KPT+
រូបមន្តឈ្នះចិត្តម្ដាយក្មេក ឱ្យស្រឡាញ់អ្នកដូចកូនបង្កើត
លើលោកនេះមិនមែនរូបមន្តទិព្វពីឋានលើឯណានោះទេ តែរូបមន្តនោះគឺស្ថិតនៅលើសណ្ដានចិត្ត និងសកម្មភាពល្អៗនេះឯង។ មនុស្សមិនល្អយ៉ាងណា ក៏គង់ចាញ់ក្រោមទង្វើល្អ ស្មោះត្រង់ និងទឹកចិត្តប្រពៃ។ ម្ដាយក្មេកចិត្តរឹង ក៏គង់ងាកមកស្រឡាញ់អ្នកដូចកូនបង្កើត បើសិនអ្នកអាចធ្វើបានប៉ុន្មានចំណុចនេះ។
១. ចាត់ទុកគាត់ដូចម្ដាយខ្លួន
ជាម្ដាយរបស់ស្វាមី ប្រៀបបីដូចម្ដាយខ្លួនដែរ គួរចេះគោរពស្រឡាញ់ និងប្រណិប័ត ស្មើព្រះកន្លោង។ បើអ្នកហៅគាត់ថា ម្ដាយប្ដី ឬ ម្ដាយបងឯង មិនខុសអីដែលអ្នកចាត់ទុកគាត់ជាម្ដាយអ្នកដទៃអ៊ីចឹងដែរ។
ដូច្នេះ កុំមានការបែងចែក គួរតែចេះគោរព និងយកចិត្តទុកដាក់ចំពោះម្តាយក្មេកដូចម្តាយបង្កើត ទើបធ្វើឲ្យគាត់រំភើបចិត្ត ហើយស្រឡាញ់អ្នកខ្លាំង។
២. ជួយយកអាសារ
ជួយយកអាសារជារូបមន្តឈ្នះចិត្តមនុស្សស្ទើរគ្រប់សណ្ឋាន។ មិនមានកូនប្រសាឯណាឱ្យម្ដាយក្មេក ដាំស្ល បម្រើនោះទេ។ ទោះចេះ ឬមិនចេះ គួរជួយកិច្ចការតាមដែលអាចធ្វើបាន និងរៀនសូត្រពីគាត់ឱ្យបានច្រើន។ កុំធ្វើជាមនុស្សសម័យថ្មីដែលអត់ចិត្ត សូម្បីលាងចានឆ្នាំងក៏ធ្វើមិនកើត។ នៅផ្ទះខ្លួនឯងក៏ដោយ នៅខាងប្ដីក៏ដោយ រៀនធ្វើការងារផ្ទះ កុំនៅស្ងៀម ទើបអ្នកមានក្រេឌីតខ្ពស់។
៣. មិននិយាយដើមម្ដាយក្មេក
ម្ដាយក្មេក ជាមនុស្សបែបណាក៏ដោយ ហាមនិយាយដើមដាច់ខាត ឬយករឿងគាត់ទៅនិយាយប្រាប់អ្នកដទៃ ព្រោះអាចធ្វើឲ្យគាត់មិនសប្បាយចិត្ត ឬខឹងសម្បារទៀតផង។ បើគាត់មិនល្អ ត្រូវចេះខ្ទប់មាត់ តែបើគាត់ជាម្ដាយក្មេកល្អ ត្រូវចេះជំនួសដោយពាក្យសរសើរ។
៤. ជូនអំណោយខ្លះ
ជូនអំណោយមិនមែនជូនសំណូកទេ ត្រូវយល់ត្រង់ណេះ។ គ្មាននរណាមិនសប្បាយចិត្តនឹងអំណោយនោះទេ ទោះតិចតួចក៏ដោយ វាបញ្ជាក់ពីការមានចិត្តមានថ្លើម។ អ្នកខ្លះយល់ថា ជូនអំណោយ គឺអែបអប តែខុសស្រឡះហើយ ព្រោះវាជាទឹកចិត្តទៅវិញទេ។ អំណោយជាវត្ថុក្ដី ថវិកាក្ដី ក្នុងឱកាសពិសេសនានា មិនគួរអាក់ខាននោះទេ បែបនេះទើបម្ដាយក្មេកទទួលអារម្មណ៍ថា អ្នកយកចិត្តទុកដាក់ជាមួយមនុស្សចាស់៕
ប្រែសម្រួល៖ សន្យា
ចុចអាន៖ បានម្តាយក្មេកដែលមាន៥ ចំណុចនេះកូនប្រសាជាមនុស្សមានសំណាងបំផុត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង