ព័ត៌មានអន្ដរជាតិ

អតិផរណាស្នូលសិង្ហបុរី កើនឡើងទាបបំផុតក្នុងរយៈពេល ៣ ឆ្នាំ

បានផុស

១ year មុន

នៅ

ថ្ងៃចន្ទ ២៣ ធ្នូ ២០២៤

ដោយ

អតិផរណាស្នូលរបស់ប្រទេសសិង្ហបុរី បានកើនឡើងប្រមាណ ១,៩ ភាគរយ នៅខែវិច្ឆិកា ធៀបនឹងរយៈពេលដូចគ្នាកាលពីឆ្នាំមុន ដែលវាជាអត្រាកំណើនទាបបំផុតរាប់តាំងពីខែវិច្ឆិកា ឆ្នាំ ២០២១។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតិផរណាស្នូល ដែលមិនរាប់បញ្ជូលនូវការស្នាក់នៅ និងការដឹកជញ្ជូនឯកជន បានកើនឡើងទាបជាងការព្យាករ ២,១ ភាគរយ របស់សេដ្ឋវិទូ និងទាបជាងអត្រាកំណើន ២,១ ភាគ កាលពីខែតុលា។

ចំណែកឯអតិផរណាទូទៅវិញ បានកើនឡើង ១,៦ ភាគរយ នៅខែវិច្ឆិកា ក្នុងអត្រាប្រចាំឆ្នាំដូចគ្នា ពី ១,៤ ភាគរយ នៅខែតុលា ដោយសារតែ។ អាជ្ញាធររូបិយវត្ថុសិង្ហបុរី បានព្យាករថា អតិផរណាស្នូលនឹងកើនឡើងប្រហែល ២ ភាគរយ ក្នុងត្រីមាសទី ៤ ឆ្នាំនេះ ខណៈថា អតិផរណាទាប បានរួមចំណែកផងដែរដោយសារនិន្នាការធ្លាក់ចុះនៃអតិផរណាសកល។

ការថយចុះអតិផរណា អាចនឹងផ្ដល់ឱកាសឱ្យអាជ្ញាធររូបិយវត្ថុ ដែលជាធនាគារកណ្តាលសិង្ហបុរី កាត់បន្ថយអត្រាការប្រាក់នៅខែមករាខាងមុខ ប៉ុន្តែអ្នកវិភាគលើកឡើងថា ធនាគារអាចនឹងរង់ចាំរហូតដល់ឆ្នាំ ២០២៥ ដោយរងចាំមើលការអនុវត្តគោលនយោបាយរបស់ប្រធានាធិបតីជាប់ឆ្នោតអាមេរិក លោក ដូណាល់ ត្រាំ។

អាជ្ញាធររូបិយវត្ថុ បានប្រកាសមិនផ្លាស់ប្ដូរអត្រាការប្រាក់កាលពីខែតុលា ទោះបីជាសេដ្ឋកិច្ចកើនឡើង ហើយអតិផរណាបានធ្លាក់ចុះក៏ដោយ។ កាលពីខែមុន ក្រសួងពាណិជ្ជកម្មសិង្ហបុរី បានបង្កើនការព្យាករកំណើនសេដ្ឋកិច្ចដល់ ៣,៥ ភាគរយ សម្រាប់ឆ្នាំ ២០២៤ ពីចន្លោះ ២-៣ ភាគរយ ក្នុងការព្យាករកាលពីលើកមុន៕