KPT+

ឧបករណ៍តេស្តរួចជាសំរាមឆ្លង កុំបោះចោលផ្ដេសផ្ដាស ប្រយ័ត្នរាលដាលវីរុសដល់អ្នកជុំវិញ

បានផុស

៤ years មុន

នៅ

ថ្ងៃព្រហស្បតិ៍ ២ កញ្ញា ២០២១

ដោយ

បន្ទាប់ពីទទួលបានការអនុញ្ញាតឲ្យធ្វើតេស្តរកមេរោគកូវីដ -១៩ តាមរយៈឧបករណ៍ធ្វើតេស្តរហ័សដោយខ្លួនឯងនៅផ្ទះ វាក្លាយជារឿងងាយស្រួល ក្នុងការធ្វើតេស្តរកមេរោគនេះ ហើយក៏មិនបាច់ប្រថុយប្រជ្រៀតជាមួយហ្វូងមនុស្សដូចមុនទេ។

ប៉ុន្តែតើអ្នកដឹងទេថា ឧបករណ៍តេស្តនេះ បន្ទាប់ពីប្រើរួចនឹងក្លាយជា“ សំរាមឆ្លង”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុសាសន៍ ៣ ជំហានងាយៗ ដើម្បីអនុវត្ត បន្ទាប់ពីប្រើឧបករណ៍តេស្តរហ័សរួចរាល់។

ខាងក្រោមនេះ ជារបៀបបោះចោលឧបករណ៍តេស្តរហ័សតាមវិធីត្រឹមត្រូវ មុនចាកចេញពីជំងឺ ៖

១ សម្លាប់មេរោគ

បន្ទាប់ពីយើងបានបញ្ចប់ការធ្វើតេស្តរកមេរោគកូវីដតាមរយៈ អង់ទីហ្សែន Rapid Test ឬ អង់ទីហ្សែន SD Biosensor ទោះបីជាម៉ាស៊ីនបង្ហាញថា យើងមានសុវត្ថិភាពឬរកឃើញមានឬអត់ក៏ដោយ មុននឹងដាក់វាចូលក្នុងថង់សំរាម ត្រូវតែសម្លាប់មេរោគជាមួយអាល់កុលឬសារធាតុ bleach ជាមុនសិន ដើម្បីបង្កើតការជឿជាក់លើភាពស្អាត មុននឹងទៅដល់ដៃអ្នកប្រមូលសំរាម។

២ ដាក់ដោយឡែកពីគ្នា

សូម្បីតែយើងបានបាញ់អាកុលលើឧបករណ៍តេស្តរួច និងបានប្រាកដចិត្តថាវាគ្មានមេរោគ ប៉ុន្តែវាមិនមែនត្រូវបានគេចាត់ទុកថាជាកាកសំណល់ទូទៅឡើយ។ ការបោះចោលទៅក្នុងធុងសំរាមតែមួយ ជាមួយសំណល់ក្រដាស សំណល់អាហារ បើទោះបីគ្មានមេរោគឬស្អាតប៉ុណ្ណាក៏ដោយ វានៅតែជាឧបករណ៍ដែលមានមេរោគ។

បន្ទាប់ពីប្រើរួច សូមដាក់វានៅថង់មួយដាច់ដោយឡែកផ្សេងគ្នា ហើយចង់មាត់ថង់ឲ្យជាប់បានល្អ។ សរសេរនៅផ្នែកខាងមុខនៃថង់នោះថា ជា“ កាកសំណល់ឆ្លង” ហើយបន្ទាប់មក ដាក់វាដោយឡែកពីគ្នានៅកន្លែងប្រមូលសំរាមទូទៅ។ យកមកទម្លាក់នៅក្នុងធុងសំរាម ដែលកំណត់ជាពិសេស សម្រាប់កាកសំណល់ឆ្លង។

៣ លាងសម្អាតដៃរបស់អ្នក

បន្ទាប់ពីបញ្ចប់បេសកកម្មដើម្បីធ្វើតេស្តរកមេរោគហើយ បោះវាចោលក្នុងធុងសំរាមឆ្លង ពេលត្រលប់មកផ្ទះវិញ សូមលាងដៃរបស់អ្នកភ្លាមៗ ជាមួយសាប៊ូនិងទឹក។

កូវីដ ១៩ គឺជាជំងឺដ៏គ្រោះថ្នាក់ ដែលមនុស្សគ្រប់រូបមិនចង់ជួបឡើយ។ ដូច្នេះមនុស្សដែលមិនមានកិច្ចការសំខាន់ត្រូវចេញក្រៅ សូមនៅផ្ទះ ហើយកាត់បន្ថយការជួបមនុស្សដើម្បីសុវត្ថិភាព៕

ប្រែសម្រួល៖ សាង ស្រីល័ក្ខ

ចុចអាន៖ធ្វើតេស្តរហ័សរកកូវីដដោយខ្លួនឯង ចុះក្នុងករណីវិជ្ជមានគួរធ្វើយ៉ាងម៉េច?

ចុចអាន៖ឧបករណ៍តេស្តរហ័ស ២ ប្រភេទ ទុកដាក់មិនស្រួលអាចបាត់បង់គុណភាពនិងប្រសិទ្ធភាព ខាតលុយចោលទទេ

ចុចអាន៖មិនចង់ក្លាយជាអ្នកចម្លងទៅអ្នកផ្សេង មកដឹងពីរបៀបទុកដាក់សំរាមរបស់អ្នកជំងឺកូវីដតាមផ្ទះ

Related Topics: