Connect with us

KPT+

តាមពិតយំចេញឮ​​ៗ​ពេល​រងការ​ឈឺចាប់​​អាចជួយដល់សុខភាព​វិញ​បាន

បានផុស

នៅ

គ្នា​យើងខ្លះ ​មាន​ការ​យល់​ច្រឡំ​ថា ការ​ស្រែក​យំអាចនឹងបំផ្លាញ​សុខភាព ​ប៉ុន្តែ​វិទ្យាសាស្ត្របែរជាអះអាងថា ការ​យំ​គឺ​ជាការជួយដល់សុខភាព​ទៅវិញ​ទេ ពិសេសផ្លូវចិត្ត​។ បើ​យើង​បាន​ដឹង​ពី​គុណប្រយោជន៍​នៃ​ការ​យំ​ ​សូម​កុំ​ខ្មាសអៀន​ ហើយ​ស្រែក​យំ​ខ្លាំងៗ​ ដើម្បី​ទទួល​បាន​អារម្មណ៍​ធូរស្បើយមកវិញ។

១. យំ​អាច​ធ្វើ​ឱ្យ​ធូរស្បើយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​សិក្សា​បង្ហាញ​ថា ​ការ​ស្រក់​ទឹកភ្នែក​ផ្ដល់​នូវ​ឥទ្ធិពល​ល្អ​ដល់​ចិត្ត​និង​បេះដូង​ ដល់​អ្នក​ដែល​បាន​ស្រែក​យំ។ មនុស្ស​ដែល​យំ​នឹង​ទទួល​បាន​​អារម្មណ៍​សុខសាន្ត​ បន្ទាប់ពី​បញ្ចេញ​អារម្មណ៍​ដោយ​ការ​យំ។

ការ​ដែល​យើង​ព្រម​បណ្ដោយ​ឱ្យ​អារម្មណ៍​នៃ​ការ​យំ​កើតឡើង ​គឺ​ជួយ​កាត់​បន្ថយ​អារម្មណ៍​សៅហ្មង ភាព​តានតឹង ​និង​ការ​ថប់បារម្ភ​​ ហើយ​ធ្វើ​ឱ្យ​យើង​ស្ងប់​ចិត្ត​បាន។

២. ជួយ​ចង្វាក់​បេះដូង​ថយ​ចុះ​

តាម​ការ​ស្រាវជ្រាវ​ភាគច្រើន​បាន​និយាយ​ថា​ អារម្មណ៍​របស់​ពួកគេ​មាន​ភាព​ប្រសើរ​ឡើង​នៅ​ពេល​ដែល​ពួកគេ​យំ​ ជា​ពិសេស​ប្រសិន​បើ​មាន​នរណា​ម្នាក់​លួងលោម​ នោះ​ផ្លូវចិត្ត​​នឹង​ឆ្លើយតប​នឹង​ការ​យំ​មិនខាន។ យ៉ាងហោចណាស់ ​អារម្មណ៍​ល្អៗ​ប្រាកដ​ជា​មាន​បន្ទាប់ពី​បាន​យំ។

ដូចគ្នា​នេះ​ផង​ដែរ​ នៅ​ពេល​យើង​ស្រក់​ទឹកភ្នែក ​ការ​ដកដង្ហើម​រួមទាំង​ចង្វាក់​បេះដូង​អាច​ថយ​ចុះ​ ហើយ​ជួយ​យើង​ឲ្យ​​មាន​អារម្មណ៍​រីករាយ​ និង​កាន់តែ​មាន​សន្តិភាព​ផ្លូវចិត្ត។

៣. ជម្រះអារម្មណ៍សេសសល់

ការ​យំអាច​​ជួយ​ជម្រះភាព​តានតឹង​និង​បោស​សំអាត​អារម្មណ៍​សេសសល់ រួម​ទាំង​ឲ្យ​ជួយយើង​រៀន​អត់ធ្មត់​ នៅ​រឿង​លំបាក។ ពេល​គ្នា​យើង​បាន​យំ​ ដូច​បាន​បញ្ចេញ​​ភាព​តានតឹង​និង​ទុក្ខ​ព្រួយ​ដែល​មាន។

ទឹកភ្នែក​បាន​ពី​​មនោសញ្ចេតនា​ជ្រាលជ្រៅ​និង​កម្រិត​អ័រម៉ូន​ខ្ពស់ ​ដែល​អាច​ធ្វើ​ឲ្យ​យើង​មាន​អារម្មណ៍​ធូរស្រាល​ជាង​មុន។

៤. ក្លាយ​ជា​មនុស្ស​កក់ក្ដៅ

មនុស្ស​ដែល​យំ​ជា​បុគ្គល​ដែល​កក់ក្ដៅ​និង​អាច​ទុកចិត្ត​បាន​ ជាង​អ្នក​ដែល​មិន​ដែល​បញ្ចេញ​អារម្មណ៍​របស់​ពួកគេ​ទាល់តែសោះ។ ដូច្នេះ​សូម​ឱ្យ​ខ្លួនឯង​បាន​បង្ហាញ​ពី​អារម្មណ៍​សោកសៅ​ ឬ​ការ​ខកចិត្ត​មក​ខ្លះ នោះ​យើង​នឹង​មាន​អារម្មណ៍​ធូរស្រាល​មិនខាន។

៥. មាន​គំនិត​ច្នៃប្រឌិត

ការ​យំ​អាច​ធ្វើ​ឱ្យ​គ្នា​យើង​មាន​គំនិត​ច្នៃ​ប្រឌិត។ បន្ទាប់ពី​អារម្មណ៍​ត្រូវ​បាន​ចំណាយ​ពី​ការ​យំ​ យើង​នឹង​មាន​អារម្មណ៍​បំផុស​គំនិត​ ចេញពី​ភាព​ទុក្ខ​ព្រួយ​ឈឺចាប់​ ឬ​កំហឹង​ដែល​យើង​មាន​តាម​រយៈ​សិល្បៈ​តន្ត្រី​ ឬ​ការ​សរសេរ។

មនុស្ស​ដែល​មាន​គំនិត​ច្នៃប្រឌិត​តែងតែ​មាន​ផ្លូវចិត្ត​រសើប​ជាង​អ្នក​ដទៃ។ ចូរឱ្យ​ទឹកភ្នែក​ជា​អ្នក​ជំរុញ​យើង ដើម្បី​បង្កើត​អ្វី​ដែល​ថ្មី​សម្រាប់​ខ្លួនឯង។

៦. កាត់បន្ថយ​ផ្នែក​វេជ្ជសាស្ត្រ

ការ​យំ​បញ្ចេញ​អ័រម៉ូន​ដូចជា oxytocin និង​អ័រម៉ូន endorphins ។ ការ​បញ្ចេញអ័រម៉ូននេះ​ ជួយ​កាត់​បន្ថយ​ការ​ឈឺចាប់​របស់​យើង​បាន​មួយ​កម្រិត​ទៀត។

ដូច្នេះ​នៅ​ពេល​ក្រោយ​ដែល​យើង​ឈឺចាប់​ សូម​យំ​ចុះ ​ឲ្យ​អ័រម៉ូន​បញ្ចេញ​ចោល​ឲ្យអស់​ ហើយ​ការ​ឈឺចាប់​នឹង​កាត់បន្ថយ​បាន​យ៉ាង​រហ័ស៕

ប្រែសម្រួល៖​ សាង ​ស្រីល័ក្ខ

ប្រភព៖ powerofpositivity

ចុចអាន៖ ទឹកភ្នែក​ពិតជា​មាន​ប្រយោជន៍ តែ​កុំ​ប្រើ​វា​ទាមទារ​អ្វី​ៗច្រើនដងពេក

ចុចអាន៖ កត្តាធំៗទាំង ៦ នៅពីក្រោយការយំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម