KPT+
ឱកាសល្អនៅខេត្តកំពង់ស្ពឺ កម្មវិធីពិព័ណ៌សៀវភៅដ៏ធំលើកទី១ មានកម្មវិធីពិសេសៗជាច្រើន
ក្រុមការងារ សៀវភៅមួយ សហគមន៍មួយ គ្រោងបើកសម្ពោធជាផ្លូវការនៃ កម្មវិធីសៀវភៅមួយ សហគមន៍មួយ (One book One community) នៅទាំង ២៥ រាជធានីខេត្ត ក្នុងប្រទេសកម្ពុជា ដោយចាប់ផ្ដើមដំបូងនៅ ខេត្តកំពងស្ពឺ នៅថ្ងៃទី១៣ ខែមករា ឆ្នាំ២០២៣នេះ។
យុទ្ធនាការ “សៀវភៅមួយ សហគមន៍មួយ One Book One Community” ប្រារព្ធនៅទីប្រជុំជន នៃខេត្តកំពង់ស្ពឺ នៅថ្ងៃទី១៣ ១៤ ១៥ ខែមករា ឆ្នាំ២០២៣ ចាប់ពីម៉ោង៨ព្រឹកតទៅ នៅបណ្ណាល័យខេត្តកំពងស្ពឺ ខេត្តកំពងស្ពឺ។
ក្នុងនោះរួមមានកម្មវិធីពិសេសមួយចំនួនដូចជា ការប្រកួតប្រជែងការអាន, កម្មវិធីចែកសៀវភៅ, បណ្ណាល័យចល័ត និងការតាំងបង្ហាញផ្សព្វផ្សាយលក់សៀវភៅពីបណ្តាអ្នកនិពន្ធ និងគ្រឹះស្ថានបោះពុម្ពផ្សាយជាច្រើនទៀត។ នៅក្នុងកម្មវិធីបើកសម្ពោធគម្រោងសៀវភៅមួយ សហគមន៍មួយ ក៏មានកម្មវិធីចែកសៀវភៅ Free Free ផងដែរ។
យុទ្ធនាការ ថែមទាំងមានកម្មវិធី ចែករំលែក និងពិភាក្សាស្តីពី ការជ្រើសរើសមុខវិជ្ជាសិក្សានៅមហាវិទ្យាល័យ និងការតម្រង់ទិសការងារ, គន្លឹះក្នុងការកំណត់គោលដៅជីវិត, ភាពជាអ្នកដឹកនាំខ្លួនឯង និងភាពជាយុវជនឆ្នើម, សៀវភៅប្ដូរផ្លុវជីវិត និងផ្នត់គំនិតដែលផ្លាស់ប្ដូរជីវិត ដោយមានវាគ្មិនជំនាញៗជាច្រើនចូលរួមបកស្រាយ។
លោក សុខ ឡាក់ ប្រធាន កម្មវិធីអភិវឌ្ឍន៍បណ្ណាល័យ បានឱ្យ “កម្ពុជាថ្មី” ដឹងថា គោលបំណងសំខាន់របស់កម្មវិធី គឺផ្ដោតលើការរៃអង្គាសមូលនិធិ ដើម្បីទ្រទ្រង់ដល់ការអប់រំ និងកម្មវិធីបណ្ដុះទន្លាប់ការអាន ដោយផ្ដល់ជូនជាសៀវភៅចំនួន ២៥ ០០០ ក្បាល សម្រាប់យុវជន និងប្រជាពលរដ្ឋទូទៅនៅក្នុងប្រទេសកម្ពុជា, បង្កើនការយល់ដឹងបន្ថែមពីវប្បធម៌អានសៀវភៅ និងសង្គមពុទ្ធិ ចូលរួមគាំទ្របណ្ណាល័យនៅតាមសហគមន៍ កសាងសមត្ថភាពធនធានមនុស្សចាប់ពីថ្នាក់មូលដ្ឋាន និងផ្ដល់ឱកាសឱ្យពួកគេទទួលបាននូវជីវភាពដែលល្អប្រសើរ និងអាចបន្តការសិក្សានៅក្រៅប្រទេស។
លោក សុខ ឡាក់ លើកឡើងថា វប្បធម៌អាន ពិតជាមានសារៈសំខាន់ក្នុងការជំរុញគុណភាពធនធានមនុស្ស និងការអភិវឌ្ឍន៍សង្គមជាតិ។ សង្គមដែលខ្វះវប្បធម៌អាន នឹងបង្កើនថ្លៃដើមផលិតកម្ម និងហានិភ័យសង្គម។ លោក អំពាវនាវប្រជាពលរដ្ឋទាំងអស់ចូលរួម យុទ្ធនាការ សៀវភៅមួយ សហគមន៍មួយ ទាំងអស់គ្នា និងអាចចូលរួមបរិច្ចាគតិចក្តីច្រើនក្តីទៅតាមលទ្ធភាពដើម្បីរួមគ្នាលើកកម្ពស់ការអាននៅតាមសហគមន៍ នៅទូទាំង ២៥ខេត្ត/រាជធានី នៅកម្ពុជា៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ