Connect with us

ព័ត៌មានអន្ដរជាតិ

ជារឿងកម្រ! ទារកអ៊ីស្រាអែលម្នាក់ស្លាប់ក្នុងស្បូន ដោយសារឆ្លងកូវីដពីម្ដាយ

បានផុស

នៅ

វេជ្ជបណ្ឌិតអ៊ីស្រាអ៊ែលបាននិយាយថា ទារកម្នាក់ដែលម្តាយមានជំងឺកូវីដ ១៩ បានស្លាប់នៅក្នុងស្បូន បន្ទាប់ពីបានឆ្លងជំងឺនេះ ។

ស្ត្រីដែលបានឆ្លងជំងឺកូវីដ ១៩ ស្ថិតក្នុងសប្តាហ៍ទី ៣៦ នៃការមានគត៌ នៅពេលដែលនាងត្រូវបានអនុញ្ញាតឲ្យចូលមណ្ឌលវេជ្ជសាស្ត្រ Meir នៅទីក្រុង Kfar Saba ប្រទេសអ៊ីស្រាអែល បន្ទាប់ពីធ្លាក់ខ្លួនឈឺកាលពីថ្ងៃសៅរ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លាមៗនោះក្រុមគ្រូពេទ្យបានរកឃើញថា ទារកដែលមិនទាន់កើតរបស់ស្ត្រីនោះបានស្លាប់ក្នុងស្បូន ខណៈការធ្វើតេស្តក្នុងស្បូនបង្ហាញថា ទារកនោះក៏បានឆ្លងវីរុសនេះផងដែរ ។

មន្ទីរពេទ្យបាននិយាយថា វាមិនច្បាស់ទេថាតើវីរុសនេះជាមូលហេតុនៃការស្លាប់របស់ទារកឬយ៉ាងណានោះ ។ វាកើតឡើងតែប៉ុន្មានសប្តាហ៍ប៉ុណ្ណោះ បន្ទាប់ពីទារកមិនទាន់កើតម្នាក់ទៀតដែលម្តាយឆ្លងជំងឺកូវីដ ១៩ បានស្លាប់ បន្ទាប់ពីបានឆ្លងជំងឺនេះតាមរយៈសុក ។

ប្រព័ន្ធផ្សព្វផ្សាយក្នុងស្រុក The Times of Israel បាននិយាយថា ស្ត្រីអាយុ ២៩ ឆ្នាំរូបនេះបានមានផ្ទៃពោះក្នុងសប្តាហ៍ទី ២៥ នៅពេលនាងបានទៅដល់មន្ទីរពេទ្យ Assuta ក្នុងទីក្រុង Ashdod បន្ទាប់ពីមានអាការៈគ្រុនក្តៅរយៈពេល ២ ថ្ងៃ និងរោគសញ្ញានៃជំងឺកូវីដ ១៩ ។

ក្រសួងសុខាភិបាលរបស់ប្រទេសអ៊ីស្រាអែលបាននិយាយនៅពេលនោះថា វាជាឧប្បត្តិហេតុដំបូងគេដែលត្រូវបានគេដឹងនៅក្នុងប្រទេសអ៊ីស្រាអែល និងជាការកើតឡើងជាសកលដ៏កម្រមួយ ។

ប្រធាននាយកដ្ឋានជំងឺឆ្លងនៃមន្ទីរពេទ្យលោកវេជ្ជបណ្ឌិត Tal Brosh បានប្រាប់គេហទំព័រព័ត៌មាន Ynet ថា ទារកបានឆ្លងជំងឺនេះតាមរយៈសុក ហើយមានកម្រិតជាក់លាក់ខ្ពស់ដែលយើងអាចនិយាយបានថាទារកនេះបានស្លាប់ដោយសារជំងឺកូវីដ ១៩ ។ ប៉ុន្តែប្រសិនបើម្តាយត្រូវបានចាក់វ៉ាក់សាំងនៅខែទី ៣ និងទី ៦ វាអាចត្រូវបានការពារ និងជៀសវាងផុតពីឆ្លងជំងឺនេះ ។

នេះជាការកើតឡើងដ៏កម្រមួយ ព្រោះជាធម្មតាទារកតែងតែឆ្លងវីរុសកូរ៉ូណាបន្ទាប់ពីកើតដោយសារតែទាក់ទងជាមួយម្តាយ ខណៈដែលមន្ទីរពេទ្យមិនបានបង្ហាញពីមូលហេតុដែលអាចមានសក្តានុពលផ្សេងទៀតពីការស្លាប់ដោយសារជំងឺកូវីដ ១៩ នោះទេ ។

រហូតមកដល់ពេលនេះប្រទេសអ៊ីស្រាអែលគឺជាប្រទេសតែមួយគត់ដែលអាចបង្ហាញពីប្រសិទ្ធភាពនៃយុទ្ធនាការចាក់វ៉ាក់សាំង ខណៈការសិក្សាដែលកំពុងបន្តបានបង្ហាញថា ការចាក់វ៉ាក់សាំងរបស់ក្រុមហ៊ុន Pfizer ចំនួន ២ ដូសអាចកាត់បន្ថយហានិភ័យនៃការឆ្លងជំងឺកូវីដ ១៩ បាន ៩៤ ភាគរយសម្រាប់មនុស្សអាយុលើសពី ៥៥ ឆ្នាំ ហើយទទូចថា ប្រជាជនត្រូវតែទទួលបានការចាក់វ៉ាក់សាំងនេះរយៈពេលបីសប្តាហ៍ ។

គួរបញ្ជាក់ថា គិតត្រឹមពេលនេះប្រទេសអ៊ីស្រាអែលមានករណីឆ្លងជំងឺកូវីដ ១៩ ចំនួន ៧៧៥,៨០៧ ករណី និងមានអ្នកស្លាប់ចំនួន ៥,៧៥២ នាក់ ខណៈមានអ្នកជាសះស្បើយចំនួន ៧៣៣,៤១០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Mail

ចុចអាន ៖ Joe Biden និង Netanyahu និយាយទូរស័ព្ទជាមួយគ្នាលើកដំបូងផ្តោតលើសារៈសំខាន់មួយចំនួន

ចុចអាន ៖ ប្រជាជនអ៊ីស្រាអែល ២៤០ នាក់តេស្តវិជ្ជមានកូវីដភ្លាមៗ ក្រោយចាក់វ៉ាក់សាំង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

អ្នកការទូតកំពូលរបស់ចិន នឹងពិភាក្សារឿងកោះតៃវ៉ាន់ជាមួយទីប្រឹក្សាសន្តិសុខជាតិអាមេរិក

ព័ត៌មានជាតិ៥ ម៉ោង មុន

បេក្ខជនជិត ២ពាន់នាក់ នឹងត្រូវចូលរួមប្រឡងជ្រើសរើសគ្រូអប់រំកាយ និងកីឡា ខណៈជ្រើសរើសតែ ១០០នាក់ប៉ុណ្ណោះ

ព័ត៌មានជាតិ៥ ម៉ោង មុន

លោក លី ធុជ ចូលប្រជុំនៅស្វីស ដើម្បីសម្រេចគោលដៅអាទិភាព ពេលកម្ពុជារៀបចំកិច្ចប្រជុំស្ដីពីពិភពលោកគ្មានមីន

ព័ត៌មានជាតិ៦ ម៉ោង មុន

លោក សេង ម៉ៅ ៖ ទោះអាយុជិត ៤០ ឆ្នាំ ក៏នៅសង្វាតជំនាញបច្ចេកទេស ព្រោះចង់បើករបរឯស្រុកកំណើត

ព័ត៌មានអន្ដរជាតិ៦ ម៉ោង មុន

​សេដ្ឋកិច្ច​ជប៉ុន​រង​ផល​ប៉ះពាល់ខ្លាំង ចាប់តាំងពីគ្រោះ​រញ្ជួយ​ដីថ្ងៃឆ្លងឆ្នាំ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍១ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

Sokha Hotels

ព័ត៌មានពេញនិយម