ពិបាកចិត្តខ្លាំង ប៉ុន្តែយំមិនចេញអាចមកពីមូលហេតុ ៦ យ៉ាងនេះ

ការស្រាវជ្រាវរកឃើញថា ការយំអាចជួយបន្ធូរអារម្មណ៍តានតឹងនិងសម្អាតភ្នែក ប៉ុន្តែពេលខ្លះគ្នាយើងមួយចំនួនកំពុងប្រឈមមុខនឹងការយំមិនចេញស្ទើរស្ទះដង្ហើម ។ មកដឹងពីមូលហេតុ ៨ យ៉ាងនេះដែលធ្វើឲ្យអ្នកយំមិនចេញ ៖

១. លក្ខខណ្ឌជំងឺ

ជំងឺភ្នែកស្ងួតអាចប៉ះពាល់ដល់ការផលិតទឹកភ្នែកធ្វើឲ្យតម្រូវការយំមិនបានសម្រេច ភាគច្រើនកើតលើមនុស្សចាស់និងបុគ្គលដែលប្រើប្រាស់ឡេន ។

២. ការប្រើប្រាស់ថ្នាំ

ការសិក្សាមួយបានបង្ហាញថា ៤៦ ភាគរយ នៃអ្នកប្រើប្រាស់ថ្នាំប្រឆាំងនឹងជំងឺធ្លាក់ទឹកចិត្ត (antidepressants) ពិបាកបញ្ចេញអារម្មណ៍ជាងមនុស្សទូទៅ ។

៣. ការប្រែប្រួលអាកាសធាតុ

អាកាសធាតុស្ងួតអាចបណ្ដាលឲ្យស្ងួតទឹកភ្នែក និងផលិតទឹកភ្នែកក្នុងកម្រិតតិចតួចបំផុត ។

៤. ការវះកាត់

បើអ្នកធ្លាប់ឆ្លងកាត់ការវះកាត់ ឬបាញ់ឡេស័រភ្នែក នោះអាចជាមូលហេតុធ្វើឲ្យភ្នែកស្ងួតពិបាកយំ ។

៥. ស្ថានភាពជំងឺផ្លូវចិត្ត

បទពិសោធន៍ប៉ះពាល់ផ្លូវចិត្តខ្លាំងពីអតីតអាចបង្កអារម្មណ៍ស្ពឹក និងបាត់បង់ការឆ្លើយតបពេលឈឺចាប់បច្ចុប្បន្ន ។

៦. ទម្លាប់ទប់អារម្មណ៍ 

មនុស្សមានទម្លាប់ឆ្លើយតបនឹងអារម្មណ៍តានតឹងខុសៗគ្នាដូចជា ប្រើអំពើហិង្សា យំ រត់គេច និងនៅស្ងៀម ។ ក្នុងករណីមានទម្លាប់ទប់កំហឹងអាចជួយឲ្យអ្នកមិនសូវបញ្ចេញអារម្មណ៍ ប៉ុន្តែនឹងស្ទះនៅពេលក្រោយ ។

អ្នកមានបញ្ហាដូចនេះគប្បីទៅពិគ្រោះជាមួយពេទ្យចិត្តសាស្ត្រ និងស្វែងរកជំនួយពីអ្នកជុំវិញខ្លួនដូចជាគ្រួសារ ឬមិត្តភ័ក្តិ ជៀសវាងសម្ងំស្ងៀមស្ងាត់ម្នាក់ឯង៕

ប្រែសម្រួល ៖ វារី

ចុចអាន ៖ តាមពិតយំចេញឮ​​ៗ​ពេល​រងការ​ឈឺចាប់​​អាចជួយដល់សុខភាព​វិញ​បាន