សុខភាព

ផលប៉ះពាល់ និងមូលហេតុបណ្ដាលឲ្យត្អើក

បានផុស

៤ years មុន

នៅ

ថ្ងៃសៅរ៍ ២៧ សីហា ២០២២

ដោយ

ការត្អើកគឺជាការកន្ត្រាក់ដោយអចេតនានៃសាច់ដុំ ដែលរក្សាគម្លាតដើមទ្រូងពីពោះរបស់យើង ហើយវាមានសារៈសំខាន់ណាស់ក្នុងការដកដង្ហើម។ ពេលត្អើកម្ដងៗ វានឹងបិទកន្លែងសម្លេង របស់យើងទើបធ្វើឲ្យមានសម្លេង “ហ៊ីក”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការត្អើកអាចបណ្ដាលមកពីទទួលទានអាហារច្រើន សេពគ្រឿងស្រវឹងឬភេសជ្ជៈមានហ្គាស និងការរំភើបភ្លាមៗពេក។ ក្នុងករណីខ្លះ ត្អើកអាចជាសញ្ញានៃជំងឺមូលដ្ឋានមួយ សម្រាប់មនុស្សភាគច្រើនគេត្អើកតែពីរបីនាទីតែប៉ុណ្ណោះ កម្រមានអ្នកត្អើករាប់ខែណាស់ បើត្អើករាប់ខែនោះគាត់ប្រាកដមានបញ្ហា ឬស្រកទម្ងន់និងអស់កម្លាំងជាមិនខាន។

មូលហេតុនៃការត្អើករយៈពេលតិចជាង ៤៨ម៉ោងមានដូចជា៖

– ទទួលទានភេសជ្ជៈមានជាតិហ្គាស ឬសារធាតុកាបូណាត

– សេពគ្រឿងស្រវឹងច្រើនជ្រុល

– ទទួលទានអាហារច្រើនពេក

– រំភើប ឬ ស្ត្រេស

– សីតុណ្ហភាពផ្លាស់ប្ដូរភ្លាមៗ

– លេបខ្យល់អំឡុងពេលទំពាស្ករកៅស៊ូ ឬ បៀមស្ករគ្រាប់។

ចំណែកមូលហេតុនៃការត្អើករយៈពេលយូរលើស ៤៨ម៉ោងមានដូចជា៖

– មានរោម ឬ អ្វីមួយកំពុងប៉ះក្រដាស់ត្រចៀករបស់យើង

– មានដុំសាច់ ដុំពក ឬពកក

– ច្រាលឧស្ម័នពីក្រពះពោះវៀន

– ឈឺបំពង់ក ឬរលាកបំពង់ក

– ជំងឺនៃប្រព័ន្ធសរសៃប្រសាទកណ្ដាល

– ការសេពគ្រឿងស្រវឹង

– ការប្រើថ្នាំសន្លប់

– ជំងឺទឹកនោមផ្អែម

– អតុល្យភាពអេឡិចត្រូលីត

– ខូចក្រលៀន

– ប្រើថ្នាំស្តេរ៉ូអ៊ីត។

ជាក់ស្ដែងផលប៉ះពាល់នៃការត្អើករយៈពេលយូរមានដូចជា៖

– ជំងឺរលាកខួរក្បាល

– ជំងឺរលាកស្រោមខួរ

– ជំងឺក្រិនច្រើនកន្លែង

– ជំងឺដាច់សរសៃឈាមខួរក្បាល

– របួសខួរក្បាល

– ដុំសាច់

– ជំងឺមេតាប៉ូលីសនិងថ្នាំ

ដូច្នេះប្រសិនបើអ្នកត្អើកលើសពីរថ្ងៃឬមានអាការដូចការរៀនរាប់ខាងលើសូមប្រញាប់ទៅពិគ្រោះ និងទទួលការព្យាបាលពីគ្រូពេទ្យជំនាញជាបន្ទាន់ព្រោះវាអាចរំខានដល់ដំណេក ការទទួលទានអាហារ និងដំណកដង្ហើមរបស់អ្នក៕

ប្រែសម្រួល៖ វារី

ចុចអាន៖ជំងឺកាមរោគទាំង ៤ នេះ ចេញរោគសញ្ញាតិចតួច ឬគ្មានរោគសញ្ញា