KPT+

មេរៀនជីវិតសំខាន់ៗ ៤ ដែលគ្រប់គ្នាអាចរៀនពីភាពយន្ត Kung Fu Panda

បានផុស

៣ years មុន

នៅ

ថ្ងៃពុធ ៣ មីនា ២០២១

ដោយ

Sonya

Kung Fu Panda គឺជាខ្សែភាពយន្តជីវចលដែលបង្រៀនមេរៀនពីជីវិតគួរឱ្យចាប់អារម្មណ៍ជាច្រើន ដែលបានបង្កប់នៅក្នុងសាច់រឿង។

ខាងនេះជាសំដីមានឥទ្ធិពលចំនួន ៤ របស់តួអង្គនីមួយៗក្នុងភាពយន្តនេះ ៖

១. ចេះរស់នៅក្នុងបច្ចុប្បន្នភាព

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Ooguay ៖ “ ម្សិលមិញជាប្រវត្តិសាស្ត្រ ថ្ងៃស្អែកជាអាថ៌កំបាំង ប៉ុន្តែថ្ងៃនេះជាអំណោយ។ នោះហើយជាមូលហេតុដែលគេហៅថាបច្ចុប្បន្ន” ។ អ្វីដែលសំខាន់មិនមែនជាអ្វីដែលធ្លាប់កើតឡើង ឬរឿងដែលនឹងកើតឡើងនោះទេ។ ចូរចាត់ទុកពេលវេលានីមួយៗជាអំណោយ ហើយរស់នៅក្នុងជីវិតមួយពេញលេញដែលកំពុងជួប។

២. កុំគេចបញ្ហា

Ooguay៖ “ មនុស្សគ្រប់គ្នាតែងតែជួបជោគវាសនាផ្សេងគ្នា នៅលើផ្លូវរបស់ខ្លួនម្នាក់ៗ” ។ ហើយមនុស្សគ្រប់គ្នា ក៏មានបញ្ហាផ្សេងគ្នា ទៅតាមផ្លូវនោះ។ គ្រប់គ្នាមិនអាចចៀសបានទេនូវឧបសគ្គជីវិត។

ហេតុដូច្នេះហើយ ប្រសិនបើអ្នកយល់ថាខ្លួនឯងមានបន្ទុក មិនចង់ដោះស្រាយ ព្រោះគិតថាខ្លួនឯងដូចមានសម្ពាធលើសគេ វាមិនមែនជាអ្វីដែលត្រូវធ្វើទេ។ នរណាៗក៏មានសម្ពាធរបស់គេ ហេតុនេះកុំគេចវេស! រៀនប្រឈម រៀនដោះស្រាយទៅ។

៣. ការតាំងចិត្តនាំមកនូវការសម្រេច

Tigress៖ “ មានគេនិយាយថា អ្នកចម្បាំងនាគអាចដើរបានច្រើនខែដោយមិនហូបអ្វី និងអាចមានជីវិតដោយពឹងលើទឹកសន្សើមនៃស្លឹកជីងហ្គូកូ ” ។

Po៖ “ ខ្ញុំគិតថារាងកាយរបស់ខ្ញុំមិនទាន់ដឹងថា ខ្ញុំជាអ្នកចម្បាំងនាគនៅឡើយទេ។ វានៅត្រូវការថាមពលច្រើនជាងទឹកសន្សើមនិងទឹកផ្លែឈើទៅទៀត”។

ជាការពិត ស្ដាប់ទៅដូចជាពិបាកបន្តិច ដើម្បីអាចរស់បានដោយមិនចាំបាច់ហូបអ្វីសោះ។ ប៉ុន្តែ នៅពេលស្ថិតក្នុងពេលវេលាដ៏លំបាកបំផុត ទោះមិនហូបអ្វីសោះ ក៏យើងអាចរស់បាន ដោយសារអ្វី? ដោយសារការតាំងចិត្តជម្នះនោះឯង។

៤. គ្រប់គ្នាអាចក្លាយជាវីរបុរស

Po៖ តួអង្គ Po តែងគិតថាខ្លួនគេមិនមានអំណោយទានឬទេពកោសល្យអ្វីឡើយ។ គេខ្វះទំនុកចិត្ត ហើយត្រូវទ្រាំនឹងពាក្យសំដីមើលងាយរបស់ក្រុមមិត្តជាញឹកញាប់។ លើសពីនេះទៀត គេក៏ត្រូវឆ្លងកាត់ការហ្វឹកហាត់ក្បាច់គុនដែលនាំឱ្យគេមិនអាចទទួលទានអាហារដូចទម្លាប់ញ៉ាំច្រើន។

យ៉ាងណានៅចុងបញ្ចប់ Po បានស្រាយអាថ៌កំបាំងនៃសៀវភៅនាគ បន្ទាប់ពីជួបជាមួយឪពុក។ ឪពុករបស់ Po បានព្យាយាមលើកទឹកចិត្ត Po ដោយប្រាប់គេនូវគ្រឿងផ្សំសម្ងាត់នៃស៊ុបគុយទាវរបស់គ្រួសារនោះគឺ គ្មានអ្វីទាំងអស់ ! គាត់បានពន្យល់ថា អ្វីៗក្លាយជារឿងពិសេស ពីព្រោះមនុស្សជឿថាពួកគេពិសេស។

បន្ទាប់ពីនោះ Po បានដឹងថា ខ្លួនគេពិតជាអាចធ្វើជាមនុស្សអស្ចារ្យម្នាក់បានមែន ប្រសិនបើគេជ្រើសរើសជឿលើខ្លួនឯង។ នៅទីបំផុតគេ ពិតជាអ្នកចម្បាំងនាគមែន៕

ប្រែសម្រួល៖ សាង ស្រីល័ក្ខ

ចុចអាន៖ មេរៀនជីវិតល្អៗពីភាពយន្តភាគ “Crash Landing On You” សម្រាប់យុវវ័យ

ចុចអាន៖ មេរៀនជីវិតទាំង ៥ ដែលអាចរៀនពីភាពយន្តរឿង “Mulan”