លោក ម៉ៅ អាយុទ្ធ បន្សល់ស្នាដៃ​​អ្វី​ខ្លះ​ ក្នុង​វិស័យ​ភាពយន្ត​?
Connect with us
Helistar Cambodia - Helicopter Charter Services

ព័ត៌មានជាតិ

លោក ម៉ៅ អាយុទ្ធ បន្សល់ស្នាដៃ​​អ្វី​ខ្លះ​ ក្នុង​វិស័យ​ភាពយន្ត​?

បានផុស

នៅ

ដំណឹងនៃការទទួលមរណភាពរបស់លោក ម៉ៅ អាយុទ្ធ នៅវេលាល្ងាចថ្ងៃទី១៥ ខែមេសានេះ បានកំពុងធ្វើឲ្យមហាជននិងមន្រ្តីថ្នាក់ដឹកនាំជាច្រើនព្រមទាំងសិល្បករ-សិល្បការិនី ទូទាំងប្រទេសសម្តែងការចូលរួមសោកស្តាយយ៉ាងខ្លាំងជាមួយមរណទុក្ខដ៏ក្រៀមក្រំ និងសោកសៅបំផុតនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជារដ្ឋលេខាធិការក្រសួងព័ត៌ មាននិងក៏ជាផលិតករខ្សែភាពយន្តខ្មែរដ៏ល្បីឈ្មោះមួយរូប ក្នុងចំណោមផលិតករជាច្រើនទៀត ។

លោក កឹម គុណវឌ្ឍ អតីត​អគ្គនាយកទូរទស្សន៍កម្ពុជា​ បានបង្ហោះសារចូលរួមរំលែកទុក្ខ និងរៀបរាប់ថា គ្មាន​អ្វីដែលលោកសញ្ជឹងគិតយ៉ាងឆ្ងាយនៅវេលានេះ ជាងពេលណាៗទាំងអស់ ដោយសារតែរៀមច្បងដ៏ល្បី ដ៏សំខាន់ក្នុងវិស័យទូរទស្សន៍ជាតិនិងភាពយន្តរបស់ខ្មែរគឺឯកឧត្តមព្រឹទ្ធាចារ្យ ម៉ៅ អាយុទ្ធ ដែលរូបលោកជាគ្រូបាធ្យាយ៍ដ៏ច្បងមួយរូបលោកបានបណ្តុះដល់អ្នកបន្តវេន យ៉ាងច្រើនលើសលប់នៅក្នុងវិស័យនេះ រួមមានទាំងរូបលោក និង លោក លោកស្រីជា តារាភាពយន្ត , អ្នកអត្ថាធិប្បាយ , អ្នកថតវីឌីអូ កាម៉េរ៉ាថ្នាក់អន្តរជាតិ, អ្នកសម្តែង និងអ្នកកវីនិពន្ធ រាប់រយ ពាន់នាក់ ។

តាមរយៈបណ្តាញសង្គម លោកបានបង្ហើបប្រាប់ពីស្នាដៃកំណាព្យ និងស្នាដៃភាពយន្តសំខាន់ៗរបស់លោកម៉ៅ អាយុទ្ធ មាន« ប្រភេទ លុយ » និ ងស្នាដៃវណ្ណកម្មភាពយន្តខ្មែរមានដូចជា,រឿង ទឹករាំផ្ការាំ, បិទភ្នែក ហែកទ្រូង, ចិត្តចងចាំ, ឆ្អឹងអណ្តែត, នេសាទក្រពើ, ហ្លួងព្រះស្តេចកន និងខ្សែភាពយន្តប្រចាំ ស.វ « កូនប្រុស ក្រោមពន្លឺចន្ទ» ដែលលោកកំពុងតែដឹកនាំថត គឺជាមរតកអរូបី ដែលខ្មែរសូមចងចាំជានិច្ច ។

“ខ្ញុំសូមបញ្ចើចបញ្ចើដល់ព្រហ្មលិខិត ម្តេចក៏អ្នកមិនផ្តល់ឱកាសឲ្យយើងខ្ញុំបានទៅផ្ទាល់ឱនគោរពវិញ្ញាណក្ខន្ធរៀមច្បងដែលជាគ្រូដ៏ឆ្នើមរបស់យើងខ្ញុំ។ខ្ញុំសូមគោរពឧទ្ទិសដល់ឥន្ទព្រហ្ម ទេវតា សូមយោងយកវិញ្ញាណក្ខន្ធ រៀម ច្បងឯកឧត្តម ម៉ៅ អាយុទ្ធទៅតម្កល់នៅឯឋានបរម សុខជាទីស្ងប់ដ៏សុខសាន្ត។ខ្ញុំបាទសូមគោរពសព និងវិញ្ញាណខន្ធព្រឹទ្ធាចារ្យ ម៉ៅ អាយុទ្ធ ពីចម្ងាយ ដោយ ក្តីសោកសៅជាទីបំផុត “។ លោក កឹម គុណវឌ្ឍ ។

លោក ម៉ៅ អាយុទ្ធ ដែលមានអាយុ៧៧ឆ្នាំរស់នៅភូមិ០៧ សង្កាត់បឹងរាំងខណ្ឌដូនពេញបានឆ្លងកូវី ដ-១៩ហើយបានចូលសម្រាកនៅមន្ទីរពេទ្យមិត្តភាពខ្មែរសូវៀតកាលពីថ្ងៃទី៥ ខែមេសា ឆ្នាំ២០២១។បន្ទាប់ពីចូលសម្រាកព្យាបាលបានប្រមាណ១០ថ្ងៃ លោកក៏បានទទួលមរណភាពនៅរង្វង់ម៉ោង ៦ ថ្ងៃទី១៥ ខែមេសា ឆ្នាំ២០២១៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ នាទី មុន

ផលិតផល​ប្រចាំ​ខេត្ត​ ៤ បាន​ចុះ​បញ្ជី​ទំនិញ​សម្គាល់​ភូមិសាស្រ្ត​កម្ពុជា

ព័ត៌មានជាតិ៩ ម៉ោង មុន

លោកជំទាវ ហ៊ុន ម៉ាណា អញ្ជើញ​ប្រគល់​ផ្ទះ​ទេវតា ១ខ្នង​ដល់ពលរដ្ឋក្រីក្រ និង​សួរសុខ​ទុក្ខ​ដល់​សិស្ស​​ពិការ គ ថ្លង់ និង​​ប្រគេនទេយ្យវត្ថុដល់វត្ត​ចំនួន​​៦ ក្នុង​ខេត្ត​កំពង់​ចាម

ព័ត៌មានជាតិ១៣ ម៉ោង មុន

​ខ្លីប​វីដេអូ​មួយ​បង្ហាញ​ពីការ​រៀប​ចំពិធី​បុណ្យ​សព​នៅ​តំបន់អង្គរ​ ២ ដំ​ណាក់កាល​

សុខភាព១៤ ម៉ោង មុន

ថ្នាំជំនួយផ្លូវភេទបុរសសុវត្ថិភាពអត់? អ្នកណាខ្លះមិនអាចប្រើបាន?

ព័ត៌មានជាតិ១៥ ម៉ោង មុន

ព្រះមហាក្សត្រ​ និងសម្តេច​ព្រះមហាក្សត្រី​ រាជានុញ្ញ្ញាត​ ជូនសម្តេច​តេជោ​ និងឯកឧត្តម​ ហ៊ុន ម៉ាណែត​ ថ្វាយបង្គំគាល់

Sokha Hotels

ព័ត៌មានពេញនិយម

Helistar Cambodia - Helicopter Charter Services