អាហារ ៩ ប្រភេទ ជួយឲ្យរាងកាយមានក្លិនប្រសើរជាងមុន

ការសិក្សាមួយរបស់ “សាកលវិទ្យាល័យកាលីហ្វ័រញ៉ា” បញ្ជាក់ថាយើងទាំងអស់គ្នាសុទ្ធតែមានក្លិនផ្ទាល់ខ្លួនរៀងៗខ្លួន ដែលត្រូវបានកំណត់ដោយហ្សែន សុខភាព អនាម័យផ្ទាល់ខ្លួន និងរបបអាហាររបស់យើងផងដែរ។

ខាងក្រោមនេះគឺជាអាហារដែលណែនាំដោយអ្នកវិទ្យាសាស្ត្រ ជួយធ្វើឲ្យក្លិនខ្លួនរបស់មនុស្សល្អជាងមុន៖

១. ផ្លែប៉ោម

ផ្លែប៉ោមជួយប្រឆាំងបាក់តេរីដែលបង្កក្លិនមាត់មិនល្អ និងធ្វើសកម្មភាពដូចជាថ្នាំបន្សាបក្លិនមាត់។ ផ្លែ​ប៉ោម​​ជួយ​ការពារ​ការ​កកើត​នៃ​បាក់តេរី​ផ្សេង​ទៀត​ដែល​បង្កដោយ​​អាហារ​ផងដែរ។

២. ផ្លែក្រូចគ្រប់ប្រភេទ

រាងកាយស្រូបយកនិងបញ្ចេញក្លិនធម្មជាតិពីផ្លែក្រូចដូចជា ក្រូច ក្រូចឆ្មា និងម្នាស់ ដែលធ្វើឱ្យអ្នកមានក្លិនស្រស់ចេញពីស្បែករបស់អ្នកតែម្ដង។ លើសពីនេះអាស៊ីតនៅក្នុងផ្លែឈើទាំងនេះជួយបណ្ដេញជាតិពុលដែលបណ្តាលឱ្យមានក្លិនមិនល្អចេញពីរាងកាយ។

៣. ត្រីសាច់ស

ត្រីគឺជាសាច់សំខាន់មួយក្នុងរបបអាហារ ប៉ុន្តែអ្នកគួរងាកមកបរិភោគត្រីឆ្អិនសាច់សជាជាងត្រីសាច់ក្រហមព្រោះត្រីសាច់មានពណ៌អាចបង្កក្លិនខ្លួន ចំណែកត្រីសាច់សវាមិនបង្កក្លិនអ្វីឡើយ។

៤. យ៉ាអួរ

យ៉ាអួរជាអាហារល្បីមានអត្ថប្រយោជន៍ចំពោះប្រព័ន្ធរំលាយអាហារ ថែមទាំងជួយបន្សាបក្លិនដែលបណ្តាលឱ្យមានសមាសធាតុស្ពាន់ធ័រនៅក្នុងខ្លួនរបស់អ្នក។ បាក់តេរីល្អដែលមាននៅក្នុងទឹកដោះគោជូរជួយកម្ចាត់ជាតិពុលនៅក្នុងប្រព័ន្ធរាងកាយ និងជួយបន្សាបក្លិនដែលបង្កឱ្យមានបាក់តេរី។

៥. តែបៃតង

តែបៃតងផ្ទុក catechins និងpolyphenols ដែលជាសារធាតុប្រឆាំងអុកស៉ីតកម្ម មិនឲ្យបង្កក្លិនអាក្រក់។ លើសពីនេះវាមានផ្ទុក tannins ជួយឲ្យជើងស្ងួតមិនស្អុយដោយសារញើសផងដែរ។

៦. បន្លែ celery

ការទំពារដើម celery បណ្តាលឱ្យមានការបញ្ចេញសារធាតុ androstenone និង androstenol នៅក្នុងមាត់របស់អ្នក។ សកម្មភាពនេះធ្វើឱ្យរាងកាយរបស់អ្នកបញ្ជូនសារធាតុ pheromone ចេញពីរាងកាយជួយទាក់ទាញមនុស្សស្រីយ៉ាងមានប្រសិទ្ធិភាព។

៧. គ្រាប់ fennel  

វាមិនត្រឹមតែកម្ចាត់បាក់តេរីដែលបង្កក្លិនមិនល្អនៅក្នុងមាត់ប៉ុណ្ណោះទេ ថែមទាំងមានប្រសិទ្ធិភាពលាងសម្អាតបាក់តេរីអាក្រក់ និងជំនួយក្នុងការរំលាយអាហារផងដែរ។

៨. ទឹកជាមួយក្រូចឆ្មា

ក្រូចឆ្មាមានជាតិអាស៉ីតដែលជួយប្រឆាំងអុកស៉ីតកម្មនិងបន្សាបជាតិពុលនៅក្នុងខ្លួន ជាដៃគូល្អបំផុតជាមួយទឹកដែលជួយបណ្ដេញជាតិពុលពីរាងកាយ។

៩. cardamom និង cinnamon 

ពួកវាទាំងពីត្រូវគេស្គាល់ថាជួយឲ្យក្លិនមាត់ប្រហើរឈ្ងុយជាងមុន ជាពិសេសជួយឲ្យក្លិនរាងកាយប្រសើរឡើងដូចគ្នា។

ក្រៅពីចំណីអាហារល្អៗ រាងកាយអ្នកក៏ត្រូវការលំហាត់ប្រាណជាប្រចាំដូចគ្នា ដូច្នេះហើយកុំភ្លេចចំណាយពេលបន្តិចបន្តួចរៀងរាល់ថ្ងៃដើម្បីសុខភាពល្អរាងកាយរឹងមាំ៕

ប្រែសម្រួលដោយ៖ វារី

ចុចអាន៖ តិចនិកជួយរក្សាក្លិនខ្លួន ឲ្យក្រអូបប្រហើរបានពេញមួយថ្ងៃ