KPT+

ហេតុអ្វីលោក James Quincey អាចកា្តប់តំណែង CEO ក្រុមហ៊ុនភេសជ្ជៈធំជាងគេលើលោកបាន?

បានផុស

៣ years មុន

នៅ

ថ្ងៃចន្ទ ១៨ មករា ២០២១

ដោយ

បច្ចុប្បន្ន James Quincey ជាប្រធាន និងជានាយកប្រតិបត្តិរបស់ក្រុមហ៊ុនភេសជ្ជៈ កូកាកូឡា។ លោកមានទ្រព្យសម្បត្តិប្រមាណ ៥០ លានដុល្លារ គិតត្រឹមដើមឆ្នាំ ២០២១។

ទម្រាំអាចកាន់តំណែងជា CEO នៃក្រុមភេសជ្ជៈយក្ខលើលោកដូចបច្ចុប្បន្ន បុរសខ្លាំងរូបនេះឆ្លងកាត់បទពិសោធន៍ក្នុងនាមជាអ្នកដឹកនាំជាច្រើនកន្លែង និងក្នុងតួនាទីផ្សេងៗគ្នាផងដែរ។

តើ James Quincey ធ្លាប់ធ្វើអ្វីខ្លះ មុនកាន់តំណែងជានាយកប្រតិបត្តិ កូកាកូឡា?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

CEO រូបនេះជាជនជាតិអង់គ្លេស និយាយភាសាអង់គ្លេសនិងអេស្ប៉ាញបានស្ទាត់។ លោកបានបញ្ចប់បរិញ្ញាបត្រវិស្វកម្មអេឡិចត្រូនិកពីសាកលវិទ្យាល័យ Liverpool។

លោកចូលធ្វើការជាមួយក្រុមហ៊ុនភេសជ្ជៈធំជាងគេនេះដំបូងក្នុងឆ្នាំ ១៩៩៦ ដោយកាន់តំណែងជាថ្នាក់ដឹកនាំជាច្រើនតួនាទីនៅជុំវិញពិភពលោក និងបានក្លាយជានាយកប្រតិបត្តិនៅឆ្នាំ ២០១៧ និងជាប្រធានក្រុមប្រឹក្សាភិបាលនៅឆ្នាំ ២០១៩ ។

Quincey ជាបុគ្គលសំខាន់ដែលនាំឲ្យកូកាកូឡាឈានមុខគេជាបន្ដបន្ទាប់។ លោកមានប្រសាសន៍ថា “យើងកំពុងកសាងអាជីវកម្មមួយក្នុងពេលរាប់សតវត្សរ៍ មិនមែនត្រឹមតែពីរបីខែទេ។”

មុនពេលក្លាយជា CEO លោក Quincey ធ្លាប់បម្រើការជាប្រធាននិងនាយកប្រតិបត្តិការក្រុមហ៊ុនកាលពីឆ្នាំ ២០១៥ ដល់ឆ្នាំ ២០១៧ ។

ចាប់ពីឆ្នាំ ២០១៣ ដល់ឆ្នាំ ២០១៥ លោកជាប្រធានក្រុមហ៊ុន Europe Group។ ក្រោមការដឹកនាំរបស់លោក ក្រុមហ៊ុននេះបានពង្រីកសក្ដានុពលម៉ាករបស់ខ្លួននិងបង្កើនកេរ្តិ៍ឈ្មោះនៅលើទីផ្សារ។ Quincey ក៏ដើរតួយ៉ាងសំខាន់ក្នុងការបង្កើតក្រុមហ៊ុនកូកាកូឡា ដោយសហការដៃគូជាមួយអឺរ៉ុប រហូតក្លាយជាក្រុមហ៊ុនភេសជ្ជៈឈានមុខគេលើពិភពលោក។

ចាប់ពីឆ្នាំ ២០០៨ ដល់ឆ្នាំ ២០១២ តួនាទីរបស់លោកគឺជាប្រធានអង្គភាពអាជីវកម្មភាគពាយ័ព្យអឺរ៉ុប និងប្រទេស Nordics ។

ក្នុងឆ្នាំ ១៩៩៦ លោក Quincey ធ្វើការជាមួយ Latin America Group នៅក្រុង Atlanta ក្នុងឋានៈជានាយកយុទ្ធសាស្ត្រ។ លោកបន្តបម្រើតួនាទីរបស់ខ្លួនរហូតត្រូវបានតែងតាំងជាប្រធានផ្នែកអាមេរិកឡាទីនភាគខាងត្បូងនៅឆ្នាំ ២០០៣។ នៅឆ្នាំ ២០០៥ ដល់ ២០០៨ លោកឡើងជាប្រធានផ្នែកក្រុមហ៊ុនម៉ិកស៊ិក ដែលជាកន្លែងលោកដឹកនាំការទិញយកភេសជ្ជៈ del Valle ។

ត្រឡប់ទៅក្រោយ មុនពេលចូលរួមជាមួយក្រុមហ៊ុនកូកាកូឡា លោក Quincey ជាដៃគូ ប្រឹក្សាយោបល់ផ្នែកយុទ្ធសាស្ត្រនៅ Kalchas Group ដែលជាក្រុមហ៊ុនរបស់ Bain និង McKinsey។

ក្រៅពីនោះ បុរសវ័យ ៥៦ ឆ្នាំរូបនេះមានតួនាទីជាអនុប្រធាននៃវេទិកាទំនិញប្រើប្រាស់និងជាសមាជិកស្ថាបនិកនៃក្រុមប្រឹក្សាប្រឹក្សាយោបល់ស្តីពីផ្សារហ៊ុន New York និងជាអតីតនាយកក្រុមហ៊ុន Pfizer Inc ផងដែរ៕

ប្រែសម្រួល ៖ សន្យា

ប្រភព ៖ TCCC

ចុចអាន៖ មហាសេដ្ឋី Elon ធ្លាប់រៀបការដល់ទៅ៣ដង និងមានសង្សារសុទ្ធតែជាតារាល្បីៗក្រោយលែងលះភរិយា

ចុចអាន៖ កំពូលស្ត្រី Rebecca Wei៖ ខ្ញុំមិនខ្លាចក្នុងការសាកល្បងអ្វីថ្មី តែក៏មិនចេះតែហក់លោត