ការសិក្សារកឃើញថា ហិតក្លិនញើសគ្នា អាចជួយព្យាបាលជំងឺថប់បារម្ភ

ការសិក្សាថ្មីបង្ហាញថា ការប្រើសតិបញ្ញាធ្វើជាវិធីព្យាបាលជំងឺថប់បារម្ភអាចបង្កើននូវប្រសិទ្ធភាពទ្វេដង បើអ្នកជំងឺហិតក្លិនញើសក្នុងអំឡុងពេលព្យាបាល ។

អ្នកស្រាវជ្រាវបានយកញើសក្លៀកពីជនស្ម័គ្រចិត្តជាច្រើនដើម្បីប្រើក្នុងដំណើរការព្យាបាលជំងឺថប់បារម្ភ ហើយការពិសោធន៍នោះពិតជាបង្ហាញលទ្ធផលមិនគួរឲ្យជឿមែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាខាងលើមានស្ត្រី ៤៨ នាក់ចូលរួមដែលពួកគេមានជំងឺថប់បារម្ភគ្រប់គ្នា អ្នកខ្លះទទួលការព្យាបាលក្នុងបរិយាកាសស្រស់ថ្លា និងមួយចំនួនទៀតទទួលការព្យាបាលដោយហិតក្លិនញើសអ្នកដទៃ ។

លទ្ធផលបង្ហាញថាស្ត្រីដែលទទួលការព្យាបាលក្នុងបរិយាកាសស្រស់ថ្លាអារម្មណ៍ធុញថប់ធ្លាក់បាន ១៧ ភាគរយ ចំណែកស្ត្រីដែលបានហិតក្លិនញើសអារម្មណ៍ធុញថប់ធ្លាប់ដល់ទៅ ៣៩ ភាគរយឯណោះ ។

អ្នកស្រាវជ្រាវជឿថាញើសមនុស្សប្រាកដជាមានអ្វីពិសេសម្យ៉ាងហើយ យ៉ាងណាគេនៅត្រូវការការពិសោធន៍ជាច្រើនទៀតដើម្បីបញ្ជាក់ពីរឿងនេះ ។

អ្នកដឹកនាំការស្រាវជ្រាវ Elisa Vigna មកពីវិទ្យាស្ថាន Karolinska នៃ Sweden និយាយថាក្រុមការងាររបស់នាងមានការភ្ញាក់ផ្អើលគួរសមជាមួយដំណើរការហិតញើស ។

សូមជម្រាបថា ជំងឺថប់បារម្ភគឺជាជំងឺផ្លូវចិត្តដែលធ្វើឲ្យមនុស្សមានអារម្មណ៍ភ័យព្រួយ ឬរងសម្ពាធ ដោយសារបរិយាកាសជុំវិញខ្លួន និងអាចឈានដល់ពិបាកដកដង្ហើមភ្លាមៗទៀតផង ៕

ប្រភព ៖ Skynews

ចុចអាន ៖ អាហារ ៨ ប្រភេទ បង្កក្លិនខ្លួនមិនល្អបំផ្លាញភាពជឿជាក់