ព័ត៌មានអន្ដរជាតិ

ធ្លាក់យន្តហោះនៅចិនសម្លាប់មនុស្ស៥នាក់ ពេលហោះបង្កើតទឹកភ្លៀង

បានផុស

៣ years មុន

នៅ

ថ្ងៃព្រហស្បតិ៍ ៤ មីនា ២០២១

ដោយ

ហោចណាស់មនុស្ស៥នាក់បានស្លាប់កាលពីថ្ងៃចន្ទ (ទី១ ខែមីនា) នៅពេលយន្តហោះដែលពួកគេជិះបានធ្លាក់ទៅលើកសិដ្ឋនមួយនៅភាគខាងកើតប្រទេសចិនកំឡុងពេលហោះហើរដើម្បីបណ្តុះពពកបង្កើតទឹកភ្លៀង។

ការិយាល័យឧតុនិយមខេត្តបាននិយាយក្នុងរបាយការណ៍មួយថា ផ្ទះកសិដ្ឋានចំនួន៣ត្រូវបានខូចខាត និងអ្នកភូមិម្នាក់បានរបួស នៅពេលយន្តហោះ Beechcraft B300 King Air 350 ដែលប្រតិបត្តិការណ៍ដោយអាកាសចរណ Beidahuang General Aviation បានធ្លាក់នៅរសៀល ម៉ោងវេលា៣:១៩នៅទីក្រុង Jian county ក្នុងខេត្តជាំងស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយករបស់អាការចរណ៍លោក Zhan Fengxing បាននិយាយក្នុងបទសម្ភាសថា ជនរងគ្រោះទាំង៥នាក់នោះគឺមានម្នាក់ជាបុគ្គលិកការិយាល័យរបស់លោក និងពីរនាក់មកពីការិយាល័យឧតុនិយម Heilongjiang Meteorological Bureau។ ពីរនាក់ទៀតគឺអ្នកបើកយន្តហោះ និងជំនួយការបើក ដែលអ្នកទាំងពីរធ្វើការនៅក្រុមហ៊ុនអាកាសចរណ៍។

របាយការណ៍ថា អ្នកភូមិដែលរបួសត្រូវបានបញ្ជូនទៅព្យាបាលនៅមន្ទីរពេទ្យ ហើយអគ្គីភ័យកដែលបានឆាបឆេះដោយសារធ្លាក់នោះត្រូវបានពន្លត់។

វីដេអូត្រូវបានគេបង្ហោះនៅលើបណ្តាញសង្គមឃើញផ្សែងខ្មៅខ្លាំងចេញពីផ្ទះកសិដ្ឋាន ខណៈក្រុមពន្លត់អគ្គីភ័យបានព្យាយាមគ្រប់គ្រងស្ថានការណ៍។

លោកបានប្រាប់ថា ៖«យើងយល់ ឧប្បត្តិហេតុបានកើតឡើងលឿន បន្ទាប់ពីបានហោះឡើង ប៉ុន្តែមូលហេតុជាក់លាក់ត្រូវការបញ្ជាក់ពីនិយតករអាកាសចរណ៍។ គ្រោះថ្នាក់នេះនឹងត្រូវធ្វើការវិភាគដោយរដ្ឋបាលអាកាសចរណ៍ស៊ីវិល ខេត្តជាំងស៊ី»។

ខេត្តជាំងស៊ីបានបានកំពុងជួបគ្រោះរាំងស្ងួតខ្លាំងចាប់តាំងពីខែតុលាមក ហើយអាជ្ញាធរដែលគ្រប់គ្រងទីក្រុង Jian county បានកំពុងបណ្តុះគ្រាប់ពពក ដែលជាដំណើរគ្រឹស្ទាល់ទម្លាក់ទៅក្នងពពកដើម្បីបង្កើតភ្លៀវសិប្បនិម្មិត ដើម្បីជួយកាត់បន្ថយបញ្ហារាំងស្ងួត។

ការិយាល័យឧតុនិយម Jian Meteorological Service បាននិយាយថា ទីក្រុងបានអនុវត្តបេសកកម្មបណ្តុះពពក៧៥ដងនៅក្នុងត្រឹមពាក់កណ្តាលទីពីរនៃខែមុន ខណៈកង្វះទឹកភ្លៀង និងកម្រិតទឹកទាបនៅតាមដងទន្លេបានបង្កហានិភ័យខ្ពស់ដល់ភ្លើងឆេះព្រៃ៕

ប្រែសម្រួល៖ វីរបុត្រ
ប្រភព៖ South China Morning Post