នកវិទ្យាសាស្រ្តហៅថា “G”។

ស្របពេលរកឃើញវីរុសបំប្លែងខ្លួនកាន់តែច្រើន លោករដ្ឋមន្រ្តី Long បានព្រមានថា “ភ្នាក់ងារបង្កជំងឺអាចនៅតែមាននៅក្នុងសហគមន៍ ដូច្នេះវាជាការចាំបាច់ដើម្បីបង្កើនការប្រុងប្រយ័ត្នសម្រាប់ការការពារជំងឺរាតត្បាត”៕

ប្រែសម្រួលដោយ៖ Vann Vann

ប្រភព៖ Tuoi Tre

ចុចអាន៖ វៀតណាមមានអ្នកស្លាប់លើកដំបូង ដោយសារវីរុសបំប្លែងខ្លួនថ្មី

ចុចអាន៖ មន្ទីរពេទ្យ ០៣ កន្លែង ពេញអ្នក​ជំងឺ​អស់ យក​មណ្ឌល​ចត្តាឡីស័ក​ព្យាបាលអ្នក​ឆ្លង​កូវីដ ១៩