បង្ហាញ​មុខ​កំពូល​មហាសេដ្ឋី ៥ រូប​របស់​កូរ៉េ​ខាងត្បូង

ទាំងនេះ​ជា​មហាសេដ្ឋីទាំង ៥ រូបរបស់កូរ៉េខាងត្បូងដែលបាន​មក​ពីទស្សនាវដ្ដី Forbes៖

១ លោក Lee Kun-hee

លោក Lee Kun-hee ជានាយកក្រុមហ៊ុន​ផលិត​គ្រឿង​អេឡិចត្រូនិក​ធំ​ជាងគេ​របស់​កូរ៉េ​ខាងត្បូង គឺ​សាមសុងគ្រុប (Samsung Group)។ ក្រុមហ៊ុន​យក្ស​នេះ​មិនត្រឹម​តែ​ផលិតគ្រឿង​អេឡិចត្រូនិក​ដូចជា សម្ភារ​ផ្ទះ​ទំនើបៗ កុំព្យូទ័រ ទូរសព្ទ ទូរទស្សន៍​ប៉ុណ្ណោះ​ទេ តែ​បូករួមជាមួយ ម៉ូដ​សំលៀកបំពាក់ សួន​កម្សាន្ត និង​ធានារ៉ាប់រង​ផងដែរ។

បច្ចុប្បន្ន​មហាសេដ្ឋី​វ័យ ៧៨ ឆ្នាំ រូបនេះ​មាន​ទ្រព្យសម្បត្តិ​សរុប​ប្រមាណ  ១៧.៣ ពាន់លាន​ដុល្លារ។

២ លោក Seo Jung-jin

លោក Seo Jung-jin ជា​សហស្ថាបនិក​ក្រុមហ៊ុន Celltrion ដែល​ជា​ក្រុមហ៊ុន​ផលិត​ឱសថ​ព្យាបាល​ជំងឺ​មហារីក គ្រុន​ផ្ដាសាយ និង​ជំងឺ​រលាក​សន្លាក់​រ៉ាំរ៉ៃ ។ កាល​ពី​ខែ​មករា ដើម​ឆ្នាំ បុរស​វ័យ ៦២ ឆ្នាំ​រូប​នេះ បាន​ប្រកាស​ចុះចេញ​ពី​តំណែង​ប្រធាន​ក្រុមហ៊ុន Celltrion និង​ចូល​និវត្តន៍​នៅ​ដំណាច់​ឆ្នាំ ២០២០។

បច្ចុប្បន្នមហាសេដ្ឋីទី២ របស់កូរ៉េខាងត្បូងរូប​នេះ​មាន​ទ្រព្យសម្បត្តិ​សរុបប្រមាណ  ១១.៨ ពាន់លាន​ដុល្លារ។

៣ លោក Kim Jung-ju

លោក Kim Jung-ju ជាស្ថាបនិកនិងជាប្រធានក្រុមហ៊ុនហ្គេមអនឡាញរបស់កូរ៉េ​ខាងត្បូង​ឈ្មោះ Nexon ។បច្ចុប្បន្ន​មហាសេដ្ឋី​វ័យ ៥២ ឆ្នាំ រូប​នេះ មាន​ទ្រព្យសម្បត្តិ​សរុបប្រមាណ ៩.៣ ពាន់លាន​ដុល្លារ។

៤ លោក Jay Y. Lee

លោក Jay Y. Lee ជានាយករងក្រុមហ៊ុនសាមសុងអេឡិចត្រូនិក និងជាអ្នកស្នងមរតក​បន្ទាប់​របស់​ក្រុមហ៊ុន​ដ៏​ធំបំផុតនេះ។ មហាសេដ្ឋីវ័យ ៥១ ឆ្នាំលោក Jay Y. Lee បានក្លាយ​ជា​ប្រធាន​ក្រុមហ៊ុន​អេឡិចត្រូនិក​សាមសុងក្នុងឆ្នាំ ២០១០ និងត្រូវបានតែងតាំងជានាយករងក្នុងឆ្នាំ ២០១២ ។ ​

បច្ចុប្បន្ន​មហាសេដ្ឋីទី ៤ រូបនេះ មាន​ទ្រព្យសម្បត្តិ​សរុបប្រមាណ ៦.៥ ពាន់លានដុល្លារ។

៥ លោក Mong-Koo Chung

លោក Mong-Koo Chung ជានាយកក្រុមហ៊ុន Hyundai Motor ដែលជាក្រុមហ៊ុនផលិត​រថយន្តធំ​ជាងគេ​បង្អស់របស់កូរ៉េខាងត្បូងរយៈពេលជាង ២០ ឆ្នាំមកហើយ។ លោកជាកូនប្រុសទី ២ របស់ស្ថាបនិកក្រុមហ៊ុន Hyundai Group លោក Chung Ju-yung ។

បច្ចុប្បន្នមហាសេដ្ឋីវ័យ ៨២ ឆ្នាំរូបនេះ មានទ្រព្យសម្បត្តិសរុបប្រមាណ ៣.៤ ពាន់លានដុល្លារ។

ប្រែសម្រួល៖ សន្យា

ប្រភព៖ Forbes

ចុចអាន៖ក្លាយ​ជា​សេដ្ឋីនីក្នុងវ័យ​ ២៤ ឆ្នាំ តើតារា​សម្ដែង Zendaya បង្កើតវាយ៉ាងម៉េច?

ចុចអាន៖មេរៀនជីវិតក្នុងវិស័យសិល្បៈរបស់តារាចម្រៀងរ៉េប Nipsey Hussle