សុខភាព
៣ចំណុចក្រើនរំឭកបន្ថែមពីការលាងដៃការពារកុំឲ្យឆ្លងកូវីដ-១៩
ការលាងសម្អាតដៃបានស្អាត ជាវិធានការសំខាន់មួយក្នុងចំណោមវិធានការសំខាន់ៗមួយចំនួនទៀត ដើម្បីចៀសវាងពីការឆ្លងមេរោគផ្លូវដង្ហើម COVID-19។ ទន្ទឹមនឹងការណែនាំឱ្យលាងសម្អាតដៃឱ្យបានស្អាតល្អ ដែលប្រើពេលម្តងប្រមាណ៤០វិនាទី អ្នកជំនាញសុខាភិបាល ក៏បានរំលឹកចំណុចមួយចំនួនបន្ថែម ដើម្បីបង្កើនប្រសិទ្ធិភាពដល់វិធានការការពារ។
លាងដៃ ដោយប្រើទឹកស្អាតថ្មី
ជារឿងល្អបំផុត ដែលយើងមានទឹកស្អាតថ្មីៗចេញពីរូប៊ីណេ សម្រាប់លាងសម្អាតដៃ។ ដោយឡែក ការលាងសម្អាតដៃ នឹងទឹកទុកចោលយូរក្នុងធុង ឬទឹកក្នុងចានដែកដាក់នៅទីវាល ដែលក្នុងទឹកនោះអាចនៅមានមេរោគមួយចំនួននៅជាប់នៅទីនោះ ដែលអាចបង្កទុក្ខទោសបាននៅពេលយើងលាងដៃមិនបានស្អាត។ យ៉ាងណាមិញ បើយើងពុំមានជម្រើសច្រើន ការលាងសម្អាតដៃ នៅតែជាជម្រើសប្រសើរ ដោយប្រើសាប៊ូសម្រាប់លាងឱ្យបានស្អាតល្អ។
គួរចៀសវាង ប៉ះពាល់វត្ថុមួយចំនួននៅទីសាធារណៈ
ចៀសវាងប៉ះផ្ទាល់លើ ដៃទ្វារ ដៃចុចទឹកក្នុងបង្គន់សាធារណៈ ឬក្បាលចុចទឹករូប៊ីណេ ព្រោះវត្ថុទាំងនោះក៏នឹងនៅជាប់មេរោគដែលយើងមិនអាចមើលនឹងភ្នែកឃើញ។ អាចប្រើកន្សែង កំណាត់ជូត ស្រោមដៃ កែងដៃ ឬវិធីងាយស្រួលណាមួយសម្រាប់យើង ដែលអាចចៀសវាងការប្រើម្រាមដៃប៉ះពាល់លើវត្ថុទាំងនោះ ដើម្បីបង្ការការភ្លេចខ្លួន យកម្រាមដៃប៉ះពាល់ភ្នែក ច្រមុះ មាត់ដោយចៃដន្យ។
ចៀសវាង ការដាក់ទឹកសម្រាប់លាងសម្អាតដៃ ក្បែរក្មេងៗ
ទឹកសម្រាប់លាងសម្អាតដៃ ក្នុងដបផ្សេងៗ ដោយពុំបានប្រាប់ដល់ក្មេងៗបានត្រឹមត្រូវ មិនថាក្មេងៗនៅជាមួយយើង ឬក្មេងៗមកខាងក្រៅ អាចជារឿងគ្រោះថ្នាក់ព្រោះអាចប៉ះពាល់ខ្លាំងដល់ក្មេង បើសិនបើក្មេងៗច្រឡំលេប ឬផឹក។ ដូចនេះ ជាការប្រុងប្រយ័ត្នខ្ពស់ គួរគប្បីកុំទុក ទឹកលាងដៃ ឬអាល់កុលក្បែរដៃកូនក្មេង។
ជាការក្រើនរំលឹកចុងក្រោយ អ្នកជំនាញសុខភិបាលជាច្រើនបានណែនាំ ឱ្យលាងសម្អាតដៃឱ្យបានស្អាតល្អ ពោលគឺប្រើពេលម្តងយ៉ាងតិច៤០វិនាទី ដើម្បីលាងសម្អាតគ្រប់លើប្រអប់ដៃ៕
អត្ថបទផ្ដល់សិទ្ធ៖ Hello គ្រូពេទ្យ
ចុចអាន៖ កុំចាញ់បោក! កន្សែងសើមមិនអាចសម្លាប់កូវីដ-១៩បានទេ
ចុចអាន៖ យល់ដឹង! ប្រើអាល់កុលខុសបច្ចេកទេសអាចបង្កើនហានិភ័យដល់ស្បែក
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត