KPT+

ហេតុផល៣ យ៉ាងដែលនាំបរាជ័យធ្ងន់វិញក្រោយជោគជ័យបានដំបូងៗ

Published

3 weeks ago

February 6, 2021

ក្នុងនាមជាអ្នកដែលកំពុងទទួលបានជោគជ័យ បរាជ័យធ្ងន់អាចនឹងកើតឡើងមកបានភ្លាមៗ ហើយយើងផ្ទាល់ជាអ្នកមានចំណែកធំក្នុងការទទួលខុសត្រូវ។

ទោះបីជាយើងតែងរៀនមេរៀនមានតម្លៃពីការបរាជ័យ តែបរាជ័យមុនជោគជ័យបង្រៀនយើងចំណែកបរាជ័យក្រោយជោគជ័យអាចបំបាក់យើងជារៀងតទៅ។

ដូច្នេះហេតុអ្វីបានជាមនុស្សជោគជ័យហើយបែរជាអាចបរាជ័យវិញ?

យោងតាមលោក Shiv Khera អ្នកនិពន្ធរឿង You Can Win ការបរាជ័យភាគច្រើនកើតឡើងដោយសារហេតុផលមួយក្នុងចំណោមហេតុផលទាំង៣នេះ

កង្វះការផ្តោតអារម្មណ៍

មនុស្សដែលខ្វះការផ្តោត ឆាប់ភ្លេចខ្លួនហើយបែរជាទៅរត់តាមស្រមោលផ្សេងៗពេលគេជោគជ័យភ្លាម ភ្លេចទាំងគោលដៅនិងសកម្មភាពដែលធ្លាប់ធ្វើឱ្យខ្លួនជោគជ័យតាំងពីដំបូង។ ពួកគេអនុលោមតាមកេរ៍ឈ្មោះបន្តិចបន្តួចនោះក៏ចាប់ផ្តើមអនុវត្តិផ្សេងពីការតស៊ូដំបូង។គេចាប់ផ្តើមប្តូរវិន័យនានាដែលជាគន្លឹះនៃជោគជ័យខ្លួនធ្លាប់មាន ហើយធ្វើជាអ្នកផ្សេងដោយមិនដឹងខ្លួន គោលបំណងដើម្បីទទួលយកការចាប់អារម្មណ៍ សូម្បីតែនៅពេលពួកគេដឹងថាអ្វីដែលពួកគេកំពុងធ្វើ គឺខុស។

សម្រេចចិត្តដោយក្រអឺតក្រទម

ការសម្រេចចិត្តដោយក្រអឺតមានន័យថា អ្វីដែលសំខាន់មិនរើសយក បែរជាច្បាមយកតាមការបញ្ជោបញ្ចើច។ មានអ្វីមួយដែលសមនឹងធ្វើត្រឹមត្រូវបានផលល្អមិនធ្វើ បែរជាចង់ផ្សងព្រេង នឹងគ្រោះថ្នាក់អ្វីមួយដែលខ្លួនមិនចេះប្រាកដព្រោះចង់ទទួលបានការស្ងើចសរសើរ។ មនុស្សដែលទើបនឹងជោគជ័យចាប់ផ្តើមសម្រេចចិត្តអត្តនោម័តព្រោះគេគិតថា គេកំពុងជោគជ័យស្រាប់ហើយ គេមិនស្តាប់អ្នកមិនទាន់ជោគជ័យទេ រឹតតែមិនទុកចិត្តមនុស្សដែលជោគជ័យដូចខ្លួនទៅទៀត។

កង្វះវិន័យ

នរណាម្នាក់ដែលបានជោគជ័យហើយចាប់ផ្តើមលែងមានចរិតដូចមុន គឺជាមនុស្សខ្វះវិន័យ ។ ពួកគេលែងគោរពទម្លាប់ ដែលធ្លាប់ជួយឱ្យខ្លួនបានល្អ បែរជាជឿថា ខ្លួនអាចបង្កើតទម្លាប់ថ្មីដែលល្អជាងពីមុនទៀត។ គេធ្វើអ្វីៗណា ដែលមានប្រយោជន៍ភ្លាមៗហើយមិនធ្វើដោយវិន័យត្រឹមត្រូវទេ។ ជោគជ័យនៅគោលដៅមួយ នឹងមិនអាចលុបបំបាត់បញ្ហាទាំងអស់របស់យើងបានឡើយ។ អាកប្បកិរិយាហួសប្រមាណមួយចំនួន ដែលបុគ្គលជោគជ៍យដំបូងៗបានប្រកាន់យក បានរារាំងមិនឱ្យមនុស្សម្នាចង់ជួយដល់ពួកគេដូចកាលពីមុនសោះ ហើយការទទួលខុសត្រូវចំពោះតួនាទីរបស់ពួកគេនៅក្នុងជីវិតបានចុះខ្សោយ។

ប្រែសម្រួល៖ សុភា

ប្រភព៖ success

ចុចអាន៖មុខរបរលក់ PRINT-ON-DEMAND ជាគំនិតអាជីវកម្មថ្មីហើយល្អនៅអាមេរិក

ចុចអាន៖សញ្ញាទាំង ៧ ដែលអ្នកកំពុងដើរតាមគន្លងរបស់មហាសេដ្ឋី