សុខភាព
ប្លាស្មានៃឈាមអ្នកធ្លាប់កើតកូវីដ-១៩ អាចព្យាបាលជំងឺកូវីដបានលឿន
គ្នាយើងដឹងហើយថា ជំងឺកូវីដ-១៩ ជាជំងឺផ្លូវដង្ហើមស្រដៀងនឹងជំងឺផ្ដាសាយធម្មតាដែរ គ្រាន់តែវាមានភាពសាហាវ និងឆ្លងលឿនជាង ហើយក៏បណ្ដាលឲ្យយើងប្រឈមនឹងអត្រាស្លាប់ខ្ពស់ដែរ។ ទោះយ៉ាងណាក៏ដោយ ជំងឺកូវីដ-១៩ នៅតែអាចព្យាបាលជាសះស្បើយបាន ហើយក្នុងចំណោមការព្យាបាលជំងឺកូវីដ អ្នកជំនាញធ្លាប់បានប្រើប្លាស្មានៃឈាមអ្នកធ្លាប់កើតកូវីដ-១៩ ដើម្បីព្យាបាលអ្នកកើតកូវីដ-១៩ថ្មី។
រដ្ឋបាលចំណីអាហារ និងឱសថអាមេរិក (FDA) បានអនុញ្ញាតជាបន្ទាន់សម្រាប់ការព្យាបាលជំងឺកូវីដដោយប្រើប្លាស្មានៃឈាមអ្នកធ្លាប់កើតកូវីដ-១៩ដែលមានកម្រិតអង់ទីករខ្ពស់ ដើម្បីព្យាបាលជំងឺនេះ។ ចំពោះការព្យាបាលជំងឺកូវីដតាមវិធីនេះ ត្រូវបានធ្វើឡើងសម្រាប់អ្នកកើតកូវីដ-១៩ដែលមានប្រព័ន្ធការពាររាងកាយខ្សោយ។
ម៉្យាងវិញទៀត អ្នកស្រាវជ្រាវជឿជាក់ថា ហានិភ័យនៃការឆ្លងកូវីដ-១៩ពីការព្យាបាលជំងឺកូវីដដោយប្លាស្មារនៃឈាមអ្នកធ្លាប់ឆ្លងក៏មានភាគរយតិចបំផុត។ នេះមានន័យថា យើងមិនចាំបាច់ព្រួយបារម្ភពីការឆ្លងជំងឺកូវីដ-១៩ តែការព្យាបាលដោយប្លាស្មាក៏មានហានិភ័យតិចតូចដូចជា៖
- អាលែកហ្សី
- ប៉ះពាល់សួត ពិបាកដកដង្ហើម
- ឆ្លងមេរោគអេដស៍ និងជំងឺរលាកថ្លើមប្រភេទ B ឬ C
ប៉ុន្តែ ហានិភ័យដែលបានរៀបរាប់ខាងលើគឺមានភាគរយទាបមែនទែនដែលអាចកើតឡើង ពោលគឺវាកម្រនឹងកើតមានណាស់ ព្រោះរាល់ការបរិច្ចាគឈាមត្រូវធ្វើតេស្ដពិនិត្យជាមុនថាតើឈាមនោះមានផ្ទុកមេរោគអ្វីឬអត់ ដើម្បីសុវត្ថិភាព។
បន្ថែមពីលើនេះ ទិន្នន័យពីការសាកល្បងព្យាបាល និងការសិក្សាតាមកម្មវិធីជាតិមួយចំនួនក្នុងសហរដ្ឋអាមេរិកបានបង្ហាញឲ្យឃើញថា ប្លាស្មាមានកម្រិតអង់ទីករខ្ពស់អាចកាត់បន្ថយភាពធ្ងន់ធ្ងរ និងជួយឲ្យឆាប់ជាសះស្បើយពីជំងឺកូវីដ-១៩។ ទោះយ៉ាងនេះក្ដី ការស្រាវជ្រាវបន្ថែមនៅតែត្រូវធ្វើ ដើម្បីបញ្ជាក់ពីប្រសិទ្ធភាពនៃការប្រើប្លាស្មានៃឈាម ដើម្បីព្យាបាលជំងឺនេះ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ សង្កេតមើលខ្លួន! លក្ខខណ្ឌបែបណាដែលគ្រូពេទ្យចាត់ទុកថា ឆ្លងកូវីដស្រាល ឬធ្ងន់ត្រូវបំពាក់អុកស៊ីសែន
ចុចអាន៖ លម្អិតពីការគ្រប់គ្រង ឬប្រើប្រាស់ឱសថព្យាបាលអ្នកជំងឺកូវីដស្រាលតាមផ្ទះ និងកម្រិតមធ្យម
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង