ព័ត៌មានអន្ដរជាតិ
មន្ត្រីរាប់សន្លឹកឆ្នោតព្រួយបារម្ភពីសុវត្ថិភាព និងការគំរាមកំហែងពីក្រុមបាតុករ ក្រោយមានការតវ៉ាជាបន្តបន្ទាប់
មន្ត្រីរាប់សន្លឹកឆ្នោតនៅក្នុងរដ្ឋជាច្រើនបាននិយាយកាលពីថ្ងៃព្រហស្បតិ៍ថា ពួកគេមានការព្រួយបារម្ភអំពីសុវត្ថិភាពរបស់បុគ្គលិករបស់ពួកគេ ចំពេលមានការគំរាមកំហែង និងការប្រមូលផ្តុំនៃក្រុមអ្នកតវ៉ាដែលមានការខឹងសម្បារនៅខាងក្រៅការិយាល័យរបស់ពួកគេ បន្ទាប់ពីការអះអាងគ្មានមូលដ្ឋានរបស់ប្រធានាធិបតី Donald Trump នៃការក្លែងបន្លំក្នុងការប្រកួតប្រជែងសម្រាប់តំណែងក្នុងសេតវិមាន ។
ក្រុមអ្នកគាំទ្រលោក Trump បានប្រមូលផ្ដុំគ្នានៅឯទីតាំងរាប់សន្លឹកឆ្នោតក្នុងទីក្រុង Phoenix ទីក្រុង Detroit និងទីក្រុង Philadelphia បន្ទាប់ពីការរាប់សន្លឹកឆ្នោតនោះបង្ហាញថា គណបក្សប្រជាធិបតេយ្យរបស់លោក Joe Biden កំពុងនាំមុខ ហើយអាចក្លាយជាប្រធានាធិបតី ។
ខណៈពេលដែលការតវ៉ាមិនមានអំពើហិង្សា ឬភាពចលាចលទ្រង់ទ្រាយធំ មន្រ្តីមូលដ្ឋានមានការព្រួយបារម្ភ និងគ្រោះថ្នាក់ណាមួយកើតឡើង បន្ទាប់ពីមានការតវ៉ាឥតឈប់ឈរ ។
អគ្គមេធាវីនៃរដ្ឋ Michigan លោកស្រី Dana Nessel បានសរសេរសារអង្វរថា “សូមបញ្ឈប់ការរំខាន ការតវ៉ា និងការគំរាមកំហែងដល់បុគ្គលិកយើងទៀតទៅ” ។
ចំណែករដ្ឋលេខាធិការរដ្ឋ Arizona លោកស្រី Katie Hobbs បាននិយាយនៅលើកញ្ចក់ទូរទស្សន៍ CNN ថាការព្រួយបារម្ភចម្បងរបស់លោកស្រីគឺសុវត្ថិភាពបុគ្គលិក ប៉ុន្តែមន្ត្រីប៉ូលិសកំពុងការពារ ។ លោកស្រីបាននិយាយថា ក្រុមអ្នកតវ៉ាកំពុងបង្កភាពយឺតយ៉ាវ និងរំខានក៏ដូចជារារាំងបុគ្គលិកទាំងនោះពីការបំពេញការងាររបស់ពួកគេ ។
កាលពីថ្ងៃព្រហស្បតិ៍អ្នកគាំទ្រលោក Trump ប្រហែល ១០០ នាក់បានប្រមូលផ្តុំគ្នានៅមុខមណ្ឌលបោះឆ្នោត Maricopa County ក្នុងទីក្រុង Phoenix ។
ចំណែកនៅរដ្ឋ Atlanta អ្នកគាំទ្រលោក Trump ប្រហែលជា ១០០ នាក់បានប្រមូលផ្តុំគ្នានៅខាងក្រៅទីលាន State Farm Arena របស់រដ្ឋ ខណៈសន្លឹកឆ្នោតកំពុងត្រូវបានគេរាប់ ។
រីឯនៅក្រុង Detroit អ្នកគាំទ្រលោក Trump ជាច្រើនបានប្រមូលផ្តុំគ្នានៅខាងក្រៅមជ្ឈមណ្ឌលសន្និបាតទីក្រុងនៅព្រឹកថ្ងៃព្រហស្បតិ៍ ខណៈដែលបុគ្គលិករៀបចំការបោះឆ្នោតរាប់សន្លឹកឆ្នោតអវត្តមាននៅខាងក្នុង ។ ក្រុមអ្នកតវ៉ាបានកាន់សញ្ញាណដែលសរសេរថា “បញ្ឈប់ការលួច” និង “បញ្ឈប់ការក្លែងបន្លំ” ជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ AP
ចុចអាន ៖ អតីតសមាជិកព្រឹទ្ធសភាគណបក្សសាធារណរដ្ឋ ថា ការលើកឡើងរបស់លោក Trump គឺគ្រោះថ្នាក់ណាស់
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង