អាជីព
បរាជ័យអាជីវកម្ម? មានវិធីកែខៃព្រោះគ្រប់គ្នានៅសល់ពេលច្រើនទៀតដើម្បីបង្កើតជោគជ័យ
ក្នុងជីវិតឬអាជីវកម្មក្ដីភាពមិនសមប្រកបរមែងកើតមានជារឿយៗគ្រាន់តែតិចឬច្រើនប៉ុណ្ណោះ។ ទម្រាំដល់គោលដៅដែលល្អប្រសើរបញ្ហានឹងកើតឡើងជាហូរហែរ ប៉ុន្តែទៅដល់ទិសដៅឬអត់ អាស្រ័យយើងផ្ដេកផ្ដួលឬប្រឹងក្រោកឈរនោះឯង។
បើជីវិតជួបបញ្ហា ឬបរាជ័យលើការរកស៊ីនានា វិធីខាងក្រោមជាចំណុចគួរអានយកមកពិចារណានិងអនុវត្ត៖
សុំជំនួយ
គ្មាននរណាម្នាក់ឆ្លងកាត់ជីវិតជោគជ័យតែម្នាក់ឯងរហូតទេ។ បើក្តីសង្ឃឹមនៅក្នុងខ្លួនចាប់ផ្តើមចុះខ្សោយ យើងអាចស្វែងរកវានៅក្នុងអ្នកដទៃ។ អ្នកផ្សេងក្រៅពីខ្លួនឯងមិនមែនសុទ្ធតែបោះបង់យើងចោលឯណា យ៉ាងហោចនៅមានមិត្តភក្ដិយ៉ាងពីរបីនាក់ ឬបងប្អូនយើង កំពុងតស៊ូជួយយើងតាមលទ្ធភាពរបស់ពួកគេដែរ។ វាមិនមែនជារឿងអាម៉ាស់ ឬអន់ទេ ក្នុងការស្វែងរកជំនួយពីមនុស្សជិតដិតនឹងខ្លួន។ ជឿថា ពួកគេមិនសុខចិត្តបិទភ្នែកនោះទេ។
រំលឹកពីមូលហេតុសំខាន់ដែលរុញខ្លួនឯងឲ្យមករកស៊ី
ភាពជោគជ័យ ជាការសម្រេចនូវគោលបំណង មិនមែនជាអ្វីដែលល្អឥតខ្ចោះនោះទេ។ ដូច្នេះមានរឿងជាច្រើនមិនសុទ្ធតែសមប្រកបដោយរលូនទាំងអស់ឡើយ។ គួររំឭកខ្លួនជានិច្ចថា តើយើងចង់បានអីពិតប្រាកដក្នុងអាជីកម្មនេះ? ចង់បានអ្វីមួយ ប្រហែលត្រូវបាត់បង់អ្វីមួយទៅវិញ ហេតុនេះ មុនជោគជ័យលើការរកស៊ីក៏ពេលខ្លះអាចខាតដើមខាតចុង មិនមានអ្វីចម្លែកទេ។
បណ្ដោយតាមពេលមួយរយៈ សឹមចាប់ផ្តើមម្ដង
ទោះបីបរាជ័យក៏ពិតមែន តែមិនគួរបញ្ឈប់យើងពីការសាកល្បងអ្វីដែលថ្មីឡើយ។ ចាញ់ជាកំហុសធ្វើឱ្យយើងកាន់តែរឹងមាំ និងរៀបចំបានល្អសម្រាប់គម្រោងថ្មីៗ។ បើជ្រុលជាអាជីវកម្មរអាក់រអួល ពិបាកងើបមុខបន្តិចបែបនេះ អ៊ីចឹង! សម្រាកសិនក៏បានដើម្បីយកកម្លាំងស្ដារស្ថានការឡើងវិញក្រោយមានកម្លាំង។
ទុកពេលឱ្យខ្លួនសម្រាកសិន
យកពេលដែលកំពុងស្មុគស្មាញសម្រាកនៅផ្ទះខ្លះ ឬទៅលំហែពីរបីសប្ដាហ៍ឲ្យខួរក្បាលធូរស្រាល សឹមគិតថាត្រូវធ្វើអ្វីបន្តទៀត។ ការសម្រាកអាចធ្វើឲ្យអារម្មណ៍ប្រសើរជាងមុន និងអាចគិតរកវិធីល្អៗមកដោះស្រាយបញ្ហាបាន។ ខណៈកំពុងវិលវល់បែបនេះ កុំបន្តដាក់សម្ពាធផ្លូវចិត្តកាន់តែធ្ងន់ថែម ព្រោះគិតច្រើន ក៏មិនអាចជប់អ្វីឲ្យល្អប្រសើរបានល្អវិញដែរ។
ចងចាំថា នៅសល់ពេលច្រើនទៀតដើម្បីបង្កើតជីវិតជោគជ័យ
បើពិតជាចង់ទទួលជោគជ័យក្នុងជីវិត បើពិតជាចង់ធ្វើអ្វីពិសេសដែលមិនគួរឱ្យជឿ ហើយបើពិតជាចង់បំពេញក្តីសុបិន្តរបស់ខ្លួនឲ្យត្រចះត្រចង់ ចងចាំជានិច្ចថា ការបរាជ័យគឺមិនអាចចៀសរួចឡើយ។ ដួលថ្ងៃនេះ មិនមែនជាថ្ងៃចុងក្រោយនៃជីវិតទេ យើងសល់ពេលច្រើនថ្ងៃច្រើនខែនិងច្រើនឆ្នាំទៅមុខទៀតដើម្បីតស៊ូជាមួយជីវិតនេះ៕
ប្រែសម្រួល៖ សន្យា
ប្រភព៖ medium
ចុចអាន៖ អ្នកផ្តល់ប្រឹក្សាបញ្ហាជីវិតជាមុខរបរដ៏មានទីផ្សារ តែធ្វើយ៉ាងណាទៅកាន់ជំនាញនេះបាន?
ចុចអាន៖ អាយុប៉ុន្មានដែរ ទុកថាចាស់ពេក ក្នុងការបន្តទៅធ្វើការជាមួយក្មេង?
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង