សុខភាព
តើការចាក់វ៉ាក់សាំងដូសទី៣ នឹងត្រូវឃ្លាតយូរប៉ុណ្ណា ក្រោយចាក់ដូសទី២រួចរាល់?
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ០១ ខែសីហានេះ បានប្រកាសសម្រេចឱ្យចាក់វ៉ាក់សាំង ដូសទី៣ ទៅលើប្រជាជនកម្ពុជា ដោយយកវ៉ាក់សាំង AstraZeneca ជាដូសជំរុញ។
ដោយឡែកកាលពីដើមខែកក្កដាកន្លងទៅ លោកជំទាវបណ្ឌិត ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាលបានបង្ហើបអំពីគម្រោងចាក់វ៉ាក់សាំងដូសទី៣ ជូនដល់អ្នកដែលបានចាក់២ដូសរួចរាល់ផងដែរ។
ដូច្នេះ តើគួររក្សាគម្លាតរយៈពេលប៉ុនណា ទើបអាចចាក់ដូសទី៣បាន?
យោងតាមការចេញផ្សាយរបស់គេហទំព័រ healthlibrary.askapollo.com បានឱ្យដឹងថាចាក់វ៉ាក់សាំងដូសទី៣ ត្រូវការរយៈពេលចន្លោះពី ៦ ខែ ទៅ១ឆ្នាំ បន្ទាប់ពីដូសទី២រួចមក។
ទន្ទឹមនឹងនេះ អង្គការសុខភាពពិភពលោក(WHO) ក៏បានយល់ស្របដែរថា វ៉ាក់សាំងបង្ការកូវីដ-១៩ តម្រូវឱ្យចាក់ជាបន្តបន្ទាប់ ពោលគឺក្នុងរយៈពេលចន្លោះពី ៦ ខែទៅ ១ ឆ្នាំ ត្រូវចាក់ដូសទី៣ ឬទី៤ បន្ថែមទៀត។ ការចាក់វ៉ាក់សាំងបន្ថែមបែបនេះ ទើបអាចជួយបណ្តុះអង់ទីគ័រ ពង្រឹងប្រព័ន្ធស៊ាំឱ្យមានសមត្ថភាពប្រឆាំងវីរុសកាន់តែខ្លាំងទៅថ្ងៃអនាគត។
កាលពីដើមខែកក្កដា ក្រុមហ៊ុនផលិតវ៉ាក់សាំង Pfizer និង BioNTech បានចេញផ្សាយទិន្នន័យសិក្សារបស់ខ្លួនថា ការចាក់វ៉ាក់សាំងដូសទី៣ ក្រោយចាក់ដូសទី២ បានប្រហែល ៦ ខែ អាចជួយបង្កើនអង់ទីគ័រខ្ពស់ជាងការចាក់២ដូសដំបូង ពី៥ទៅ ១០ដងឯណោះ។ លទ្ធផលការសិក្សាបន្ថែមថា កម្រិតប្រសិទ្ធភាពនៃវ៉ាក់សាំងដូសទី៣ ក៏អាចការពារការចម្លងពីវីរុសបំប្លែង Delta (B.1.617.2) បានកាន់តែប្រសើរផងដែរ។
ចំណែក ប្រទេសកម្ពុជានៅមិនទាន់បញ្ជាក់ពីកាលបរិច្ឆេទច្បាស់លាស់នោះទេ។ ប៉ុន្តែ សម្ដេចតេជោ ហ៊ុន សែន បញ្ជាក់នៅព្រឹកនេះថាថា ការចាក់ដូសទី៣ ត្រូវផ្តោតទៅលើក្រុមជួរមុខដែលមានប្រមាណ ៥០ម៉ឺននាក់ ហើយពលរដ្ឋនឹងចាក់តាមក្រោយ៕
ប្រែសម្រួល៖ សន្យា
ចុចអាន៖ អ្នកស្រាវជ្រាវជឿថា ចាក់វ៉ាក់សាំងដូសទី៣ អាចបង្កើនភាពស៊ាំប្រឆាំងនឹងវីរុសបំប្លែងខ្លួន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ